# حب بعد الإنفصال ❤💔 (36)
💔هانَت عليك مدامعي؛ فهجرتني
وكسرت قلبًا.. ما أحبَّ سواك! 💔💔😭
.. قبل ما يرد لي قفلت الخط وبقيت منتظرة اليوم التاني يجي بسرعه رغم إني خايفة من المواجهة وما بعرف نهايتها حتكون كيف واذا حأتقبل مبرراتو ولا لا 😢😓💔 تاني يوم من الصباح بعد عملت الروتين اليومي طلعت لقيت بابا وماما بشربو في الشاي قلت ليهم ماشة اقابل حسام طبعا فرحو نظام اننا حنتصالح وكدا 🙁طلعت من وصلت الشقه إتوترت وخفت وقلبي قال لي ارجعي لأني حأطلع من المواجهة دي خسرانه خسرانه 😓💔 اخدت نفس عميق ودخلت لقيت حسام قاعد في كراسي الصالة سلمت عليهو وقعدت قلت ليهو..........
انا : احكي العندك سريع لأني حاسة بخنقه في الشقة دي 🙄
... عاين لي وما رد على كلامي مرر يدو في رقبتو واخد نفس بعدا قال ........
حسام : بعد التقيت برزان هناك طلعنا مع بعض كم مرة يعني كل ما نفضا بنتمشي مع بعض او نعزم بعض بس عشان نسترجع زكريات الطفولة والصداقه القديمه لانو كنا بنطلع مع بعض طوالي🙁 بس في اليوم المشؤوم او اليوم السئ داك رزان عذمتني واصرت علي ولانها صديقتي ما قدرت ارفض طلبها اتغدينا مع بعض وشربنا عصير كنت حاسي بنفسي دايخ ورزان اضطرت توصلني الفندق النازل فيهو ودخلتني غرفتي دا اخر شي بتذكرو😞بعد قمت الصباح عرفت إنو حصل شي بيني وبينها ولما غضبت فيها وشاكلتها قالت لي إنو لمن دخت وصلتني الفندق وانا القربت منها ولمن قلت ليها كان لازم تبعدني لأني ما في وعي قالت ما حاولت تبعدني لأنها بتحبني وقالت كل شي حصل لازم يفضل بيناتنا 😓 رجعت للنادل وعملت معاهو مشكلة كبيرة بعداك حكى لي إنو في راجل اداهو المخدر عشان يكبو لبت معاهو بس الكباية حقتها جاتني بالغلط 😑 وبسبب النادل حصل دا كلو صح اتفصل من شغلو بس انا طلعت الخسران 💔 رزان قالت ننسى الحصل كأنو ما حصل عشان ما ندمر علاقتنا انا وانتي بس انا قررت احكي ليكي الحصل بس ما جاتني الشجاعة عشان احكي ليكي بالتلفون فقلت الأفضل اكلمك بعد ارجع بس لمن رجعت فاجأتيني بحملك وما قدرت اخرب سعادتنا ❤ بس لمن رزان عرفت انها حامل ضربت لي وكنا بنفكر نتكلم معاكم كيف بس عمو عبدالمنعم شاف التقارير وواجهنا بالحقيقه 😕 حتى انا ما مصدق إنو حصل شي بيني وبينها 😓💔 انتي عارفه انا بحبك قدر شنو ومستحيل افكر اخونك 😟💔
... مسك يديني جريتهم منو وقلت ليهو..........
انا : عارف قصتكم دي حتى في الأفلام ما حصلت يعني هسي عاوزني اصدق كلامك دا واتقبلو 😑
... نظراتو وكل حركاتو كانت بتثبت إنو صادق بس ما قادرة اتقبل الحقيقة دي قال لي بحزن .......
حسام : والله العظيم ما كذبت عليكي دا الحصل صدقيني ما كنت واعي😓
انا : مهما كانت الظروف او الاسباب في النهايه دي خيانه وكمان كذبت على 😬💔
حسام : بيان حبيبتي بس دا كلو حصل بدون إرادتي بس حأصلح كل شي بوعدك
انا : مافي شي حيتصلح اكيد لازم تتزوج رزان لانها حامل بطفلك وانا مستحيل اتقبل الحصل او الحيحصل ، مستحيل اتقبل الحصل بيناتكم ما بقدر اعيش معاك بعد كل الحصل عشان كدا الأفضل لي وليك إننا ننفصل 😓💔
... مسك يديني وقال لي بحزن وغضب..........
حسام : لا بيان إياكي تقولي كلام زي دا 😑😬💔 كل شي حصل غلط في غلط بس انتي كدا حترتكبي الغلط الاكبر انا محتاجك معاي 😟💔إياكي تفكري في الإنفصال تاني 😡
انا : يعني عاوزني اتقبل الحصل كأنو ولا شي واتقبل رزان وطفلها وعلاقتك بيها لا آسفة حسام بس انا ما بقدر اشاركك مع زول او اتقبل الحصل، انا فضلت كل الأيام دي بحاول اصدق الحصل واتقبلو بس صعب شديد وفوق تحملي الحل الوحيد هو الطلاق 😕😟
... لمن قلت ليهو كدا غضب غضب شديد وقال لي.......
حسام : مستحيل اطلقك 😡وإياكي تفكري في كلام زي دا تاني فاهمة 😬
... وقفت بغضب وقلت ليهو.......
انا : انا قاعده في بيت اهلي وبتمنى ورقتي تصلني قبل زواجك من رزان 😬💔
... وقف قدامي وقال لي ........
حسام : انا قلت ليكي ما تجيبي سيرت الطلاق تاني لو ما عشاني عشان طفلنا لو سمحتي بيان 😢💔
... قلت ليهو بنظرات التحدي.......
انا : طفلي ما حيكون عائق لقراراتي ومستحيل اضحي بحياتي كلو عشانو واتقبل الحصل انا حأكون ليهو الاب والام بس اكيد ما حأرحرمك منو وقت ما عاوز ممكن تشوفو بس انا مصرة على الطلاق ودا قرار نهائي 😕
... قال بغضب ممزوج بتحدي .......
حسام : وانا مصر ما حأطلق ودا كمان قرار نهائي 😬 عشاني وعشان طفلي وعشانا😬
انا : انا مصرة وانت مصر حنشوف مين الحيفوز😡
... ولا رد لي قام قفل باب الشقة بالمفتاح وقال لي ..........
حسام : اذا ما غيرتي رايك ووافقتي ترجعي مافي ليكي طلعة من هنا 😐
... ابتسمت بإنتصار لأنو عندي إسبير في شنطتي طلعتو ومشيت على الباب عشان افتحو بس حسام فجأه خطف مني المفاتيح وقال لي ........
حسام : طلعة من هنا مافي 🙂
... حاولت اشيلو منو ما قدرت قلت ليهو بغضب..........
انا : حسام بطل حركات وافتح الباب 😡
... جراني من يدي وقربني منو شديد حاولت ابعد منو طوالي ضماني خلعني بس ما عملت اي ردت فعل بعد مسافة زح مني وابتسم ورفع حاجبو ونظر لي نظرات التحدي ديك 🤨😒وفجأة شالني بقيت اصرخ واضربو عشان ينزلني بس بدون فايده دخلني غرفتنا ونزلني في السرير حمرت ليهو ورجعت لورا طوالي قام طلع وقفل الباب بالمفتاح قمت دقيت الباب وناديتو كثير بس ما رد لي رجعت قعدت في السرير بغضب بس شوية شوية هديت نفسي ورقدت بعد فترة سمعت صوت الباب بفتح قمت بغضب عشان اشاكلو واطلع بس هو دخل بصينيه وقفل الباب من جوة قلت ليهو بغضب...............
انا : حسام افتح الباب لو سمحت ما تجنني ياخ 😡
... قرب التربيزة وخت الاكل وقال لي .........
حسام : طيب حأطلعك من هنا بس بشرط خلينا ناكل مع بعض 🙂
انا : ما عاوزة 😒
حسام : اوكي معناهو حتفضلي معاي هنا كتير 😏
... عاينت ليهو بغضب وقلت ليهو بإستسلام .........
انا : طيب بس بعدا حتطلعني صح 😾
حسام : اتفقنا 🙂
... بدينا ناكل مدة لي الاكل في خشمي عاينت ليهو ولفتة وشي منو ما عمل اي ردة فعل بعدا اكلت حبه وقمت مسكني من يدي قعدني قال نتم اكلي قلت ليهو ما بقدر لاني طوالي بستفرق ختا يدو في بطني حاولت ازحو بس رفض وقال.......
حسام : حبيب بابا ما تتعب ماما عشان ما ازعل منك اوكي ❤️
... زحيت يدو وقلت ليهو........
انا : ما في داعي تهتم بطفلي او بي انا عاوزه منك الطلاق وبس امشي اهتم بصديقتك وطفلكم 😾
حسام : مستحيل اطلقك اما رزان بيني وبينها حيكون عقد عالورق لحدي ما اعرف حقيقة الطفل دا وكل الحصل في الليله ديك 😕
انا : ما بهمني يلا افتح الباب 😾
حسام : ارتاحي حجيب عصير واجي 😇
... شال الحاجات وطلع كأني ما اتكلمت معاهو رقدت في السرير وما حسيت بنفسي نمت 😴😴😴 ما بعرف صحيت بعد كم ساعه بس الغرفه كانت مظلمة وحسام نايم جنبي نزلت من السرير براحه وفتحت النور وعاينت لحسام لقيتو لسه نايم فتشت جيوبو براحة بس ما لقيت المفتاح بديت افتش في الغرفه لقيت اسبير لمفتاح عوضتنا ما صدقت فتحت باب الغرفه براحه وبعد طلعت قفلتو من برة 😏 لازم ارد ليهو الدين بعدا قلبت باقي الشقة كلو عشان القى اسبير لمفتاح الشقة بس للاسف ما لقيت 😒 في النهايه استسلمت وشلت لي فواكه قعدت في الصالون وفتحت التلفزيون قعدت احضر قريب ساعه بعداك حسام صحا وفتح باب الغرفه وجاء طبعآ اتخلعت وحمرت ليهو ابتسم وقال لي .........
حسام : فاكرة نفسك حبستيني يعني 🤣 بالمناسبة انا خليت ليكي الإسبير قصدا عشان لو محتاجه حاجة تطلعي وكنت متأكد إنك حتلقيهو 😄
... وانا مفكرة نفسي مفتحة لاني قفلتو جوة وحبستو الكريه شايفاهو دخل المفاتيح في جيبو وجاء قعد قلت ليهو........
انا : حنخلص من اللعبة دي متين 😒
حسام : حبيبي القرار في يدك 🙂
انا : طيب انا مستعده اتقبل الواقع واقعد معاك بس ما حتشوف مني غير نظرات الشك والكره والخوف 😓 حأقعد بس عشان ارضي طفلي وما اخليه يبعد عنك بس من ناحيتي مستحيل ارجع بيان حبيبتك اللي كانت بتحبك وبتفكر في سعادتك وبس 😾لو بتقبل بيان البتكرهك ومستحيل تثق فيك ما عندي مشكله حأفضل معاك😕
حسام : حتى الان لسه انتي حبيبتي وحتفضلي حبيبتي 🥰❤
... ابتسمت بإستهزاء وقلت ليهو ...........
انا : انا من اليوم بيان الأنانية ما حأفكر غير في نفسي 😾😌
حسام : حبيبتي مستحيل تبقى انانيه 😇
انا : حتشوف حاجات كثيرة ما حتتوقعها 😕
حسام : بس انا واثق فيكي وواثق في حبي 😇❤
... طبعا ردودو الباردة والبقولها بثقة دي بتغيظني عاينت ليهو جوة عيونو وقلت ليهو.......
انا : اتخيلني مكانك لو قلت ليك انا غلطتة مع زول ودا ما كان ذنبي كان غصبا عني ويمكن الطفل الفي بطني دا يكون طفلو ردك حيكون شنو 🙁وحتقدر تتقبل الواقع و تعيش معاي كأنو ما حصل شي 😾وبتقدر تتقبل طفل زول تانى؟؟؟😕
حسام : بس بيان 😐
انا : جاوبني بكل صراحه 😟
