# حب بعد الانفصال ❤💔(5)
تاني يوم قمت من الصباح ضربت لشهد وكلمتها جاتني طوالي انا وهي ساعدنا ماما نضفنا ورتبنا البيت بعدا فطرنا وجهزنا المأكولات خلصنا بعد الظهر ، جوان اتصلت وباركت لي وزوجها كمان 💗والله الغربة بتفرق الاحباب 😞💔، المهم انا وشهد جهزنا المقرمشات والتحلية خلصنا العصر امي قالت لي امشي ارتاح قبل ما يجو ، دخلت غرفتي اتدوشت وصليت رقدت دايرة انوم شهد جات صحتني قالت لي...............
شهد : قومي دا زمن نوم
انا : اوووف في شنو ياخ
شهد : لازم تتجهزي لأنهم حيوصلو في اي وقت
انا : واذا 🙄
... شهد فاتت الدولاب طلعت فساتيني كلهم وقالت لي..........
شهد : لازم تلبسي أحلى فستان عندك
... قعدت في السرير وحمرت ليها وقلت ليها................
انا : اكيد جنيتي 😒
شهد : انتي الوحيدة المجنونة هنا
انا : انا بطلع ليهم زي ما انا بلا فستان بلا بطيخ 😒مستحيل البس فستان عشان المغرور دا 😒
... شهد قعدت جنبي في السرير وقالت لي .........
شهد : بيبو انتي ما حتلبسي الفستان عشانو لا ، عشان نسايبك الحلوين فهمتي وعشان ابوكي يقتنع انك اتقبلتي حسام 🌝
... فكرت شوية كدا وقلت ليها......
انا : صح كلامك ، طيب حألبس فستان بس ما عاوزة اي مكياج ولا شي 😒
... قالت لي بسخرية........
شهد : الله يصبرني ، عليك الله اتمسحي بفاكس و اعملي شفايفك بفازلين وانزلي 😒
... ضحكتني 😂وعشان ازيد ليها الطين بله قلت ليها .............
انا : فكرة حلوة عشان اطردهم بس كدا بابا بزعل 😏وعمو كمان
... شهد ختت يدا في راسا واخدت نفس وقالت لي .......
شهد : قبل ما ارتكب فيكي جريمة قومي عشان اجهزك ، بختار ليكي فستان تلبسيهو وبمكيجك غصبآ عنك 😒
... عاينت ليها وقلبت عيوني بملل ورجعت رقدت قالت لي بغضب..........
شهد : بيان ما تجننيني قومي عشان ما ازعل منك 🙄
... قمت شهد اختارت لي فستان مشيت لبستو وجيت قعدت وانا بحمر ليها جابت حاجات المكياج وقعدت تمكيجني 😒 مكيجتني مكياج بسيط وحلو 😻 بعدا جاء باسل قال لي...............
باسل : بيبو عمو احمد وخالتو فاطمة جو ، وماما قالت ليكي اتجهزي
... شهد طوالي قالت ليهو........
شهد : حسام جاء معاهم
باسل : اي جاء وجابو معاهم حاجات كتيرة ، في اي سؤال تاني 😒
شهد : مافي سؤال 🙄
باسل : طيب ماما قالت ليكم خلصو سريع
انا : أوكي فهمنا 😒
... بعد قلت ليهو كدا طلع خلانا شهد قالت لي...........
شهد : واو طالعه عسل 😻👌، حسام لو شافك حيخطفك الليلة 😉
... حمرت ليها وقلت ليها..........
انا : شهد نحن بنكره بعض يا ريت تفهمي 😒 اتوقعي نقتل بعض بس انو نتقبل بعض دا شي مستحيل 😒
شهد : كنت بهظر معاكي🙄 يلا قومي
... اخدت نفس عميق وقلت ليها........
انا : يلا خلينا نخلص من المهزلة دي 🙄
... طلعت مع شهد لقيتهم مجتمعين كلهم في الصالون مشيت سلمت عليهم وسلمت لحسام بطرف يدي 😒وقعدت وعملت نفسي خجلانة ☺خالتو قالت لي................
فاطمة : ما شاء الله يا بتي خلقه واخلاق ربنا يسعدكم
انا : 🙂
... ابتسمت ليها ، عمو قال........
أحمد : لو فتشنا العالم كلو مستحيل نلقى أفضل منك لحسام
... قلت ليهو بابتسامه مصطنعة......
انا : تسلم عمو 🙂
... ماما قالت لي بهمس جمب اضاني ............
ماما : قومي جيبي ليهم العصير
... قلبت عيوني بملل وقمت مشيت المطبخ جبت علبت العصير حليتو ليهم وشلت كباية عاينت ليها وابتسمت بخبث 😏 ،، بعد جهزتو شلت العصير وديتو ليهم برا ، قدمتو ليهم وقعدت وعيني في حسام دايراهو يشرب العصير 😏بس نهائي ما شرب 😒 عمو قال لي............
أحمد : بيان انتي زي بتي واكتر عشان كدا عاوز أسألك ، انتي موافقة تتزوجي حسام ؟
... عاينت لبابا وبعدا عاينت لعمو وابتسمت وقلت ليهو.........
انا : موافقة 🙂
... كلهم فرحو وبابا كمان سأل حسام وقال ليهو.............
بابا : حسام انت رايك شنو ؟
... قال ليهو بابتسامه..........
حسام : اكيد موافق 🙂
... عمو عاين لبابا وقال بفرح ............
أحمد : نقرأ الفاتحة 😃
بابا : اكيد 😃
... قرو الفاتحة وبعدا شربو العصير ، حسام شرب حبة من عصيرو وشو اتغير وقعد يكح 🤢😏 انا قربت افك الضحكة 🌝 حمر لي وتاني واصل شرب حبة ، وكل ما يشرب بحمر لي وانا ببتسم ليهو الابتسامة الشريرة ديك 😏 شرب زي اربعه جغمات وخت الكباية ابتسم وقال لي...............
حسام : بيان لي ما جبتي لنفسك عصير
... قلت ليهو بحيرة وانا بحمر ليهو.......
انا : نسيت بس بشرب بعدين 🙂
... رد لي بابتسامه لانو كلهم ركزو معانا........
حسام : لا ما في داعي ، نحن حنتشارك حياتنا ، حأبقى طماع اذا ما شاركتك العصير 🙂
... عرفتو عاوز يشربني العصير😷 رديت ليهو بسرعه.....
انا : لا لا ما في داعي
... حسام عاين ليهم وقال .........
حسام : قالو المشاركة بتبني الحب وبتقوي العلاقة بين الزوجين صح 😊
بابا : صح عادي يا بتي
أحمد : بيان عادي تتشاركو كباية العصير ما تخجلي مننا
فاطمة : كدا حتقوي العلاقة بيناتكم
... عاينت ليهم بابتسامه مصطنعة هم ما عارفين انو انا كبيت في كباية حسام كمية من الملح بدل السكر 😨 وحسام داير ينتقم مني 😒 حاولت ارفض بس حسام اصر وهم قايلينو بعمل كدا حبآ 😒 في النهاية اضطريت اشرب من العصير حقو ، شلت جغمة واحدة قربت اموت 😩 وحسام بقول لي يلا اشربي وهو ببتسم لي بخبث وبرفع لي حاجبو نطام رديت ليكي الصاع صاعين 😏🤨 شربني باقي الكباية كلها ندمت لاني كبيت الملح 😭😭😭 وهو الحيوان شغال يبتسم لي 😩😩 استئذنت منهم وقمت لانو معدتي فارت ما قدرت أتحمل الملح جريت الحمام استفرغت 🤢🤮😷 شهد جابت لي موية باردة شربتها بعدا قدرت أتنفس شوية 😪 سألتني قلت ليها بحكي ليكي بعدين 😪،، حسام الحقير الحيوان قلب الوضع ضدي وزي ما بقولو انقلب السحر على الساحر 😩😭😩 بس دي مجرد بداية الجاي اكتر سيد مغرور 😬😒 رجعت قعدت معاهم بعدا وانا بحمر ليهو 😒وهو ما قادر يمسك الضحكة الحسود 😬 زعلوني اكتر لمن حددو العرس بعد شهر وزي كل مرة ابتسمت بغباء ووافقتهم 😬،،،بعد فاتو حكيت لشهد الحصل قربت تموت من الضحك 😂😂😂 كريهة 😒 طبعاً جوان اعتذرت قالت ما حتقدر تحضر عرسي 😟💔 المهم بدينا ترتيبات الزواج ، الحبس والشيلة ‘‘طبعاً الشيلة فاتت جيهان وشهد انا ابيت امشي ‘‘ والتجهيزات والعزومة و................. الخ ، طبعاً اتحبست في بيت جيهان كنت اكتر زمني بقضي مع نرمين عسلي😘 عشان أنسى كل شي بس كل ما يقرب يوم العرس كل ما كوابيسي بتكتر ‘ مرات بحلم بحسام بخنقني ومرات بضربني ومرات بطعني ومرات موجه المسدس في وشي انا خلاص اقتنعت انو حسام مريض نفسي وبكره النساء وبستخدم معاهم العنف😨😨😨 وكمان زادو الطين بله بالوصايا الوروني ليها ماما وجيهان كنت بس مقلعة عيوني وبعاين ليهم 😨 لانو اصلآ الحاجات دي انا مستحيل اعملا 😮😧طبعاً ما عملنا حنة ولا البرامج الكثيرة دي 😑لحدي ما جاء يوم الزواج دا اكتر يوم كنت خايفه فيهو ،عادتآ العروس بتكون متوترة في اليوم دا اما انا كنت خايفه من المريض الحأتزوجو دا ،حسيت بإني انسانة ضعيفة والطاقة الجواي خلاص انتهت 😭😭😭💔💔 ولحظة سمعت الزغاريد وصوت الطلق وقتها حسيت انو ربطوني معاهو وبقيت محبوسة ومافي طريقة اتحرر منو تاني 💔بقيت زي الجثة بسوقوني بيجاي وبجيبوني بيجاي لحدي ما جهزوني لما لبسوني الفستان كأنو لبسوني كفن 😭💔ولمن جاء ساقني واتصورنا ‘‘ اتصورنا صور خارجني وكنا باردين برود شديد ولمن المصور يقول لينا قربو او اعملو حركة معينة الاثنين بنحمر ليهو ونبعد من بعض حتى المصور شك انو نحن ما عرسان 😂‘‘ومشينا الصاله وباركو لينا وحفلة وزغاريد بس كنت ما مركزة في اي شي كنت ببتسم ابتسامة مصطنعة وبمشي فيهم لحدي ما خلصت الحفلة وجرتكونا وطلعنا حسام فات يودع اصدقاءو وانا لمن جاء زمن الوداع ياداب ركزت وعرفت انو خلاص حأفارق اهلي ويمكن ما اشوفهم تاني واتذكرت الكوابيس ديك وقتها دموعي كبو زي المطر 😭😭حضنت بابا وبكيت قدرتي وبعدا ماما 😭😭وجيهان وباسل ، كلهم بكو معاي ونرمين دي بس من لقتني ببكي بكت جيهان شالتها فوق 😭بقيت ابكي بطريقة هستيرية كأنو خلاص واديني القبر 😭😭😭 ماما حضنتني وهدتني شوية بعدا خالتو ساقتني ركبتني العربية ودموعي لسة بنزلو وانا بمسح فيهم بعدا حسام جاء ركب جنبي انا كنت بعاين لاهلي بالشباك وببكي لحدي ما العربية اتحركت كلهم جو قريب ودعوني ودعو لي ، بعدا اتحركنا ومشينا ما كنت عارفة وجهتنا بس كنت مواصله في البكاء 😭💔بعد مسافة حسام عاين لي ومدة لي منديل وقال لي...............
حسام : اهدي
... عاينت ليهو وقلت ليهو بغضب................
انا : ما عاوزة منديلك 😡😭
... وتاني قشيت دموعي بيدي وشغالة اشهق قال لي بغضب وصراخ ..........
حسام : ما قلت ليكي قفلي 😡
... نطيت من الخلعة وارتعبت من صوتو وقلبي شغال يدق بسرعة من الخوف ، اخد نفس وتاني مدة لي المنديل وقال لي بصيغة امر ........
حسام : امسكي
... شلت المنديل وقشيت دموعي بخوف وكتمت شهقاتي 🤧😨وزحيت منو بعيد لمن اتلصقت مع الشباك 😂 ( وين اللميضة 😂😂) ، الشاب البسوق في العربية قال ليهو............
... : حرام عليك ياخ براحة علي العروس
... حسام قال ليهو................
حسام : انت قفل وسوق بسرعه خلصنا 🙄
... الشاب قال ليهو............
.... : بمشيها ليك لانك عريس 😌
... عاينت ليهم وقلت في راسي ‘‘ أغبياء😒عاينت للشاب وقلت دا لابس انيق وشكلو ما سواق ومن كلامو مع حسام معناهو هو صاحبو واكيد بشبهو😒وبقيت احاكي كلامو‘‘ حرام عليك ياخ براحة علي العروس ‘‘ تعرس كديس 😒 يا ريت لو بقدر ارميكم الاثنين من العربية وارجع بيتنا 🤜🏻😒،، وأثناء سرحتي حسام فتح لي باب العربية وقال لي...........
حسام : لو حابه تنومي في العربية ما عندي مشكلة 🙄🙄
......كنت سرحانة لمن العربية وقفت بعد قال كدا عاينت ليهو ونزلت ومشيت وراهو لحدي ما دخلنا عمارة طويلة بظن عندها اكتر من عشرة طوابق بعد دخلنا جينا جمب اصانصير طوالي حسام دخل وصحبو دخل الشنط معاهو وقفت وعاينت ليهو وقلت ليهو................
انا : وين السلالم
... قال لي .......
حسام : لي الاصانصير ما عاجبك 🙄
... واي من اللئيم المغرور 😒بس قبل ما ارد ليهو الشاب المعاهو قال لي بحيرة............
... : بتخافي من الاصانصير !
... عاينت ليهو وحركت راسي بمعنى اي 😞 الشاب طلع من الاصانصير وقال لحسام...........
... : انت اطلع بالاصانصير ونحن بنلحقك
... شفتو الذوق دا ما زي حسام طوالي ولا صدق ضغط الاصانصير كأنو منتظر متين يتخلص مني 😒🤛🏻 المهم هو طلع والشاب قال لي...............
... : اتفضلي يا عروستنا 😇
... بقيت ماشة معاهو وطلعنا السلالم وانا بالكعب طبعاً تعبت من وصلنا الطابق التاني وقفت شوية قال لي................
... : اكيد الكعب تعبك اووو اسف اكيد بتقولي في راسك الولد الكلامو كتير دا منو 😁
... مدة لي يدو وقال لي.........
... : انا رائد محمد صديقو لحسام
... سلمتو في يدو وقلت ليهو......
انا : و انا بيان 🤝🏻
رائد : انا بعرفك بس انتي ما بتعرفيني المهم اتشرفت بمعرفتك 🤝🏻
انا : لي الشرف
... بقينا نتعرف اكتر ونطلع في السلالم لحدي ما وصلنا الطابق الخامس بعدا قال لي................
رائد : وصلنا دي شقتكم 😇
....لقيت الباب فاتح قلت ليهو.....
انا : اتفضل
رائد : لا حأكون ثقيل شديد لو دخلت ياخ انتو عرسان ، ان شاء الله مرة تانية
انا : عادي ولو
... دخل جمب الباب ونادى حسام ودعو وفات ، انا كنت بشوف في الشقة ،كأنها مفصولة من باقي الطوابق وكبيرة وحلوة شديد الطابق كلو معمول نظام شقة واحدة ومفروش بطريقة حلوة 😻💚 فيهو ثلاثة غرف ومطبخ وصاله كبيرة 😻حسام قفل الباب وقال لي......
حسام : ديك غرفتك
... واشر لي على غرفة وتاني قال لي......
حسام : شنطك جوا الغرفة
... سريع دخلت الغرفة لقيتها كبيرة فيها سرير دبل كبير وكرسي كبير ودولاب وحمام داخلي 😻 بس ما فيهو تواليت وعلاقة 😒🤛🏻 بس ما مشكلة المهم انا في غرفة براي بعيد عنو 😌😇 ،رتبت ملابسي واتدوشت وغيرت ببجامة عاينت للرسم في ايديني ورجليني وقلت ‘‘ متين تطلع وارتاح قال دا كلو عشان المغرور 😒اوووف الله يصبرني ‘‘ورقدت عشان انوم بس حسيت بالجوع لانو النهار ابيت اكل بسبب الزواج دا 😒 فتحت باب غرفتي براحة عشان المغرور ما يسمع مشيت المطبخ فتحت الثلاجة لقيتو ملان حاجات كتيرة شلت جبنة حشيتا في العيشة وشلت تفاحة 🍎 وماشة على غرفتي وبغني 🎶 بس سمعت المغرور طلع من غرفتو عاينت ليهو بخوف ولمن عاين لي جري دخلت غرفتي وقفلت الباب بالمفتاح قلت يمكن جنو يقوم عليهو يوريني نجوم الليل 😪💔اكيد ما عاوزة يحصل لي الحصل لمها 😨💔 ما كنت نعسانه لاني خايفة في اي لحظة يكسر باب غرفتي ،شلت تلفوني ودخلت الواتس نزلت رسائل كتيرا كلها مباركات رديت ليهم بعد خلصت كتبت في حالتي............
....💔💔اه من نصيب يأتي علي غير هوانا
فيهبنا لمن لا نهوي ويهب من نهوي لسوانا 😔😔'💔💔
... بعدا طوالي قفلت النت ونمت بدون ما احس 😴💤 💤
# كسرة 💟
... 💔إحساسك لمن تتزوج شخص انت بتكرهو احساس سئ جدآ بتحس بأنو كل شي جميل في حياتك انتهى وكل الأشياء السيئة هبطت في راسك وبقيت محبوس في ظلام هالك ما فيهو ولا نقطة ضوء🏮💔
...يتبع🍁..........
