# حب بعد الإنفصال(35)
مساءكم خير وعيد مبارك عليكم وينعاد عليكم بالصحة والعافية ان شاءالله🌷🌷 واسفه على التأخير 😘وقراءة ممتعة 😇
💔 💔 💔 آراك في داخلي قرباً عميقاً وفي الأميال م اقصاك عني😢😢💔💔💔
... صحيت الصباح على صوت ماما وازعاج باسل بعد عملت الروتين اليومي بعد الفطور مشيت لخالتو نعمات في بيتهم قعدت اتونست معاهم وانا وفارس ضربنا لشهد وعملنا ليها ازعاج 🤣 بعد طلعت منهم قلت امشي لجاراتي مشيت لسوسن وخالتو فاطمة اتونست معاهم شويه ورجعت البيت اليوم البعديهو مشيت مكان شغلي لمبتسم وميساء وتيم الشغل الظريف قضيت اليوم كلو معاهم واليوم البعديهو مشيت لخالتو فاطمة وعمو احمد وآية قيلت معاهم ورجعت اليوم البعديهو دايرة اطلع الف ساي ضربت لفارس قلت ليهو يطلع معاي غايتو لفينا بالعربية ما خلينا مكان بعد رجعنا ماما قالت لي بقيتي حوامة زيادة عن اللزوم قلت ليها لمن اقعد في البيت بحس نفسي مخنوقة قالت لي دي كلها من الحمل غايتو بقيت ما بقدر اقعد كل يوم لازم اطلع مكان والمساء بقعد افكر في حسام ومرات شهد ومرات بفكر في مروان واذا لازم اكلم حسام بالحصل ولا لا ؟؟؟؟ بعد كم يوم رزان رجعت بعديها بكم يوم فهد اتصل لي قال لي عندو حاجات في شقتنا عاوزها ضروري وما بقدر يمشي يجيبها لأنو مشغول قال اجيبها ليهو وهو وقت يفضى بجي بيتنا بشيلها قلت ليهو تمام كلمت امي وطلعت مشيت شقتنا فتحت الباب من دخلت مكتوب تحت بالورود 💘 my love 💘 ابتسمت وقلت بفرح............
انا : حسام 😃💓
... طلع من غرفتنا شايل ورود وهدية في يدو ما صدقت إنو دا هو جري دخلت حضنو ضماني ليهو اكتر بعد مسافة قال لي ........
حسام : حبيبي ❤️
... بعد زحيت منو لقاني ببكي 😭💔 مسح لي دموعي وقال لي ........
حسام : دا كلو شوق 💞
... ابتسمت ومسكت يدو ختيتا في بطني وقلت ليهو.............
انا : دا شوق نفرين انا وبتنا💕😇
... طبعآ اتصدم بس صدمة فرح 🤣قال لي ........
حسام : لا انتي متأكدة🤩 💗💗💗 ما مصدق طيب مشيتي الدكتور اتأكدتي😍
انا : اي 💚
... ضماني ليهو شديد وهو طاير من الفرح قال لي .........
حسام : حيجينا طفل صغير وكيوت ونبقى اسرة 😍❤️ شكرا يا رب 🤲
... باسني في راسي وخدي وتاني ضماني وقال لي .........
حسام : دي احلى مفاجأة في كل حياتي 😍 بحبك بيان 💓💘
... ختيت يديني حولين رقبتو وعاينت ليهو في عيونو بكل حب وقلت ليهو..........
انا : انت احلى هدية في حياتي 💞
... ضماني وقال لي بحزن .......
حسام : بيان بتحبيني قدر شنو ؟ 😓
... زحيت منو وعاينت ليهو وقلت ليهو بحيرة ......
انا : لي بتقول كدا ؟
... قال لي بابتسامة.......
حسام : عاوز اطمن على مستقبلي يعني لو يوم غلطت في حقك حتسامحيني ولا لا 😅
انا : اكيد حأسامحك 🙃 لانو الحب تسامح واحترام وثقه وتضحية 💞
حسام : صح كلامك 😇
انا : بتمنى نتعدا العثرات مع بعض وما يفرقنا شي 😢
حسام : مهما كبرت مشاكلنا ما دمنا مع بعض حنتخطاها 💞
انا : اكيد ❤️ يلا احكي لي كل شي حصل معاك في تركيا وبالتفصيل كمان 🤩
حسام : تعالي نقعد
... قعدنا وبدأ يحكي لي عن شغلو وكيف قضى ايامو هناك قعدنا نتونس وما حسينا بالزمن بالجد اشتقنا لبعض اشتقت لكل تفصيله مع حسام بعد فترة مشينا بيتهم سلم على اهلو وبعدا لاهلي ورجعنا بيتنا بعد يومين اتصل عمو عبدالمنعم في تلفون حسام لمن رديت ليهو قال لازم نمشي بيتو ضروري ومن صوتو شكلو غضبان لمن كلمت حسام اتوتر وقال لي هو حيمشي براهو واصر علي بس قلت ليهو عمو عبدالمنعم قال عاوزنا الاثنين في النهايه وافق مشينا بيتو لقينا عمو احمد وخالتو فاطمة وماما وبابا كلهم موجودين ومن وجوهم ما ببشر بالخير طبعآ جاتني خوفة كدا بعد قعدنا عمو احمد قال لعمو عبدالمنعم..............
ع.احمد : ان شاءلله خير رغم إنو صوتك وشكلك ما مطمني يا منعم
... عمو عبدالمنعم عاين لعمو احمد وبعدا لحسام وقال ........
ع.عبدالمنعم : انا بعتبركم ناسي واهلي عشان كدا حأدخل في الموضوع طوالي
... خت يدو في راسو ودنقر تحت وقال بزعل ........
ع.عبدالمنعم : رزان حامل 😓
... طبعآ كلنا اتصدمنا 😱😱😱 وما عرفنا نرد الشخص الوحيد الما اتصدم هو حسام كأنو كان بيعرف🤔اكيد صديقتو حكت ليهو 🤔 كلهم بقو يستغفرو عمو احمد قال ليهو ........
ع.احمد : مستحيل رزان بتي تعمل كدا صح متأثرة بالغرب بس انا واثق انها مستحيل تغلط غلط زي دا 😣💔
ع.عبدالمنعم : انا كمان ما صدقت الا لمن شفت التقارير دي
... ختا ورقة في التربيزة دا تقرير الحمل ومكتوب إيجابي كلنا شفناهو عمو عبدالمنعم عاين لحسام بغضب وقال ........
ع.عبدالمنعم : حسام لي ساكت احكي العندك قول ليهم دا كلو غلطتك قول ليهم إنك ابو الطفل 😡😡😡 لي ساكت كأنك ما بتعرف حاجه 😬 انت استغليت حب بتي ليك لمن كنتو في تركيا صح ولا خطأ 😬
... كلهم اتصدمو وبقو يعاينو لبعض 😱 انا ما عرفت اقول شنو بقيت اعاين لحسام وعمو ، حسام نهائي ما اتكلم وانا كنت منتظرة ردو بإطمئنان وشوية توتر 😢 لأني واثقه في حسام ثقه عمياء ومتأكدة إنو مستحيل يعمل كدا ودي مجرد كذبة من رزان حسام مستحيل حتى يفكر في موضوع زي دا دي كلها تهم من رزان الحقيرة 😡😡 بس سكوت حسام خلاني اخاف عمو احمد وقف بغضب وقال ......
ع.احمد : دا كلام شنو يا منعم ولدي مستحيل يعمل كدا يمكن في شي غلط 😬
... وبابا كمان قال بثقة وغضب .......
بابا : انا بعتبر حسام ولدي البكر وممكن اشك في نفسي بس مستحيل اشك حتى شك بسيط في حسام صح هو ولدك يا احمد بس انا بعرف اخلاقو اكتر منكم كلكم حتى في زواجو من مها كنا واثقين فيهو وإياكم زول يشك فيهو والإ حيلقاني قدامو قبل حسام 😡😡
... عمو عبدالمنعم قال ليهو بغضب.....
ع.عبدالمنعم : ايمن يعني قصدك إنو حسام برئ وبتي الغلطانه يعني بتي الكعبة وقليلة ادب حتى ما بتعرف ابو ولدها 😡😡😡😡😡
... عمو احمد قال ليهو .....
ع.احمد : العفو اكيد ايمن ما قصدو كدا بس اكيد في شي ناقص مستحيل حسام ورزان يغلطو غلطة زي دي
... عمو عبدالمنعم عاين لحسام بغضب وقال ........
ع.عبدالمنعم: انا كمان ما مصدق لانو رزان كانت بتحاول تدس التقارير ولمن قبضتها وضغطة عليها اعترفت إنو حسام ابو الطفل عشان كدا جمعتكم عشان اخت حسام ورزان قدامكم ونسمع منهم الاثنين 😬
... ماما وخالتو فاطمة كانو مصدومين لا قادرين يدافعو عن حسام ولا قادرين يهدوني كانو كلهم ساكتين ومنتظرين حسام يدافع عن نفسو حسام سكت مسافة وعاين لينا كلنا عاين لي بحزن وقال ........
حسام: حتى انا ما بعرف اذا حصل شي بيناتنا او لا لأني ما متأكد من شي 😓
... طبعآ لمن قال كدا حسيت بإنو ختا لي جمرة في قلبي كسر كل ثقتي وآمالي فيهو 💔💔💔 لو ما متأكد معناهو اكيد حصل شي بيناتهم وقفت بغضب وقلت ليهو ...........
انا : كيف يعني ما بتعرف 😡 قول ليهم إنو ما حصل شي بيناتكم ولا حيحصل اصلا ودا كلو كذب من رزان 😬يلا حسام قول ليهم 😬
... حسام وقف وقال لي .......
حسام : لو سمحتي اهدي وخليني اشرح ليكي 😪
انا : ما عاوزة شرح عاوزة الحقيقة وبس الكلام القالو عمو عبدالمنعم دا صح ولا خطأ 😑
حسام : بيان
... قاطعتو وقلت ليهو.......
انا : بس جاوبني بصراحه صح او خطأ 😑😬
... دنقر راسو وقال لي .......
حسام : يمكن يكون صح 😓 بس خليني اوضح ليكي 😢
... عاينت ليهو بغضب وعاينت للباقين ودموعي نزلو رغم إني حاولت امسكهم وما اخليهم ينزلو قلت ليهم.............
انا : بابا عمو احمد اذا كان حسام ورزان عاوزين بعض للدرجة دي لي دخلتوني في نصهم لي دمرتونا نحن الثلاثة مع بعض بس عشان رضاكم انا وافقت اتزوجو كنت عايشه مبسوطة بس انتو السبب عارفين لي لأنو حسام ما اختارني ولا حباني حتى وهو كمان كان مجبور زي بس هو كذب لي قال بحبني بس شايفين دي نهاية حبو 😭😭💔💔💔💔💔
... قعدت في الكرسي بتعب حاسه بإني ما قادرة أتنفس حسام ختا يدو في كتفي عاوز يهديني قال نفضت ليهو يدو وقلت ليهو.........
انا : إياك تلمسني 😾☝🏻
... بابا مسكني وقال لي ......
بابا : اهدي يا بتي نحن لسه ما فهمنا الحاصل لازم نسمع القصه من الطرفين ونسمع مبرراتهم بعداك نحكم 😕انا واثق في حسام وحتى لو هو قال لي غلط اكيد كان مجبور 🙁
... مسحت دموعي وقلت ليهو .......
انا : مهما كان مبررو الخيانه بتفضل خيانة بابا 💔😭💔
... طلعت خليتهم حسام جاني برا قلت ليهو بغضب.....
انا : إياك تتبعني 😡☝🏻
... وقبل ما يرد لي مشيت خليتو وركبت اقرب تكسي وصلني بيتنا اي بيتنا الاتولدت واتربيت فيه بيت امي وابوي مستحيل ارجع شقه حسام 😡قبل ما اضرب الباب باسل جاء فتحو دخلت بدون ما اتكلم معاهو وطوالي على غرفتي وقفلت الباب دموعي نزلو زي الشلال ما قادرة اتوقع إنو حسام ممكن يعمل فيني كدا مجرد التفكير في الموضوع بخنقني بعد كملت دموعي نمت😭💔💔😴صحيت على حركة ماما في الغرفة فتحت عيوني لقيتها قاعدة جنبي من صحيت قالت لي .........
ماما : حبيبتي مافي انسان معصوم من الغلط سواء كان الغلط بقصد او بدون قصد كلنا بنغلط وحسام غلط وغلط كبير كمان بس هو وضح لينا إنو غلط بدون وعي يعني غلطو بدون قصد 🙁
... قلت ليها .......
انا : انا ما عاوزة اشوفو ولا اسمعو ولا اسمع مبرراتو اذا غلط بقصد او بدون قصد في النهايه بتفضل خيانه وانتي عارفه إني بسامح على اي غلط الا الكذب والخيانه😪😞💔 معليش ماما بس انا ما مستعدة اتكلم معاهو ولا اسمعو😕
... ختت يدها في راسي وابتسمت قالت لي .........
ماما : مافي زول حيجبرك تتكلمي معاهو وقت ما لقيتي نفسك مستعدة وقتها حنسمح ليهو يتكلم معاكي
... حركت ليها راسي وسكت قالت لي ........
ماما : بس لازم تهتمي بصحتك ما تنسي انتي ما براكي
... رقدت في رجلينا ودموعي بدت تنزل قلت ليها.............
انا : دي المشكلة ماما في اي قرار مجبورة اشوف مصلحت طفلي قبل مصلحتي عشان كدا القرار صعب 😭💔
ماما : قومي صلي ركعتين وادعي ربك وان شاءالله كل شي بيتوضح دي مشاكل الحياة بتجي تكسرنا وتعترنا في طريق الحياة بس نحن لازم نتعلم من العترة دي ونتغلب عليها ونقيف ونواصل طريقنا من جديد 😇
... باستني في راسي وقالت لي ........
ماما : يلا قومي صلي واشكي لربك هو العالم بكل شي وادعي ليهو واكيد حيستجيب لدعواتك 🙂 في الوقت دا حأجهز ليكي الاكل والعصير وإياكي تقولي ما عاوزة باسل قال لي من ما جيتي ما طلعتي من الغرفه وكدا حتضري نفسك وطفلك اعتبري دا كلو امتحان ولازم تنجحي فيهو 🙂
... بعد ماما طلعت قمت اتوضيت وصليت وبقيت ادعي بعد غلصت لقيت بابا قاعد قال لي ........
بابا : تقبل الله
... قلت ليهو......
انا : امين
بابا : تعالي جنبي هنا
... قعدت جنبو وقلت ليهو.......
انا : اكيد عاوز تحامي لحسام صح 😕
بابا : لا اكيد هو غلطان ونحن قبلنا مبررو بس نحن ما مهمين لأنو هو ولدنا حتى لو غلط نحن بنسامحو بس انتي زوجتو يعني اكتر واحدة حتتجرح وتتأذي من غلطو ، ونحن مربطين بيناتكم هو زي ولدي وانتي بتي صعب نقيف مع واحد فيكم ونتخلى عن التاني عشان كدا قررنا نقيف معاكم الاثنين لحدي ما نتأكد من الغلطان وانتي وحسام لازم تسمعو بعض وتتفاهمو
انا : بس انا ما مستعدة حتى اشوف وشو 😭 انا بكرهو بابا 💔
... خت يدو في كتفي وقال لي ......
بابا : مهما كان قرارك انا حأفضل معاكي دائما ومستحيل اجبرك على شي انتي ما عاوزاهو 🙂
... ابتسمت وقلت ليهو.........
انا : شكرا بابا 🙂
... بعد بابا طلع مشيت اكلت شي خفيف ورجعت غرفتي وفضلت على نفس الحاله بطلع بس عشان اكل وباكل عشان خاطر طفلي بس بقيت كل ما احس نفسي مضايقه بقرأ قرءان وبصلي حتى التلفون قفلتو عشان ما اتواصل مع حسام خالتو فاطمة وعمو احمد جو اتكلمو معاي كثير بس برضو رفضت اشوف حسام او اتكلم معاهو وحسام كل يوم بجي وبرجع بدون نتيجة مرة اسبوع بالحالة دي فقدت شهد شديد لو كانت موجوده كان طلعتني من المود دا 💔💔 في يوم المساء جاني فارس واصر على نطلع وضغط على عشان اوافق في النهايه وافقت طلعت معاهو وداني مزرعة حلوة كدا ومليانة اشجار فواكه قعدنا هناك فترة ورجعنا فارس نهائي ما حاول يتكلم معاي في اي موضوع وانا كنت بس بسرح في المناظر الجميلة الفي المزرعة وبدون ما نتكلم رجعنا تاني يوم وداني البحر بعد قعدنا مسافة تلقائيا بديت احكي ليهو عن الحصل وهو نهائي ما قاطعني بعد طلعت الفي قلبي كلو قال لي ..........
فارس : بيان بعرف إنو مواجهة الحقيقة صعبه ومحتاج شجاعة كبيرة ما بعرف اذا حسام غلطان ولا لا بس لو ما واجهتيو وسمعتي وجهة نظرو مستحيل ترتاحي او تقرري قرار صح 😇 ونصيحتي ليكي قبل ما تقرري اي قرار فكرري في طفلك لأنو حتى لو حسام غلطان وانفصلتي عنو كدا حتأذي طفلك ، انا بعرف إنك حكيمة واكيد مهما حصل بيناتكم حتتخذي القرار الصحيح 🙂😇انا واثق فيكي 😇
... ابتسمت وقلت ليهو.........
انا : شكرا فارس 🙂 بوعدك بحاول اتكلم معاهو 🙂
فارس : طيب اول شي بطلي زعل ودبرسه عشان البيبي ما يجينا مكشر وشو كدا 😾
... ربط وشو وصغر عيونو ونفخ خشمو طبعآ بقى مضحك شديد بقيت اضحك😂😂 قال لي ..........
فارس : من قبيل وين الضحكه الحلوه دي 😄
... بقى يتونس معاي في مواضيع مضحكة ونساني موضوع حسام والزعل بعدا رجعنا البيت في الليلة ديك فكرت في كلام بابا وماما وفارس وقررت اواجه حسام رغم إني خايفة من المواجهة دي وخايفة قلبي يتكسر زيادة خايفة اخسر حسام وما قادرة اتقبل فكرة إنو ممكن يكون خاين 💔💔💔💔 في نفس الوقت قررت اتصل ليهو فتحت تلفوني ولقيت رسائل من حسام ما اشتغلت بيهم طوالي اتصلت ليهو من فتح الخط قلت ليهو .........
انا : حأديك فرصه واحدة تحكي فيها العندك ودي هي فرصتك احكي 😕
حسام : الأفضل نحكي ونحن مواجهين بعض 🙁
... اخدت نفس وقلت ليهو.......
انا : رغم إني ما قادرة اشوف وشك بس عشان اخلص من الموضوع دا اكيد حأواجهك بس انت حدد المكان 😑
حسام : ارجعي بيتنا وحنتكلم هناك
... قلت ليهو بسخرية........
انا : قصدك البيت المبني على الكذب😬
... رد لي بغضب........
حسام : بيان 😬
... ما حابه اتناقش معاهو في التلفون عشان كدا قلت ليهو.........
انا : بكرة حأكون هناك بس عشان نتكلم ما اكتر يعني مستحيل ارجع
... قبل ما يرد لي قفلت الخط وبقيت منتظرة اليوم التاني يجي بسرعه رغم إني خايفة من المواجهة وما بعرف نهايتها حتكون كيف واذا حأتقبل مبرراتو ولا لا 😢😓💔
... يتبع 🍁............
... ابشركم الرواية فاضل ليها بالكثير بارتين او ثلاثه عشان كدا تمو اجركم واصبرو علي 😁😁😁
لو كنتو محل بيان حتتصرفو كيف ؟؟
من وجهة نظركم بتشوفو حسام غلطان ولا لا ؟؟
