# حب بعد الانفصال❤💔 (24)
... حبيباتي سوري سوري على التأخير بس زي ما قلت ليكم مضغوطة شدددديد😥 بس ان شاء الله بحاول اخلص ليكم الرواية باسرع وقت والله انا شايلة هم اكتر منكم ✨
... ممكن تقولو عايشه في تناقض🙀لأنو جزء مني متقبل كل شي وبحب يعيش كل اللحظات الجميلة مع حسام ❤والجزء التاني رافض كل شي وشايف كل البحصل دا خطأ💔 بس سؤال واحد عاوزة إجابتو كل المشاعر المختلطة دي اسميها شنو ؟ كنت بفكر لحدي ما نمت 😴 ، حسام بعد طلع من غرفتنا فات سلم لصديقو بشوق شديد ولمن فهد وخالتو سألو عني قال ليهم نامت خالتو كمان فاتت نامت اما حسام قعد يتونس مع صحبو ، صحيت تاني يوم ما لقيت حسام في الغرفة كنت قايلة كل الحصل بالليل مجرد حلم بس لمن نزلت رجليني من السرير وشفت الشاشة ملفوفة في رجلي عرفت إنو كل الحصل حقيقة مشيت الحمام عملت الروتين اليومي ولبست بجامة في الركبة وطلعت من الحمام بنشف في شعري قلت بعد انشف شعري البس توب واطلع بس حسام جا داخل قال لي..........
حسام : صباحو
انا : صباح النور
حسام : كيفك
انا : بخير الحمد لله
... عاين لرجلي وقال لي.........
حسام : بليتي الشاشة وكدا المرهم ما حياخد مفعولو اقعدي خليني اغيرو ليكي
... قعدت في السرير وخطيت رجليني بالمنشفة ولفيت شعري ومسكتو بالمشبك وهو جاب علبة الاسعافات قعد في السرير جنبي وختا رجلي فوق في رجلو وشال المطهر من ختاهو محل الجرح جريت رجلي وبقيت انفض يديني وقلت ليهو............
انا : آاي حار حار 😐
...حسام عاين لي ورفع حاجبو نظام بطلي خوف وكدا مسك رجلي بس المرة دي بقوة عشان ما اجرها ولمن حاول ينضف لي الجرح مسكت يدو وجريتها 😂وكل ما يحاول بجرو من يدو طبعاً رفعت ليهو ضغطو براحة شال قطنة تانية وكب فيها مطهر وبدون سابق انذار نظف لي الجرح قلت ليهو بغضب..........
انا : بكرهك يا شرير 😕
... مسح لي المرهم ولف الشاشة وقال لي .........
حسام : عادي تكرهيني بس لو حبيتيني حيبقى مشكلة 😉
... بعد قال كدا غمز لي حمرت ليهو وقلت ليهو ........
انا : إطمن ما حأحبك عشان يبقى ليك مشكلة 😒
... ضحك وقرب مني زحيت لوراء مدة يدو طلع المشبك من شعري وقبل ما أتكلم قرب مني شديد بقيت ارجع راسي لوراء لحدي ما رقدت في السرير وهو متكل على يدو جنبي ووشو قريب من وشي وعيونو في عيوني نزلت عيوني من عيونو خجلت منو وقلبي بقى يدق بسرعة ومتوترة وما قادرة اعمل اي شي كأني مخدرة ابتسم وقال لي ..........
حسام : لو حبيتيني حيبقى أحلى شي في حياتي💕 شايف الحب في نظرات عيونك بس كمان شايف الخوف والتوتر والخجل🌚 وأسوأ شي عدم الثقة كمان 🙁
... دايرة ازحو واقوم بس كأنو طاقتي كلها اختفت ولساني السليط خطس وين ما بعرف 😭 حسيت بيدو في شعري رفعت عيوني لقيتو لسه بعاين في وشي كأنو بحفظ في ملامحي لفيت وشي منو وختيت يديني في وشي لأني ما عاوزاهو يتعدا حدودو زي ما حصل لمن اعترف لي بحبو 😱🙊بقى يلعب بشعري قال لي ...........
حسام : شعرك حلو وحتى ملامحك حلوة وهادئة بس أحلى شي خجلك 😃❤️ما كنت بعرف إنو زوجتي العنيدة خجولة كدا❤️
... ما رديت ليهو لاني أصلاً ما قادرة ارد ليهو انا عمري ما حبيت ولا اديت فرصة لاي راجل يلمس يدي بس حسام قرب مني اكتر من مرة والمشكلة ما بقدر ابعدو كنت بدعي تلفونو يضرب عشان يقوم بس حسيت بيدو في يدي مسك يديني وبعدهم من وشي وتاني بقى يعاين لي وانا حالفة ما اعاين ليهو قام باسني في رقبتي😗😲 اتخلعت وغصباً عني التفت عليهو ابتسم نظام خليتك تلتفي لي غصباً عنك بس سمعت زول دقا باب الغرفة طبعاً ارتحت وحبيت الزول دا من قلبي حسام فك لي يديني وقام غصباً عنو وانا قمت سريع وأتنفست براحة كبيرة لفيت شعري مسكتو بالمشبك حسام كره الزول الدقا الباب دا قبل ما يطلع قال لي ........
حسام : قاطع اللحظات الجميلة دا اكيد فهد😪
... ما رديت ليهو بس كنت مدنقرة راسي طلع وقفل باب الغرفة وراهو ، من طلع شلت تلفوني واتصلت لشهد قلت ليها لازم اشوفها ضروري قالت لي هي زاتها عاوزاني ضروري بس أمي و امها طلعو وهي براها مع باسل وشريف قلت ليها خلاص انا بجيك في البيت قمت لبست توبي وطلعت صبحت لخالتو وسلمت لفهد واعتذرت ليهو عن الموقف الحصل قال لي اشياء زي دي بتحصل عادي وهو كمان اعتذر عن عضة ماكس وبقى يتونس معاي ويحكي لي عن طفولتو مع حسام بالجد طلع ظريف ومهضوم ودمو خفيف كمان ، طول القعدة اتجنبت نظرات حسام لأني بقيت اخجل منو ما بعرف لي قعدنا نتونس لحدي ما رين جهزت الفطور فطرنا مع بعض بعدا جهزت نفسي واستأذنت من خالتو وطلعت على بيت ناس شهد في الطريق نور اتصلت لي قالت عرسها بعد أسبوع لأنو العريس مسافر برا عشان كدا مستعجل على الزواج طبعاً فرحت ليها شديد ووعدتها احضر عرسها بعد وصلت لشهد لقيت باسل وشريف المشاغبين بعد سلمت عليهم خليناهم قاعدين في التلفزيون وسقت شهد دخلت معاها جوة العوضة بعد قعدنا لاحظت لرجلي وقالت لي ........
شهد : بيبو شنو الجرحك في رجلك 😱
انا : دي عضة ما جرحة 🙀
شهد : عضة ؟
انا : اي عضاني ماكس الكريه 😐
شهد : ماكس ؟
... حكيت ليها عن فهد وماكس والدراما الحصلت معانا 😂 المعفنة ضحكت 😒😂😂وقالت لي ........
شهد : تاني مستحيل اجي شقتكم 😐
انا : خوافة جبانة 😒 يلا انسي ماكس حابه استشيرك في شي
شهد : احكي
انا : حسام بحبني 😥
... قالت لي بجدية........
شهد : عرفتي كيف 😕
انا : لمن كنت في بيتهم هو اعترف لي 😑
... من قلت ليها كدا اترسمت ابتسامة كبيرة في وشها 😄وقامت فوق بقت تنطط وترقص وجرتني من يدي وقفتني وبقت تلفني وترقص 💃🏻 وقفتها من الرقيص وقعدت قلت ليها .......
انا : شهد 😬بطلي واسمعيني 😒
... قعدت جنبي ولسة الفرح باين على وشها وقالت لي........
شهد : احكي لي كيف ووين ومتين حصل ؟ وكيف كانت الأجواء ؟ وردك ؟ 😃
... ‘ حكيت ليها كل الحصل لحدي ما هو اعترف لي بحبو ورفضتو ‘ قالت لي بغضب.........
شهد : بيان انتي لي عنيدة وما بتفهمي ، في بت عاقلة بترفض شخص بحبها
انا : انا 🙂
شهد :آخ منك براكي رفستي النعمة بس وقت حبك لحسام يتغلب على عنادك ولمن تشوفي مع وحدة تانية وقتها حتفهمي انتي خسرتي شنو
انا : المشكلة إنو حسام حتى بعد رفضي ليهو بحاول يتقرب مني والمشكلة الأكبر إنو انا ما بقدر ابعدو او اصدو ما بعرف لي
شهد : ببساطة لأنك بتحبيهو 😒
انا : هههههه حب وبيان خطين مستقيمين يعني ما بتقابلو ابدآ
... حمرت لي وقالت لي بسخرية ..........
شهد : وحسام هو الربط بين الخطين المستقيمين 😒😒😒
... شهد دي مجنونة ولو فضلت اتناقش معاها ما حأستفيد شي لأنها محامية حسام عشان كدا قلت ليها.........
انا : طيب انسي موضوعي 🙄
... عرفتني دايرة اتهرب قالت لي........
شهد : كالعادة لمن تخسري النقاش بتحاولي تهربي 🌚 بس دا الواقع يا حبيبة الكل بحب بس الأشخاص العنيدين زيك بحاولو بكل الطرق يهربو من الحب ولمن يحبو بهربو من مشاعرهم بس مهما هربتي في يوم مشاعرك حتهزم عنادك وتستسلمي قدام الحب 😒
انا : أوكي فهمت يا حبيبة محمد 🤗 احكي لي عنك انتي ومحمد 😀
... ضحكت وقالت لي.........
شهد : اهربي مصيرك ترجعي لحسام
انا : شهد 😬😒
شهد : أوكي محمد قال حيتقدم لي 😁
... قلت ليها بصراخ..........
انا : ما بصدق دا أحلى خبر 😘 متين ؟
شهد : قال حيتفق مع اهلو ويحددو موعد مع بابا
انا : ألف مبروك مقدماً يا قلبي 😍
شهد : الله يبارك فيكي عقبال ما ابارك ليكي انتي وحسام بعد تبقو ثلاثة 😉
انا : 😒 يثلث راسك 😒
شهد : 😂😂😂 صحي الليلة ما لاقيتي بوبي
انا : ما جيت بشارعو 🌚
... اتونسنا شوية بعدا شادي جاء والونسة احلوت وعملنا قهوة وحركات وصبيناها ونسة وضحك وشمارات ما حسينا بالزمن بعد صلاة المغرب شادي وصلني للشقة ورجع دخلت العمارة وانا بدندن في أغنية وقبل ما اطلع السلالم حسيت بزول قفل لي خشمي ورفعني من نصي بقيت اقاوم بس عالفاضي فكاني بعد وصلني مكان مهجور كدا طبعاً الطابق الأرضي عبارة عن مخازن معدات يعني ما فيهو ولا زول بعد فكاني اتلفت عليهو بغضب اتصدمت لمن لقيتو مروان 😨 قلت ليهو بصدمة.........
انا : مروان ؟
... ابتسم وقال لي .........
مروان : بشحمو ولحمو😌
... ضحك وقال لي........
مروان : كويس إنك متذكرة اسمي😏
... قلت ليهو بغضب.......
انا : انت اكيد جنيت كيف اتجرأت تجيبني هنا وبالقوة كمان 😠
... بقى ماشي على وقال.......
مروان : حبيت تفهمي إنو النسنوجي دا ممكن يخطفك عادي 😏
انا : إياك تقرب مني☝️
... وقف قدامي ولمن شافني خايفة ضحك وقال لي..........
مروان : إنتي ما قلتي الرجال امثالي ما بستاهلو الحب بستاهلو الكره والسجن والنفي والقتل لاني مجرد نسونجي مقرف وحقير 😠
.... فكر كدا وقال.......
مروان : واخر شي قلتي بالجد تفففففف عليك😠 صح ولا نسيت شي 🤔😡
... وعشان اظهر ليهو إني ما خايفة منو ربعت يديني وقلت ليهو........
انا : ما بظن إني قلت كلام خطأ 😒انت اسوأ من كدا😒
... مسكني من اكتافي بقوة وقال لي بغضب.............
مروان : استفدتي شنو لمن اتكلمتي عني بالسوء قدام الناس😠انتي ما عارفة وقعتي نفسك مع منو 😡
... قلت ليهو بغضب......
انا : ابعد يدينك عني 😡
... فكاني وقال لي.......
مروان : شكلك خفتي من النسونجي دا صح 😏
... قلت ليهو بغضب.......
انا : شايف الخوف في عيوني اكيد لا 😑لاني ما بخاف من أمثالك الزيك هم البخافو مني لأني بدمرهم وبختهم في مكانتهم 😒
... جاء على ابتسم ابتسامة خبيثة وقال لي.......
مروان : يعني هسي ما خايفة مني ما خايفة اعمل ليكي شي 😏
... كنت خايفة خوف شديد ومن جوة برجف عديل بس قلت ليهو.......
انا : ما خايفة منك لأنك واحد جبان جايبني في مكان مهجور عشان تهددني لو كنت شجاع كان واجهتني قدام الناس زي ما انا عملت 😒
... لمن قلت ليهو جبان غضب زيادة 😂وعيونو بقت زي الشرارة وقال لي....
مروان : انا جبان 😡
... عرفتو غضب قلت أفضل شي انقذ نفسي عندي رزاز عطر صغير طلعتو من الشنطة سريع ورشيتو في عيونو صرخ وختة يدينو في عيونو قلت ليهو........
انا : دا بس واحد من الوسائل البتحمينا من أمثالك😒
... بقى يحاول يتبع صوتي ضربتو في رجلو وقلت ليهو......
انا : دا لأنك حاولت تخطفني 🙄
... تاني ضربتو وقلت ليهو......
انا : ودا لأنك مسكتني من أكتافي 😒
... رشيتو بالرزاز تاني وقلت ليهو......
انا : تهديدك للبنات وكترتهم حوليك وإستغلالك ليهم ما بدل إنك راجل لا دا أكبر دليل إنك من أشباه الرجال ما اكتر 😡
... غضب شديد بقى يفتش فيني ويطقش في الحاجات 😂 انا بعد شاكلتو طلعت شبطي وشلتو في يدي وجريت طلعت من المكان ولمن وصلت السلالم بقيت اطلع درجتين درجتين لأني خايفة بس مسكت أعصابي قدامو 😂لمن وصلت الشقة فتحتها سريع ودخلت بعد قفلت الباب ياداب اخدت نفس واطمنت😪 حمدت ربي لأنو مافي زول في الشقة دخلت سريع ادوشت وغيرت بعدا حسام جاء بقيت اتهرب منو ومن نظراتو سألتو من خالتو قال لي رجعت البيت ورين كالعادة خلصت شغلها وفاتت قلت ليهو تمام مشيت قعدت في الصالة وفتحت التلفزيون لقيت فلم كوميدي قعدت أحضر حسام جاء قعد جنبي وقال لي ........
حسام : بيان ممكن تسمعيني
... قلت ليهو وانا لسة مركزة في التلفزيون .........
انا : سامعاك احكي
حسام : لي بتتهربي مني 😐
انا : انا ما بتهرب منك 😶
... شال الرمود وأمن التلفزيون وقال لي ........
حسام : بيان انتي لسة بتكرهيني صح ؟؟
... عاينت ليهو وسكتة قال لي .....
حسام : بيان انا بعرف إنك بتحبيني بس مرة واحدة إعترفي لي بحبك وبردي قلبي وانا بوعدك اقدم ليكي كل السعادة الفي يدي ومستحيل أخذلك بس منتظر إشارة واحدة منك 💔
...اخدتة نفس وقلت ليهو .......
انا : حسام انا ما عاوزة منك اي شي لا حب لا سعادة ولا وعود ، عاوزاك تفضل بعيد مني وبس لو سمحت 😩
حسام : بيان !
... دموعي نزلو قلت ليهو......
انا : انا ما عاوزة شريك حياة واظن دا قراري الشخصي بس لي بتغصبوني على اي شي بابا غصبني اتزوجك وانت كمان عاوزني أحبك بالغصب 😭💔 لي مافي زول بسألني انا عاوزة شنو 💔
حسام : انا ما غصبتك تحبيني 😐
انا : غصبتني لأنك بتستغل الفرص عشان تقرب مني قايلني بالطريقة دي حأتعلق فيك وأحبك أكيد لا ، لازم تفهم انا وانت مستحيل نكون لبعض 😭
... مدة يدو عشان يمسح دموعي زحيت ليهو يدو وعاينت ليهو بحزن وقلت ليهو..........
انا : خليك بعيد مني ما عاوزة منك اي شي بس خليك بعيد 😭💔
... حسام عاين لي مسافة وقال لي ........
حسام : وعد مني حأفضل بعيد عنك 💔 بس امسحي دموعك وما عاوز أشوفك حزينة تاني😕
... قال لي بحزن ........
حسام : ما كنت بعرف إنك مخنوقة بزواجنا وبحبي ليكي😞💔 بس بحاول القى طريقة احررك من علاقتنا دي واريحك 💔
انا : وانت كمان حترتاح مني
... ابتسم وقال لي..........
حسام : رغم عنادك وكل محاولاتك البتعملي فيها عشان تبعديني بس برضو ما حأسيبك ! منو القال ليكي الحبيب بفتر من وجع الحب ، اصلو الحب طبعو الوجع 💔وأصلي انا طبعي ارجاكي لمن تفتري حتلقيني قاعد مستنيك 🤗انا عندي غيرك منو يعذبني 😊 مش لو قلتي ما عايزاني لو كسرتي قلبي الف مرة انا برضو عايزك وراجيك حتى لو انفصلنا حأفضل راجيكي لأني واثق إنك حترجعي لي 💔
انا : لو سمحت افهمني انا ما عاوزاك ترجاني ولا تحبني 😕بس انساني 😑
حسام : انتي حرة في مشاعرك بس ما تتدخلي بيني وبين احاسيسي ومشاعري 😑
...قام فات على باب الشقة طلع وقفل الباب بقوة 😕اكيد بكون زعلان مني بس لازم يتقبل حقيقة إنو نحن الاثنين ما لبعض
# كسرة ✨💜
أسوأ شي إنك تحب شخص وما يبادلك الحب والأسوأ يطلب منك تنسى حبو وقتها بتحس إنك بتحارب نفسك بين عشقك وقلبك المكسور
‘‘‘ إني عشقتك واتخذت قراري ، فلمن اقدم يا ترى اعذاري
لا سلطة في الحب تعلو سلطتي ، فالرأي رأيي والخيار خياري
هذي احاسيسي فلا تتدخلي ارجوك بين البحر والبحار ‘‘‘ .💜💜💜
... مروان بعد فتح عيونو فتش ما لقاني طلع الطابق الرابع وفات شقة سوسن وسأل عن ريم سوسن قالت ليهو الشقة التانية مشى شقة خالتو فاطمة وسأل عن ريم لانو هو مفتكر إنو انا اسمي ريم لأنو دي المعلومات المدام هنادي ادتو ليهو لمن فهمتو خطأ ، المهم ريم سلمت عليهو قال ليها نادي لي ريم طبعاً اتحيرت قالت ليهو انا ريم 😂قال ليها ما انتي ريم التانية 😂المهم بعد صعوبة فهمتو إنو هي الوحيدة الاسما ريم في العمارة كلها اعتذر منها وطلع فات العمارة الثانية وضرب شقة مدام هنادي بغضب أسماء فتحت ليهو الباب وفرحت لمن شافتو نطت حضنتو زحا منو وقال ليها بغضب.........
مروان : وين مدام هنادي😠
... لمن شافت الغضب الفي وشو وصفت ليهو مكان هنادي فات فتح الباب بغضب وقال ليها........
مروان : انتي بتحاولي تلعبي معاي 😡
... لمن شافتو غضبان قالت ليهو.......
مدام هنادي : مروان انا مستحيل احاول العب معاك
مروان : طيب لي كل المعلومات الجبتيها خطأ ريم الفي الطابق الرابع ما البت الأنا عايزها 😤 يمكن حتى اسمها كمان خطأ 😠
مدام هنادي : صدقني دي ما غلطتي انت الوصفت لي البت وانا بس جمعت ليك معلومات عنها 😐
... ضرب الحيطة بقوة وقال ليها.......
مروان : اصلا انا الغلطان لاني اعتمدت عليكي 😤
... طلع فات على الباب وقفت قدامو أسماء مسكت يدو وقالت ليهو بدلع........
أسماء : حبيبي معقول جيت بس عشان المدام 🙃
... اداها نظرة خلاها تخاف وتترعب فكت يدو وبدون ما ينطق ولا حرف طلع فات بعد طلع ركل عربيتو بغضب وقال..........
مروان : ما في بت قدرت تجرحني او تهيني بس ما بعرف كيف ظهرت في حياتي وقلبتو ، لمن شفتها كنت قايلها زي باقي البنات حأقدر أحصل عليها بسهولة بس انا البقيت افكر فيها 😠 حتى لمن خطفتها وهددتها ما خافت مني رشت لي عطر في عيوني وهي الهددتني 😡 ، والمشكلة إني ما بعرف حتى إسمها 😑المعلومة الوحيدة البعرفها إنو هي ساكنه في عمارة حسام أحمد اكتر انسان بكرهو 😬😤
... بقى يمشي ويجي قال.......
مروان : لازم يكون في طريقه توصلني ليها 😤🤔
... بعد تفكير ابتسم وقال.......
مروان : لقيت طريقة سهلة وسريعة توصلني ليكي وهي حبيبتي القديمة وصديقتك الهنتيني بسببها 👈 نور
... يتبع🍁......
