# حب بعد الانفصال ❤💔(7)
حاولت افتح باب غرفتي حلف كان ينفتح🙆🏻 شغاله اصارع مع مقبض الباب بس نهائي ما فتح ،وقتها عرفت انو حسام السبب اكيد قفلو بالمفتاح وكمان غضبان كنت خايفة شديد لانو اكيد حيوصلني احمد شرفي😥 💔💔💔💔... قلت ليهو بخوف ممزوج بغضب ...........
انا : يعني انت غضبان عشان فصلتا مكالمتك ولا انت بتفتش في سبب من مافي عشان تصرخ فيني 😰
حسام : بيان انا ما بحب زول يفصل في وشي مهما كان
انا : وانا كمان ما بحب زول ما يرد لي مهما كانت الظروف😢
حسام : يعني انتي فصلتي في وشي عشان انا ما رديت ليكي 😬
... قلت ليهو بغضب.................
انا : ياخ فصلتو مزااج بس ما عاوزة اتكلم معاك اها ارتحتا يلا اديني المفتاح
حسام : إياكي تحاولي تزيدي غضبي دا ما لمصلحتك فاهمه 😠
انا : لا ما فاهمه ولا حأفهم يعني حتعمل شنو ، اعمل اي شي عاوزو ما بهمني 😬وعشان اريحك طالعه من الشقة دي
... بعد قلت ليهو كدا اتجهت للباب كنت عاوزة انزل اقعد في النجيلة التحت واشم الهواء النظيف واريح راسي من ازعاجو الكتير وكلامو وعصبيتو الما بتخلص بس قبل ما اصل الباب مسكني من يدي اليمين بقوة لمن وجعني وقال لي.................
حسام : نازله وين ما سامعاني بتكلم معاكي
... قلت ليهو بغضب .......
انا : ياخ عاوز شنو
حسام : انا بعرف لي ما رديتي لي 😠
... رغم اني موجوعه من ضغطو على يدي بس قلت ليهو بسخرية.........
انا : اها لي ما رديت ليك يا سيد فهمان
... ياخ ماسكني بقوة وبشاكل فيني اكيد الولد دا منفصم ولا مجنون دا كلو عشان ما رديت على مكالمتو بس ، كنت بحاول اتفكا منو لانو يدي واجعاني شديد ولمن اتكلمت معاهو بسخرية شكلي زدت ليهو غضبو ضغط على يدي زيادة وقال لي بغضب....................
حسام : ما رديتي لي لانك دايرة تلفتي نظر ما اكتر انا بعرف اصناف البنات الزيك ديل
... لمن قال كدا غضبني هو شايف نفسو كويس يعني مقضي كل زمنو من بت لبت😤 قلت ليهو بغضب وانا لسه بحاول اتفكا منو..................
انا : انت ما بتعرفني ولا عمرك حتعرفني لانو واحد رخيص زيك بعرف بس اصناف البنات الزيو 😬😠
... من تميت كلامي حسيت بكف قوي 👋على خدي الشمال لمن وقعت في الكرسي وحسيت اضاني صنت وبقت تقيلة 👋😨 بس ختيت يدي في خدي ودموعي نزلو عشرة عشرة حتى يدي محل كان ماسكني بقت حمراء عاينت ليهو بخوف وانكسار وقفت قدامو وقلت ليهو بغضب وانا بضربو في صدرو.........................
انا : كيف تتجرأ تضربني اه😭 بس لاني قلت ليك رخيص 😠😭 تاني حأقولو ليك انت واحد رخيص كل ساعه وكل دقيقه وكل ثانية مع بت انت مجرد واحد حقير ومغرور ومفتري ومنفصم ومريض نفسي ومجنون كمان 😭
... قاطعني وقال لي بخلعة ...............
حسام : بيان انا ما قاصد اضربك كنت غضبان وافكاري مشتتة انا.....
... قلت ليهو بغضب..............
انا : لااا إياك تبرر وتكذب انت واحد مريض عاوز تضربني زي ما ضربت مرتك الأولى 😭😭 انا بكرهك حسام بكرهك
... مسك لي يديني لاني كنت بضربو وقال لي......................
حسام : بيان انا........
.... وقبل ما يتم كلامو جريت منو يديني بقوة ولزيتو وجري طلعت من الشقة كنت نازلة جري من سلم لسلم ودموعي كابين مطر حمدلله انو الدنيا ليل ومافي زول شافني لحدي ما نزلت تحت عاينت حوليني ما عرفت امشي وين قعدت تحت السلم وبقيت ابكي بهسترية واتكلم مع نفسي ''' كيف يتجرأ يضربني 😭💔 بس لاني وريتو حقيقتو واحد مريض حقير مغرور 😭😭😠مافي زول اتجرأ يضربني قبل كدا 😭 بابا لو عرف اكيد حيقتلو وحيقطع ليهو يدو بس ما بقدر اشكي لاي زول 😭😭انا مستحيل اسامحو بكرهك يا حسام أحمد بكرهك ''' ، ضربت يدي في الحيطة وجعتني رفعت كم الفستان وعاينت ليها لقيتها محمرا بقيت أبكي زيادة 😭😭😭 ، حسام بقى يفتشني لحدي ما لقاني تحت السلم جاء وقف جنبي وقال لي ..............
حسام : بيان خلينا نطلع شقتنا ونتفاهم
... عاينت ليهو بغضب وقلت ليهو..................
انا : قووول شقتك 😠 انا مستحيل ارجع شقتك تاني 😭
... اخد نفس وقال لي..............
حسام : دا ما زمن جن وعناد قومي خلينا نطلع الشقة
... حمرت ليهو وما رديت ليهو وكمان ما اشتغلت بيهو بقيت انقنق براي وابكي واتكلم مع نفسي 😂😭💔قلت ''' قال شقتنا قال يشقك قطر طاير 🙄 بكرهك حسام بكرهك حسام بكرهك حسام بكرهك حسام بكرهك حسام بكرهك حسام بكرهك حسام بكرهك حسام بكرهك حسام بكرهك 😠😠😠😠 ''' ، أثناء تفكيري قال لي....................
حسام : يعني معندة وما عاوزة تمشي معي
... قلت ليهو بغضب............
انا : اااااي خلي لو ضربتني لو كتلتني ما بتحرك من هنا وطير من وشي ، ما عاوزة اشوفك😠
حسام : أوكي انتي الجنيتي على حالك 😒
.... بعد قال كدا طوالي شالني 😲🙆🏻 بقيت اشاكلو واضربو حاولت انزل منو بس ختاني في كتفو ومسكني وبقى يطلع السلالم لحدي ما وصل شقتو 😒 حاولت اتفكأ بكل الطرق بس ما قدرت 😬 ، بعد دخل الشقة لزا الباب قفلو كنت قايلاهو حينزلني في الصالون بس طوالي اتجه بي لغرفتو قلت ليهو وانا بحاول انزل.................
انا : حسام نزلني ياااخ ما سامعني😠😠
... ولا اشتغل بي دخلني غرفتو وقفل الباب قلت في نفسي ''' خلاص الليلة يا بيان حيتم ليكي الناقص الكف كان البداية ما اكتر الليلة حتضوقي الضاقتو مها 😭😭😭😭💔 ''' كنت بتكلم مع نفسي لمن نزلني في سريرو الدم اتجمد في عروقي عاينت ليهو بخوف وقمت عشان اطلع من غرفتو عاين لي بغضب وقال لي بصيغة امر...............
حسام : ارجعي مكانك وإياكي تتحركي 🙄
... رجعت قعدت بخوف وهو فات على درج كدا قايلاهو حيطلع منو سوط او سكين او مسدس الشفتهم في احلامي 😰 بس طلع علبة وشال منها صباع كدا وجاء قعد جنبي ومدا لي يدو وقال لي ................
حسام : جيبي يدك
... قلت ليهو بغضب...............
انا : لا 😠
.... ما رد لي طوالي مسكني جراني لحدي ما قعدني جنبو لفت وشي على الجهة التانية مسك يدي رفع كم الفستان ومسح لي المرهم بعدا قال لي .....................
حسام : لفتي وشك على عشان امسح ليكي منو
... اتلفت عليهو وقلت ليهو بغضب ................
انا : سيد حسام انا ما طلبت احسان او شفقة منك شكراً ليك كفاية الكف الاديتني ليهو 😠😭
... بعد قلت ليهو كدا عاوزة الفت منو مسك لي وشي براحه ومسح لي من المرهم و قال لي .......
حسام : دا بشفي المك وبخفي اثار الكف لحدي بكرة
... عاينت ليهو بعيون مليانة دموع وما رديت ليهو عاين لي بانكسار وقال لي بندم ...........
حسام : انا اسف 😕
.... عاينت ليهو لفترة وقلت ليهو.............
انا : حسسسام طلقني
... ما رد لي بعد خلص قال لي..............
حسام : انا اصلا كنت غضبان لانو كان يوم سئ ، ولمن قفلتي المكالمة زدتي غضبي وطريقة كلامك مع السكرتيرة كان خطأ ، وزدتي الطين بلة بكلامك معاي وقتها ما قدرت اتحكم في أعصابي وحصل الحصل بس انتي عارفة انو طلاقنا في الزمن دا بالذات حيكون اكبر خطأ
... قلت ليهو بغضب...............
انا : أكبر خطأ كان زواجنا
حسام : بيان نحن اتزوجنا عشان نرضي اهلنا ولو طلقتك هسي ياداب حنزيد الوضع سوء ، نحن حنطلق بس لازم ناخد زمن
انا : انا مستحيل اعيش معاك تحت سقف واحد ، انت بس طلقني 😭😭😭
حسام : طيب اهدي بكرة بنتكلم في الموضوع دا
انا : لا لا انا ماشة بيتنا هسي بس طلقني 😭
حسام : انت زعلانه عشان كدا كلامك ما منطقي بس لمن تهدي حنتكلم
انا : لا 😭
حسام : طيب
... بعد قال كدا طوالي قام طلع من الغرفة وقفل الباب وسمعت صوت المفتاح شكلو عاوز يقفلني في غرفتو 😱 جريت للباب وبقيت اضربو واقول ليهو....................
انا : حسام افتح الباب إياك تقفلني هنا ، حسام قلت ليك ماشة بيتنا ياخ 😭😭
... ولا اشتغل بي الحيوان 😠 بعد زهجت من ضرب الباب قعدت في الكرسي وتميت بكيتي ونمت في محلي ، طبعاً مستحيل انوم في سرير المغرور دا 😒احسن لي الكرسي 🙄،، تاني يوم صحيت زي الساعة 9:30 كدا ياداب ركزت للغرفة كويس ، مفرش غرفتو بطريقة حلوة شديد والوان هادئة قلت في نفسي انا مالي ومال غرفتو 😒 لازم ادفعو ثمن الكف الضربني ليهو ما بقدر اشكي لاي زول لانو حيحصل مشاكل كثيرة بس حأدفعك الثمن بطريقتي سيد مغرور 😏 مشيت على الباب وحاولت افتحو بس ما فتح معاي ضربتو بكل قوتي وبقيت اضربو واقول ليهو..................
انا : سيد مغررررور افتح الباب قبل ما اكسر ليك حاجات غرفتك واحد ورا الثاني سريييع 😬
... بقيت اضرب في الباب جاء فتحو لي من فتح الباب لزيتو واتجهت لغرفتي دخلت بغضب وبديت الم ملابسي في الشنطة ' دا جزء من خطتي😉 ' جاء داخل الغرفة ووقف جنبي وقال لي بندم.................
حسام : انا غلطت في حقك شديد لا غلطت غلطة كبيرة انا اسف ، قلت ليكي امس قضيت يوم سئ وكنت غضبان ولمن اتكلمتي معاي ما قدرت اتحكم بأعصابي
... قلت ليهو بسخرية.........
انا : خلصت 😒
... اخد نفس وقال لي..........
حسام : انتي عارفة انو طلاقنا هسي غلط وحيجيب لينا مشاكل كثيرة انتي بس فكري في بابا وعمو ايمن وماما وخالتو ايمان ، ما تسامحيني بس خليكي هنا انا بطلع ليكي من الشقة ما عندي مشكلة 😕
... خليت حاجاتي البرتب فيها ،وقفت قدامو وربعت ليهو يديني وقلت ليهو بثقة .........
انا : انا مستحيل اسامحك بس بوعدك إني حأنسى الحصل واواصل معاك التمثيلية دي لحدي ما نتطلق
... لمن قلت ليهو كدا شفت الفرح بان على وشو وقبل ما يتم فرحتو قلت ليهو...............
انا : بس عندي ثلاثة شروط 🙄
... عاين لي وقال لي........
حسام : شروط 🤔
انا : ايوا ، اذا وافقت عليها كل شي حيكون تمام بس لو رفضتها بتصل لعمو وبابا وبحكي ليهم الحصل وما بهمني الحيحصل 😬
... قعد في السرير وخلف رجل في رجل وقال لي بثقة.............
حسام : رغم انو انا الدائما بشترط على الناس ومافي زول اشترط علي قبل كدا بس سمعيني شروطك ؟
... قلت في راسي '' مغرور مفتري غبي 😒 '' وقلت ليهو .......
انا : اول شرط☝🏻حتاخدني لمدينة الملاهي بنفسك عشان اقدر أنسى الكف 🌝 ' انا اصلا دايرة امشي لاني زهجت من الأسبوعين القعدتا براي محبوسة 😿'
... عاين لي ورفع حاجبو وقال لي...........
حسام : برسل ليكي عربية تاخدك وترجعك
انا : لا انت الحتمشي معاي
حسام : حتستفيدي شنو لو مشيت معاكي او لا
انا : بستفيد كتير مثلا ، حأضيع ليك وقتك ، وبعرف انك بتكرهني واكعب شي انك تقضي يوم مع الزول البتكرهو بس دا شي ممتع بالنسبة لي 😏
حسام : شرطك التاني شنو 🙄
انا : ممنوع ترفع صوتك او يدك على مهما كانت الأسباب 😬
حسام : والثالث
... قلت ليهو بثقة وابتسامه.........
انا : الثالث دا اساس الشرطين الفاتو واذا رفضت تنفذو بعتبرك رفضت شروطي
حسام : 🙄
انا : لازم تعتذر مني بإحترررام 😒
... قاطعني وقال لي بندم .........
حسام : اكيد
... قلت ليهو بثقة وابتسامه شريرة .........
انا : وانت راكع 😏
... قال لي بغضب........
حسام : في احلامك 😠
انا : اما تنفذ الشروط او بتصل لعمو 😬
حسام : يعني بتهدديني ببابا 🤨😕
انا : انا ما بهدد انا بنفذ 😒
حسام : طيب نفذي 😌
.... يتبع 🍁..............
