# حب بعد الانفصال❤💔 (25)
... عارفة طولت عليكم شدددديد لكن ما باليد حيلة 😥💔 بعتذر لأني شحتفتكم وتعبتكم معاي 🌹🌹🌹 الفاصل طول شديد بس يلا نواصل😂💞........
... بقى يمشي ويجي قال.......
مروان : لازم يكون في طريقه توصلني ليها 😤🤔
... بعد تفكير ابتسم وقال.......
مروان : لقيت طريقة سهلة وسريعة توصلني ليكي وهي حبيبتي القديمة وصديقتك الهنتيني بسببها 👈 نور
... طلع تلفونو واتصل ليها نور قفلت الخط في وشو حاول كم مرة بس نهائي ما ردت ليهو غضبو زاد وهو متعود كل ما يزعل او يحس نفسو متضايق يمشي لجنة الدنيا اي قصدي أمو رغم إنو علاقتو مع ابوهو متوترة شديد لأنو ‘‘‘مروان زمن كان بدرس في الجامعة او زمن مراهقتو بالأصح تبع أصدقاء السوء ورموهو في دوامة المخدرات والسكر والزنا وبقى مدمن للحاجات دي 😪اما ابوهو فكان ليهو مكانة مرموقة في الشرطة وكل الناس بتحترمو وبتضرب بيهو المثل ولمن مسكو ولدو مع اصدقائو سكرانين وطافين نهائي دا غير المخدرات الفي دمهم ولمن ابوهو عرف بعمايل ولدو رفض يتدخل ، وحكمو عليهم بالسجن لسنة كاملة وهو نهائي ما أتدخل ولا دافع لولدو عشان كدا مروان بكرهو واهم سبب خلا مروان يكره ابوهو زيادة هو حسام حنعرف كيف لقدام يلا عشان سلوك مروان المحترم واحتراماً لمكانه ابوهو طلعو من السجن بعد ستة شهور ومن وقتها وهو رافض يرجع بيتهم وحتى ابوهو ما راضي يرجعو البيت إلا بعد يصلح سلوكو ويقرر يتزوج ويستقر ، مرات بمشي بيتهم زيارات عشان يشوف امو واخوانو ويطمن عليهم ما اكتر ، الفترة المروان قضاها في السجن فادتو في شي واحد قدر يتخلا عن المخدرات وصح بعد طلع من السجن قدر يكون نفسو بنفسو ويتم جامعتو بس عشان ينسى اوجاعو رجع تاني للسكر والزنا💔‘‘‘ ....طيب نرجع لمروان ركب عربيتو وساق بغضب لحدي ما وصل بيتهم ‘‘‘ مبني سطوح عادي تحت مفرش بطريقة جميلة وراقية وفوق مفرش للقعدات ‘‘‘ قبل ما ينزل من عربيتو اخد نفس عميق وحاول يهدي نفسو بعدا نزل ودخل بيتهم بقى ينادي امو لحدي ما دخل غرفتها لقاها قاعدة من شافتو جرت حضنتو بشوق بعد سلم عليها وباسها في راسها قعد جنبها وداير يفتح قلبو ويحكي ليها عن حياتو وفرحو وحزنو بس قبل ما يتكلم سمع صوت باب الحمام فتح وقف بصدمة ومسك اعصابو وقال بغضب...........
مروان : اسف يا أمي لو كنت بعرف إنو زوجك رجع ما كان جيت 😠💔
... ابوهو جاء وقف قدامو وقال ليهو بغضب........
صالح : انا بكون ابوك فاهم 😡انا مش قلت ليك لمن تبقى واعي وتحترم علاقتنا وكمان تحترم بنات الناس وقتها ممكن ترجع البيت دا والا ما اشوف وشك هنا😡
مروان : لو كنت بعرف انك هنا ما كان عتبت عتبة الباب دا😬
صالح : انت مستحيل تتغير 😡
... عاين ليهو بحزن وقال ......
مروان : وانت كمان مستحيل تتغير سيد صالح 😞💔
... بعد قال كدا طلع بسرعة وفات أمو قعدت تبكي قالت لزوجها........
صباح : لمتين حتفضلو كدا 😭 انا عاوزة ولدي يا صالح لو سمحت أتكلم معاهو كأب 😭💔
... قعد جنبها وقال ليها.......
صالح : انا كمان عاوز ولدي يرجع بس دا ما ولدنا مروان دا مجرد واحد نسونجي وسكير 😡😡💔 ولو ما صلح نفسو ما عندو مكانة في البيت دا ، لازم يشكر ربو لاني ما رميتو في السجن تاني 😤
صباح : انت السبب لو ما دخلتو السجن اول مرة ما كان بقى كدا 😠😭💔وإياك تفكر تدخلو السجن تاني وإلا حتلقاني ميتة 😤
صالح : صباح انا شرطي والكل بحترمني وولدك خلط وانا عاقبتو كشرطي بس هسي انا عاقبتو كأب عشان كدا طردتو من البيت 💔
صباح : انت اتعاملت معاهو كشرطي ما كأب لو مرة واحدة حسستو بحبك ما كان عمل كدا 😥💔
... قعد في الكرسي وفتح ملف وقال ليها.......
صالح : لو سمحتي اقفلي موضوع مروان عندي شغل لازم ينتهي 📓
... صباح عاينت ليهو بغضب وطلعت فاتت غرفة مروان رقدت في سريرو وقلبها مكسور وبقت تدعي ربنا يهدي ولدها ويصلح علاقتو مع ابوهو 💔💔💔 اما مروان بعد طلع فات شقتو وبدأ يكسر كل شي بغضب لحدي ما تعب جاب قزازة حقت بيرا ‘‘خمرة‘‘ 🍾🍷 وقعد طرف السرير شرب منها شوية واتذكر كلام ابوهو وعتابو وعقابو والعذاب الاتعذبو في السجن دموعو نزلو مسح دموعو وطلع تلفونو اتصل لنور تاني بس ما دخل معاهو رما القزازة في الأرض بقوة شافها اتكسرت حتت قام بغضب فتح دولابو وطلع صندوق فيهو شرائح ركب شريحة واتصل في رقم نور من اول رنة ردت قالت ليهو.........
نور : الو
... لمن ردت فرح شديد هدأ نفسو وقال ليها......
مروان : نور لو سمحتي ما تقفلي الخط 😕
نور : مروان 😠
مروان : نور انا اسف لأني جرحتك بس أديني فرصة اعتذر منك
... سكتت مسافة وقالت ليهو......
نور : مروان انا نسيتك وطلعتك من حياتي وخلاص حأتزوج واستقر وما عاوزاك تعمل لي مشاكل
... قال ليها بحزن.......
مروان : حابب اعتذر منك ما اكتر لو سمحتي لازم اشوفك بكرة 😓
نور : شكراً بس انا ما نور الزمان البتجري وراك عشان تعزمني او تعتذر
مروان : عزمتك عشان اعتذر ما اكتر وعشان تكوني متطمنة جيبي صديقتك الكانت معاك
... قالت ليهو بغضب......
نور : انا ما حأورط بيان في مشاكلي تاني لأني ما بثق فيك انت هددتنا قبل كدا شنو البثبت لي إنو نيتك صافية 😬
مروان : طيب خليكي من صديقتك بيان بس انتي تعالي لو سمحتي خمس دقائق بس بليز
نور : طيب بس خمس دقائق
مروان : شكراً نور شكراً
... بعد قفل الخط رقد في السرير غمض عيونو اخد نفس عميق وابتسم قال بفرح......
مروان : اسمها بيان 😃❤️
...ابتسم وقال .....
مروان : حتعرفي إنو انا ما من أشباه الرجال لمن تبقى زوجتي ونكون ثنائي مثالي بيان ومروان 💞مروان وبيان 😍
... بعد نسج احلامو الوردية نام 😴 اما انا وحسام بقى في مسافة بينا وبقيت أبعد عنو بكل الطرق وحتى السرير بقيت ارص مخدات بينا عشان لا انا امشي جهتو بالخطأ ولا هو يجي جهتي وهو كمان كلامو معاي عادي وبقى يقضي يومو كلو في الشغل ويرجع متأخر ، المهم محمد إتشجع وجاب اهلو وطلب يد شهد وبابا شكرو وما قصر وعمو بثق في بابا ثقة عمياء عشان كدا وافق طوالي لانو من طرف صديقو بس قال القرار النهائي قرار شهد وشهد وافقت وكان أحلى يوم بالنسبة ليها ولينا كمان حددو الخطوبة بعد ثلاثة أيام شهد كانت مبسوطة شديد بعد حددو الخطوبة انا طوالي رحلت قعدت مع شهد اي كنت عاوزة فرصة عشان أبعد عن حسام لاني كنت مشوشة وحابه اشغل نفسي ،المهم اول يوم اشترينا الشبكة تاني يوم خالتو جابت حنانة عملت لشهد حنة زابطة في يدينا ورسمت ليها حجل في رجلها الشمال 💗انا كمان حننتني حنة حلوة شديد ثالث يوم زينو البيت زينة بسيطة وجميلة شديد بعد الظهر كدا انا وشهد مشينا الكوفير بعد وصلنا حسام ضرب قال لي هو حيجي يسوقني من الكوفير قلت ليهو لا مافي داعي وقفلت الخط طوالي ما اديتو فرصة يتكلم المهم شهد بعد مكيجوها لبست فستان ابيض بأزرق من فوق ضيق لحدي الخصر وتحت فاري يدينو نص كم وكعب ازرق وشعرها عملو كعكة وختو ليها تاج ومع الاكسسوارات طلعت عسسسسل 😍❤️اما انا لبست فستان أسود مع الجسم ما ضيق بس كأنو مفصلونو لي وكعب ذهبي واكيد حجلي الحبيب واكسسوارات ذهبية وشعري كعكة وطلعت لي خصل مع الحنة ما عرفت نفسي😍 بعد اتجهزنا ما تمينا عشرة دقائق محمد ضرب قال وصل طلعت مع شهد محمد جاء لابس بدله زرقاء والقميص الجوا ابيض بقو مطقمين مع بعض بالجد الاثنين حلوووين شديد بعد الكلمات الرومانسية والغزل سمعت صوت بوري كلنا اتلفتنا طلع دا حسام جاء سلم للعرسان وبارك ليهم بعدا ركبو العربية وبدون ما يتكلم معاي مسكني من يدي وساقني معاهو لحدي ما ركبني العربية وقفل الباب بقوة عرفتو غضبان عشان كدا قعدت بأدب وسكتة وهو كمان بعد ركب قفل بابو بقوة قلت خلاص شياطين الإنس راكبين في راسو بعد ساق مسافة قال لي.........
حسام : وين الطرحة 😤
... عملت نفسي سرحانة وما سامعاهو 🌚قال لي بغضب.........
حسام : بيان 😬
... عاينت ليهو بابتسامة وقلت ليهو.....
انا : شايف عشان كدا قلت ليك ما تجي تسوقني 🙄
... عاين لي من راسي لرجليني وقال لي.......
حسام : بعيد عن الطرحة عاملة روج تقيل والخلخال دا مش قلت ليكي ما تلبسيو 😡
انا : حسام الليلة دي مهمة بالنسبة لي فلو سمحت ما تعكر لي مزاجي😬
... بعد قلت ليهو كدا غضبو زاد وبقى يسوق بسرعه خفتة منو وسكتة قال لي بغضب.........
حسام : انتي حرة بس اذا واحد إتجرأ يعاين ليكي بقتلو وحيكون دا بسببك 😡😡😡
... ما رديت ليهو لأنو لمن يغضب ممكن يعمل اي شي بعد وصلنا العرسان وصلو ورانا لأنو المجنون دا ساق بسرعه شديدة ، انا دي ما صدقت من وصلنا نزلت سريع وبعد شهد ومحمد دخلو كنت وراهم بس حسيت بزول مسكني من يدي اكيد عرفتو دا حسام حاولت اجر يدي منو بس ماسكني بقوة سكتة خليتو دخلنا مع العرسان والزغاريد والموسيقى 😍 بالجد حلو شديد لحدي ما قعدو في الكوشة (للناس الما بعرفو الكوشة دا مكان مزين بالورود والبالونا و... الخ مخصص لجلوس العرسان😁 ) المهم بعد قعدو جابو ليهم الخواتم ولبسو بعض 💍💞بعدا علت الزغاريد والفرح والتبريكات عاينت جمبي لقيت حسام مافي اتحيرت وقبل ما يبدو الأغاني جاء شادي قال عاوزين محمد ضروري ساقو وفات الناس كلهم قعدو في حيرة انا قعدت جمب شهد وقلت ليها.........
انا : شودي الحاصل شنو حسام اختفى وشادي جاء ساق محمد كمان 🤔
شهد : ما بعرف بس متوترة وخايفة 😥
... ختيت يدي في يدا وقلت ليها.....
انا : ما تخافي ان شاء الله ما بحصل الا كل خير 🙂
شهد : ان شاء الله 😪
انا : بمشي اشوف الحاصل وبرجع ليكي
شهد : اي عشان تطمنيني
... مشيت على صالة الرجال بس شادي وقف في وشي وقال لي.........
شادي : بيان بتعملي هنا شنو ؟
انا : شادي الحاصل شنو
شادي : نادي لي أمي
انا : بس
شادي : سريع
... شكلو مستعجل مشيت ناديت ليهو خالتو ساقها ودخلها جوا وقال لي ارجع رجعت وانا متوترة وخايفة يكون حصل مشكلة رجعت قعدت جمب شهد منتظرين بفارغ الصبر بعد فترة بس سمعنا صوت الطلق وشادي جاء قال لينا عقدو والنسوان فكو الزغاريد انا وشهد عاينة لبعض وفي نفس الوقت قلنا ‘‘ شنو 😲‘‘ شادي جاء حضن شهد وباسها في راسها وبارك ليها بعدا قال ليها.........
شادي : صدقيني هو لو ما جادي وشارييكي بجد ما كان عقد عليكي ربنا يتمم ليكم على خير حبيبتي 😙❤️
... شهد عيونها دمعت وبقت تبكي وانا تلقائيا بكيت معاها 😭 أخيراً بعد حب سنين بقت حلالو وهو بقى ليها ما بقدر اعبر عن كمية الفرحة الجواي 😭❤️❤️❤️ شادي مسح ليها دموعا وقال ليها.........
شادي : انتي متين لقيتي زول يفك بورتك لمن تبكي 😎😜
... ضحكت وضربتو في كتفو قالت ليهو......
شهد : غليظ 😒
... ضحك وقال ليها.......
شادي : ماشي امسك راجلك عشان ما يهرب 😛
... شادي فات شهد قالت لي.......
شهد : بيان سمعتي قالو عقدو 😟❤️
... حضنتها وقلت ليها.......
انا : الف مبروك يا قلبي مش قلت ليكي الامور حتتسهل 😭 خلاص بقيتو لبعض 😍❤️😭❤️
شهد : ما قادرة اصدق 😭❤️
انا : بقيتي حلالو وأم عيالو 💞 اثبت ليكي إنو بالجد بحبك ❤️
... انا اكتر واحدة مبسوطة وما قادرة اعبر عن سعادتي الا بدموع الفرح لانو شهد ما صديقة طفولتي وبس لا هي أختي وحبيبتي ورفيقتي وكاتمة اسراري وراحة بالي (بالجد احساس جميل جدا لمن يكون عندك اصحاب بالرغم من انهم عواليق 🐸بس م بتقدر تتخلى عنهم💙اصحاب قبل م تفتش ليهم بهجمو عليك تلاقيهم في وشك قبل م تناديهم😍ياااخ ديل وجودهم جنة الدنيا 😇يلااا ديل هم البستحقو يمثلو دور الاوكسجين في حياتك☺️لانو تلقائيا كده م بتقدر تكتمل بدونهم بكون في نقصان في سيناريو حياتك بدونهم💔يلاااا ديل انت البتتعود عليهم مش بتحبهم بس💕لانهم اصبحو روتين في حياتنا ☺️ وبتكون مدمن على وجودهم معاك في اي مكان وزمان😊م بتقدر تطلع مكان الا وانت في صحبتهم لانو اهم حاجة يكون ملازمك في الضحك والهبالةوالعولاق البحصل في الاماكن البتطلعو ليها) يلا شودي بتمثل كل دا واكتر 😂المهم خالتو جات حضنت شهد عيونها دمعو قالت ليها........
خ. بلسم : الف مبروك ربنا يثبتك ويبارك زواجكم 😭
شهد : ماما 😭
... خالتو باركت ليها مع وابل من الدعوات الحلوة بعدا حضنتي قلت ليها ‘‘ الف مبروك لشودي وربنا يتمم زواجهم على خير 😭❤️‘‘ وبدت الزغاريد والمباركات من جديد وبعد باركو ليها جو عمو وبابا وحسام وابو محمد وبدو يباركو ليها مع دعواتهم الجميلة 😟❤️ بعديهم جاء محمد وبدت الزغاريد من جديد باين على وشو السعادة والفرح جاء باس شهد في راسها وبارك ليها طبعاً شهد خجلت وما ردت ليهو محمد طلع الدبلة من يدها اليمين ولبسها ليها في الشمال 💍 وهي كمان عملت نفس الشي 😍❤️ بالجد لحظات جميلة شديد الحب شي جميل حتى كلمة جميل بسيطة عليهو بتمني يفضلو مع بعض للأبد وما يفرقهم الا الموت 😟💞 بعد المباركات بدت الأغاني وكلهم حوطو العرسان وبقو يرقصو معاهم ، خالتو وماما وآية وام محمد مع شهد وبابا وعمو وابو محمد وشريف وباسل وحسام مع محمد ، كنت برقص مع شهد شفت بت شغالة ترفع يدا لحسام بقيت مركزة معاها لحدي ما قطعت الناس كلهم ووقفت جمب حسام ولسة بتتمايل وترقص بقت تتكلم معاهو وتضحك وهو كمان شغال يضحك ومرات يعاين لي كنت بعاين ليهم بغيظ اضايقت منها شديد وغضبتة😠 ما بعرف لي 😪طلعت برا وبقيت اهدي نفسي لقيت فهد واقف برا لمن شافني جاء وقف جنبي وقال لي.........
فهد : شكلو ما انا براي المتضايق ومحتاج هدوء عشان افكر 🙂
... قلت ليهو......
انا : لا انا ما متضايقه
... ابتسم وقال لي........
فهد : صح ظاهر في وشك
انا : انت المضايقك شنو ؟
... اخد نفس وقال لي........
فهد : مضايق من تصرفات رزان ، تصدقي من جيت للان ما شفتها وكل ما بحاول اشوفها بتهرب مني كأني شبح ولا كائن فضائي ، بتمني تفهم إني بحبها وبعشقها بجد 💔
انا : انت بتعرف إنو هي بتحب حسام صح 😥
فهد : للأسف بعرف 💔الدنيا دي غريبة شديد انا بحب رزان ورزان بتحب حسام وحسام بحبك انتي وانتي بتحبي منو ؟
... قلت ليهو بتوتر......
انا : انا اكيد بحب زوجي 😅
... ابتسم وقال لي.......
فهد : نصيحة مني اتمسكي في حبك وإياكي تخلي اي واحدة تقرب منو او تحاول تفرق بيناتكم لأنو كل ما تكونو متمسكين في بعض وفاهمين بعض كل ما علاقتكم حتقوى اكتر💞
انا : شكراً ليك فهد 🙂 بتمني رزان تعرف انت بتحبها قدر شنو وهي كمان تبادلك نفس الحب
فهد : انا متأكد إنها ما حتحبني بس عاوزها ترجع صديقة طفولتي البحبها
انا : حترجع صديقتك 😇واكيد حيجي يوم وتفهم حبك ليها
فهد : بتمني
انا : بس خلي أملك في الله كبير
فهد : ما بعرف لي بس حاسس إنو في يوم رزان حتكون لي ، يمكن إحساسي خاطئ بس من حبيتها ما قدرت أفكر في واحدة تانية حتى لمن عرفت إنها بتحب حسام ، بس هي كل مرة بتخليني اكره نفسي لأني حبيتها 😬💔 بعد كل العملتو فيني كرها لي وبعدا مني بردو ما كرهتها بالعكس كرهت نفسي لأني حبيتها للدرجة دي 💔
انا : يمكن ربنا كاتب ليك الأفضل واكيد في أسباب بعدت رزان عنك في اية بتقول (وعسى أن تكرهوا شيئاً وهو خير لكم) وكمان (وعسى أن تحبو شيئاً وهو شر لكم) يمكن رزان ما مقسومة ليك بس إتأكد إنو ربنا حيجبر بخاطرك بألف طريقة
فهد : بعرف وإيماني باللة بخليني مقتنع إنو ربنا حيستجيب دعائي ويكتب رزان قسمتي
انا : انا كمان حأدعي ليك
فهد : عارفة حسام محظوظ بيكي 🙂 رغم إنو زواجكم كان تقليدي بس ربنا زرع في قلوبكم المحبة 💞 حبكم لبعض ظاهر في وجوهكم ربنا يحفظكم ❤️
... كيف يعني ظاهر في وشي إني بحبو 😥ابتسمت وقلت لفهد.......
انا : وين ماكس من الليلة ديك ما شفتو ؟😁
... ضحك وقال لي.......
فهد : حسام ما سمح ليهو يدخل الشقة من الليلة ديك بقضي الليل في الحديقة الخلفية والنهار معاي ، حسام حذرو يدخل الشقة وهو بسمع كلامو 😂😂
انا : ماكس المسكين 😁
فهد : لو عاوزة هسي بجيبو ليكي 😀
... قلت ليهو بسرعة.......
انا : لا لا بهظر 😅
فهد : 😂😂😂 خوافة
...... ضحكت وبقيت اتونس معاهو بس تفكيري مع حسام لحدي ما الناس بدت تمشي لمن الحفلة انتهت وصلتني رسالة نصية قريتها وضحكت فهد قال لي ‘‘ ضحكيني معاكي ‘‘‘ قلت ليهو ‘‘‘ مهمة سرية ‘‘‘ قال لي ‘‘‘ أوكي نتلاقى ‘‘‘ دخلت جوا وانا بتبسم براي بعد قطعت جمب صالة الرجال بكم خطوة اتطاقشت مع حسام بعد اتطاقشت معاهو ياداب انتبهت لأني كنت بفكر في رسالة محمد وبضحك قلت ليهو.......
انا : اسفه
... قال لي....
حسام : لي فترة بفتش فيكي اختفيتي وين 😐
.... قلت ليهو بعدم مبالاة.......
انا : ما بخصك 😒
... عاين لي بغضب ولسه منتظرني اجاوب ليهو وكأني انا الغلطانة هو يضحك ويتونس مع البنات وعاوزني اقعد اعاين ليهو يعني 😒قلت ليهو بابتسامه ...........
انا : كنت مع حبيبي عندك مانع 🙃
... بقى يعاين لي بغضب واصلت طريقي وخليتو ولا انتظرت ردو وهو الغبي صدقني وطلع برا ولسوء حظي فهد ما كان برا شكلو رجع الشقة 😂 حسام بقى يعاين يمين وشمال شاف عربية واقفة بعيدة شوية من البيت وشاف ولد ماشي على العربية ركز معاهو لحدي ما ركب عربيتو وفات قال بحيرة ‘‘‘ مروان ‘‘‘ 🤔 اما انا مشيت لشهد قلت ليها عايزاك ضروري وسقتها معاي بعد وصلنا غرفتها قلت ليها........
انا : انتظريني هنا
شهد : بيبو في شنو
انا : بدون أسئلة انتظري هنا بجيكي بعد شوية أوكي
... طلعت برا الغرفة ورسلت رسالة لمحمد كتبت ليهو ‘‘‘ تمت المهمة ‘‘‘ بعد اقل من دقيقتين محمد جاء قلت ليهو...........
انا : عندك دقيقتين تبارك لمرتك وتطلع وانا حأراقب ليكم المكان 😎
محمد : انا عندي كم بيبو 😻
انا : اكيد واحدة 😌 بطل كلام أفضل تشوف مرتك قبل ما خالتو او ماما يجو بجاي 😁
... محمد دخل لشهد وانا بقيت ماشة وجاية جمب الغرفة زي الحارس عشان ما في زول يجي كنت عاملة تلفوني هزاز لمن سمعتو اهتز عاينت ليهو لقيت رسالة نصية من رقم غريب مكتوب فيها ‘‘‘ اسمك جميل بس انتي أجمل بكثير والليلة الفستان الأسود آكل منك حته 😍❤️‘‘‘
... قلت في راسي اكيد الرسالة دي جاتني بالخطأ بس كيف صاحب الرسالة عرف إني لابسه فستان اسود عاينت يمين وشمال ما شفت زول ما اشتغلت بالموضوع كتير كنت واقفة بتصفح في تلفوني ومرات براقب الباب بعد اقل من عشرة دقائق شفت خالتو جاية على الغرفة اتخلعت وقفت قدامها وعشان اشغلها قلت ليها..........
انا : خ خالتو وين ماما
خ. بلسم : قاعدة في صالة النسوان بس انا عاوزة شهد لانو في ناس عاوزين يباركو ليها ويمشو
انا : طيب خالتو إنتي امشي وانا بجي مع شهد 😇
خ. بلسم : تمام وزوجك كمان منتظرك عشان ترجعي معاهو
... قلت ليها بزعل.......
انا : بس خالتو انا حابه أفضل هنا 😑
... ابتسمت وقالت لي.......
خ. بلسم : حبيبتي ما حلوة تزعلي زوجك عشان كدا امشي معاهو و مرة تانية تعالي لينا تمام حبيبتي 😇
انا : حاضر خالتو 😿
... بعد خالتو فاتت ناديت شهد ومحمد بعد طلعو محمد فات الصالة حقت الرجال
... يتبع 🍁..........
