حب بعد الانفصال ❤💔

بارت (28)

# حب بعد الإنفصال ❤💔(28)

عماد : صراحة يا صديقي قصتك غريبة إنت بتحبها وهي بتكرهك ما بعرف نهاية قصتكم شنو ؟ بس بتمنى ما تتأذى من العلاقة دي 😐
... مروان ابتسم وقال ليهو .....
مروان : اصلآ انا انجرحت لمن شفت الحنة في رجليها 😩💔
... عماد خت يدو في جبهتو وقال ليهو بصدمة........
عماد : ما تقول لي متزوجة 😨
... مروان اخد نفس وقال بإستسلام......
مروان : للأسف ما بعرف اقول ليك شنو بس حبيتها من النظرة الأولى ويوم الحنة كنت حابب اعتذر منها ونفتح صفحة جديدة ونتعرف على بعض اكتر بس لمن شفتها سرحت في اناقتها وجمالها مسكت نفسي بالعافية عشان ما اخطفها❤️ بس لمن شفت الحنة في رجليها حسيت بقلبي اتكسر لنصفين ودخلت في صدمة غريبه بعد مسافة وعيت للحصل💔 انا نهائي ما محظوظ في الحب يمكن دا عقاب لأني كسرت قلوب كثيرة وما اهتميت عشان كدا ما خطفت قلبي إلا واحدة متزوجة 😔💔
... عماد حسه بمعاناة صديقو ختا يدو في كتف مروان وقال ليهو..........
عماد : نحن سيئين وما بنقدر البنات بس نحن ما كذبنة لاي بت وزي ما نحن بنشوفهم علاقات عابرة هم كمان بشوفونا بنفس الطريقة بس انت غلطتة في حق نور وجرحتا بس صلحتة غلطك واعتذرت ليها وسامحتك عشان كدا ما تلوم نفسك واكيد حبك للبت دي يمكن فيهو خير ليك 🙂🥰
مروان : يمكن بس لازم اصارحها ولو لمرة واحدة 😓
عماد : كدا انت حتغلط غلطة كبيرة وحتجرح نفسك زيادة لازم تنساها وتنسحب بدون ما تأذيها او تأذي نفسك 😐
مروان : قررت انسحب بس لازم اواجها بالأول 😐
عماد : لي مصر تواجها رغم إنك عارف نفسك خسران 🤔
مروان : لأنها اتحدتني لمن راسلتها واعترفت ليها 😑 هي فاكراني واحد جبان بتكلم وراء الشاشة وما عندي شجاعة اواجها 😑
عماد : دقيقة دقيقة ما تقول لي ماشي عرس نور عشانها 😲
مروان : اكيد لأنو حتى لو طلبت اشوفها ما حتلبي طلبي 😅
عماد : مروان ما عارف اقول ليك شنو بس ما تنسى إنها متزوجة ويمكن تجيب ليها مشاكل مع زوجها 😑
مروان : دا الشي الوحيد الما بقدر انساهو حتى لو حاولت 😕
عماد : ما بقدر اقول ليك شي يا صديقي بس بتمنى بعد مواجهتها تقدر تنساها بأسرع وقت 😇 وتعتبرها صدفة حلوة ما اكتر
مروان : يا ريت بس ما بقدر لأنو في بعض الأشخاص ما بنقدر نتخلى عنهم او ننساهم مهما حاولنا ❣
... عماد اخد نفس وقال ليهو......
عماد : لو ما كانت متزوجة كنت مستعد اعمل اي شي عشان تكونو لبعض بس ربنا ما كاتبها ليك 😕
... مروان ابتسم وقال لعماد .....
مروان : بعرف وانا متقبل إنها ما قسمتي بس حابب اتكلم معاها لآخر مرة بعدا حأبعد منها ومن حياتها 🙂💔
عماد : اوكي ربنا يجبر بخاطرك 🙂
... مروان بعد خلص لبس طلع مع عماد واي واحد فات في طريقو...
.... انا بعد اتجهزت ركبت ترحال ووصلت الصالة قريب للعشاء لمن دخلت لقيت ناس كتار كلهم كانو في انتظار العروسين كنت حاسة نفسي غريبة لأنو كل الوجوه دي جديدة على وكل ما امر بناس بعاينو لي كأني غريبة وبهمسو مع بعض فضلت الف في الصالة لحدي ما لقيت اخت نور وقتها حسيت براحة لانو وأخيراً لقيت زول بعرفو بعد سلمت عليها وباركت ليها ودتني الطربيزة القاعدة فيها اسرتها بعد سلمت عليهم قعدت اتونس معاهم وقتها بدت موسيقى الزفة وانوار الصالة كلها طفت وفضل المدخل بس مولع بأنوار ملونة ولمن دخلو العرسان ماسكين ايدين بعض جات من فوق بالونات وورود كبت عليهم وبدت الزغاريد الإثنين طايرين من الفرح بعد زفوهم بعد اغنيتين كدا خفضو الأضواء وشغلو اغنية عربية حلوة للإسلو اول شي بدو العرسان وبعدا بدو يدخلو ثنائي ثنائي وراء بعض على دائرة الرقيص كنت بتمنى لو حسام موجود عشان نرقص مع بعض 💞اثناء سرحتي الرقيص جاء واحد قعد في الكرسي الجنبي وبارك لخالتو ولنون اخت نور بعدها مد لي يدو وقال لي ''' الف مبروك لنور ''' بعد قال كدا ياداب ركزت والتفت عليهو لمن شفتو فتحت عيوني بصدمة وقلت ليهو.......
انا : انت 😱
... ابتسم وقال لي.......
مروان : ايوا 😇
... عاينت ليدو الماديها لي وحمرت ليهو نظام لم يدك وما عايزة مباركتك😒 لما يدو براحة وقال لي بصوت واطي........
مروان : التقينا كم مرة في مواقف سيئة بس بتمنى نتعرف على بعض من جديد 🙂
... قلت ليهو بهدوء........
انا : شكراً لا حابة اتعرف عليك ولا أشوف خلقتك اوكي 😇
... طوالي التفت لنون واقترحت عليها نبدل اماكنا لأني حابة اتونس مع خالتو وهي رحبت بالفكرة وبدلت معاي وكدا خلصت من المجنون دا لأنو بعد اخر لقاء بينا بقيت اخاف منو 😦 بعد قعدت جمب خالتو مروان اتكلم مع نون شوية وقام ودع خالتو وفات طبعا بعد فات حسيت براحة شديد بعد خلصو الإسلو قومت خالتو ونون ووقفتهم جمب العرسان ورقصنا مع بعض بعد كم رقصة جاني مكالمة من حسام طلعت من نص اللمة بصعوبة ودخلت مكان كلو مرايا جمب الحمامات ورجعت لحسام بس ما رد لي وصلتني منو رسالة كاتب لي فيها ''' لو الحفلة خلصت اعملي لي مسكول '''' رديت عليهو ب ''' اوكي''' ودخلت تلفوني في الشنطة جيت طالعة مروان وقف لي في وشي اتخلعت ودايرة اصرخ قفل لي خشمي بيدو حاولت اتفكا منو وابعد يدو بس بدون فايدة قال لي .......
مروان : اششش اهدي واسمعيني وإلا ما بفكك 🤫
... بقيت احاول اتكلم بس اصوات ما مفهومة وهو بس بعاين لي ومنتظرني اسكت عاينت ليهو بغضب وهديت قال لي بجدية .........
مروان : حابب اتكلم معاكي حأنتظرك برا في عربيتي وعارف إنك ما عاوزة تشوفي وشي وما حتجي بس اذا ما جيتي حأخرب عرس نور🙂 وانتي عارفاني بقدر اعملا بس حأخلي الخيار ليكي عندك بس ربع ساعة اذا ما شفتك برا الحفلة الحلوة دي والعرسان المبسوطين ديل حيتقلب كلو عكس بعض😏
... بعد تم كلامو فكاني كنت دايرة اقتلو بس ما انتظر ردي طوالي طلع فات بعد طلع اخدت نفس وبقيت امشي واجي 😩 مستحيل اطلع اشوفو لأنو حتى لو زول شافنا حيفكر تفكير خطأ 😥بس كمان الحقير دا ممكن يغرب عرس نور واكيد عندو طريقة مضمونة يغرب بيها العرس لأنو اتكلم بثقة 😪 بقيت افكر وحاسة الزمن دا ماشي سريع وصلتني رسالة من نفس الرقم السجلتو ب''' سيد مزعج ''' كاتب فيها..........
''' عندك خمس دقائق بعدا حتشوفي سعادة صحبتك يتقلب لحزن '''
... بعد قريت الرسالة تلقائيا فهمت إنو مروان هو سيد مزعج 😱 يعني هو القال معجب بي وهو الشافني في حنة نور 😠 لمن ما قدر يلعب بنور اكيد فكر يجرب حظو معاااي بس انا حأوريهو مكانتو 😡😡😡😡كنت غضبانة شديد ما بعرف كيف قطعت كل الناس الفي الصالة وطلعت برا عاينت جمب العربات لقيتو واقف جمب عربيتو من شافني ابتسم بفرح مشيت عليهو بغضب من وصلتو تلقائيا رفعت يدي وكنت ناوية اضربو كف يغير ليهو شكل وشو بس في آخر لحظة مسك لي يدي جريت منو يدي بغضب ورفعت اصبعي في وشو وقلت ليهو.........
انا : انت الكنت بترسل لي رسائل نصية وبتسأل اسئلة غبية زيك 😡☝️ إياك تفتكر إني من نوع النسوان البلعبو برا وبجرو وراء نسونجي زيك 😤😬انا اشرف من الشرف ومكتفية بزوجي ومستحيل ارفع عيني عشان اشوف امثالك فاهم 😤 اتلما وشوف امثالك وإلا انا بعرف كيف ارجعك لحدودك 😡
... بعد كبيت غضبي فوقو اتلفت عشان امشي مسكني من يدي جريت منو يدي بغضب ورفعت يدي عشان اضربو كف بس للمرة التانية مسك لي يدي 😤 بقيت اجر يدي عشان افكا بس مسكها بقوة وقال لي بهدوء .............
مروان : اولا صح انا نسونجي وسيئ جدا بس عمري ما اجبرت واحدة علي 😇 ثانياً انا حبيتك من اول نظرة يعني في شي زي المغناطيس جذبني ليك ولمن شفتك مع نور اتصدمت وصح اتضايقت منك بس كل ما اشوفك بحبك اكتر وبتعلق فيكي 😍ثالثآ انا مستحيل اشكك في شرفك بعرف إنك بت ناس وبتحبي زوجك بس حبيت اعترف ليكي بمشاعري عشان اريح قلبي ما اكتر وعشان احاول انساكي 💔
... كنت لسه بحاول اتفكا منو ولمن ما قدرت غرمشتو بأظافري بس كأني ما عملت شي ولا اشتغل بي بالعكس ابتسم وقال لي ........
مروان : بيان انتي البت الوحيدة القدرت تكسر كبرياء مروان صالح وتدخل قلبو بدون استئذان ❤️ بالجد انا بحبك بحبك لدرجة غريبة كأنك سحر ونزل على قلبي❤️😍انتي الوحيدة اللما شفتك اول فكرة جات في راسي اتزوجك ما قدرت افكر فيكي بطريقة سيئة ابدآ 💞حابب اطمنك انا مستحيل اسبب ليكي مشاكل بوعدك دي اخر مرة تشوفي فيها وشي🙂 اخر شي حابب اعتذر منك 😶
... بعد قال كدا فكا لي يدي ورجع لورا وقال لي........
مروان : إطمني دا اخر يوم تشوفيني فيهو ما حأزعجك او اتدخل في حياتك مرة تانية 😇
... قلت ليهو بغضب .....
انا : الأفضل ما اشوف وشك تاني وإلا ما حيحصل خير 😡☝️ إنتبه إياك تهددني بالناس البحبهم وإياك تلمسني مرة تانية☝️ وكل الكلام القلتو دا ما بهمني ولا حيهمني بس اهم شي خليك بعيد عني وإلا المرة الجاية ما حتمر على خير 😡
... بعد كلامي دا كلو مروان نهائي ما اظهر اي ردة فعل بس ما نزل عيونو مني وعدم ردة فعلو دي غضبتني زيادة طوالي حمرت ليهو بغضب ومشيت على الصالة بس إطاقشت مع حسام قريب لباب الصالة ما كنت مركزة كنت ماشه طوالي لحدي ما مسكني وقال لي......
حسام : بيان سرحانة وين انتي
... ياداب ركزت لمن لقيتو هو ما صدقت طوالي دخلت حضنو وقلت ليهو......
انا : حسام حمدلله انك جيت 😩
... حسام ضماني ليهو اكتر وهو بعاين في مروان لأنو مروان كمان واقف وبعاين لينا بس مكانو شبه مظلم عشان كدا شكلو ما واضح اما مروان لمن شافني مع حسام عاين لينا مسافة وركب عربيتو وفات بعد مروان فات حسام قال لي ........
حسام : لي طلعتي برا الصالة
انا : حبيت اشم هوا ما اكتر بس خفت من المكان والحمدلله إني لقيتك 🥰
حسام : طيب يلا ندخل ❣
... مسكتو من يدو ودخلنا بعد خلصو الحفلة دخلو نور جوا عشان يغيروها للجرتك بعد غيروها مشيت ليها باركت ليها وسألتها اذا شافت مروان بعد اليوم داك قالت لي هو ضرب ليها عشان يعتذر واترجاها عشان يشوفها وهي فاتت ليهو مع زوجها لقتو جايب ليها هدايا واعتذر ليها وشال رقمي منها عشان يعتذر لي قالت لي ان شاء الله ما ضايقك في شي قلت ليها أبدآ بس حبيت اطمن عليكي 😇 ما حبيت اقول ليها إنو مروان الحقير عاوز يلعب بي زي ما عمل فيها😬 ما حابه اخوفا منو تاني وافسد ليها فرحتها ابتسمت ليها عشان تطمن بعدا ودوها عشان يجرتقوها ، حضرنا الجرتق بعدا جاء زمن الوداع بالجد اصعب زمن طبعاً بكيت مع نور لأني ما حشوفا تاني لأنهم مسافرين ماليزيا ومنها لقطر لأنو شغل زوجها هناك 😭💔 صح بقولو المواقف بتصنع الأصدقاء ما الزمن 💞 المهم بعد العرسان فاتو نحن كمان طلعنا طول الطريق كنت بفكر في مروان الحقير وبتمنى ما اشوف وشو تاني 😤 بعد وصلنا ودخلنا الشقة قلت لحسام ......
انا : وينو فهد لي مختفي كدا
...اخد نفس وقال لي ....
حسام : فهد دافن نفسو في الشغل ورافض يريح نفسو
... قلت لي ...
انا : ليه كل دا
... قال لي ....
حسام : لأنو رزان رفضت تتكلم معاهو أو حتى تسلم عليهو
... قلبت عيوني وقلت ليهو بغضب ...
انا : اكيد لأنها لسة متمسكة بحبك 😒😤
... عاين لي بشك وابتسم بعدا قال لي ......
حسام : للأسف 🤷🏻‍♂️
... قلت ليهو بابتسامه......
انا : حسام ممكن بكرة تعزم رزان وفهد عشاء 🤓🤩
حسام : اكيد بس لي
انا : حابة اجمعهم مع بعض ما اكتر على الاقل فهد يشوفها ويتونس معاها شوية😄
حسام : اوكي فكرة حلوة شديد 😇 بس خايف رزان تجرح فهد وتكسرو فوق ما هو مكسور 😕
انا : خلي الموضوع ده علي وخليك واثق فيني 🙂
حسام : انا دائماً واثق فيكي 😻
... ابتسمت واتلفت عشان امشي قال لي.......
حسام : على فكرة الفستان آكل منك حته😻🤩
... قربت أقول ليهو حلوة عيونك 🙈بس قلت ليهو بابتسامه خجولة..........
انا : تسلم☺️🙈
... شغال يعاين لي ويبتسم طوالي دخلت غرفتنا تاني يوم بعد الفطور كدا حسام اتصل لفهد وبعد إصرار مننا وافق يجي❣️ولمن اتصل لرزان فرحت فرح شديد ووافقت تجي😒بعدا حسام اتصل لشهد ومحمد طبعا طرت من الفرح 😃قلت ليهو بفرح ..........
انا : شكراً ما فكرت اعزمهم لأني حبيت اخلي الجو لفهد ورزان
... قال لي .....
حسام : محمد وشهد أصدقائي كمان وحيحلو القعدة
... قال لي......
حسام : المهم عشان ما تتعبي نفسك انا بطلب العشاء دليفري اوكي
... قلت ليهو بسرعة......
انا : لا لا انا حابة اجهزو بنفسي
حسام : بس انتي الأيام دي تعبانة شديد بالذات في غياب رين عشان كدا لازم ترتاحي
انا : اصلا انا متعودة على شغل البيت وبعدين نحن عازمينهم عشاء معقولة نجيب ليهم دليفري لو عاوزين دليفري عادي يطلبو براهم 😒 انت بس جيب لي الحاجات الناقصة وخلي الباقي علي 🙂
... قال لي .....
حسام : اوكي يا ستي 😄
... حسام جاب لي الحاجات وطلع الشغل رتبت البيت بعدا بديت اطبخ بعد العصر كدا حسام جاء لقاني شغالة في المطبخ جايب معاهو ايسكريم ختاهو في الثلاجة وقال لي........
حسام : محتاجه اي مساعدة
انا : خلصت فاضل التحلية بس
حسام : طيب التحلية علي
... ضحكت وقلت ليهو.......
انا : انت بتعرف تطبخ 🤪😂
حسام : اكيد طبعا انتي بس اقعدي واتعلمي 😌
انا : اوكي شيف حسام وريني مواهبك 😄
... قعدت اتونس معاهو عمل كيك فراولة 🍓 وبسبوسة بعد جهزو شال ملعقة ومدة لي قال لي.........
حسام : اتذوقي واحكمي
... بعد اتذوقتو قلت ليهو......
انا : اممم 🤤صراحة بتنفع شيف وافضل شيف كمان 😻👌
... قال لي....
حسام : 😌احم خبرة 😌
... قلت ليهو.....
انا : قلت لي بتعرف تطبخ بس متين اتعلمت الطبيخ
حسام : عشت براي فترة طويلة واتعلمت كم نوع رغم إنو رين ما قصرت معاي بس مرات بحب اطبخ براي
انا : حلو 😻
حسام : حأصلي المغرب بعدا بجهز سلطة الفواكه
انا : اوكي
... بعد صلينا المغرب حسام جهز الفواكة عشان يقطعها بديت اساعدو بس سمعت صوت الجرس مشيت فتحت الباب لقيتها رزان بعد سلمت عليها قالت لي........
رزان : وين سومي
... قبل ما اجاوب ليها سمعت صوت حسام وهو بينادي من المطبخ ختت شنطتها في الكرسي وجري فاتت المطبخ طبعاً هديت نفسي ومسكت اعصابي بصعوبة 😬🤛 لحقتها في المطبخ لقيتها بتساعد في حسام واخر هزار وضحك اثناء ما حسام بقطع في المانجو مسكت يدو واكلت قطعة مانجو من يدو يعني زي هو الاكلا طبعاً اتغظت غيظ شديد 😬طلعت مشيت غرفتنا اتدوشت وغيرت بجلبابة بيت تحت الركبة ومعاهو توب هزاز عادي عملت كحل وملمع شفاه طلعت بخرت البيت بعدا بشوية شهد ومحمد جو 😻وبعديهم جاء فهد طبعا إتفاجأ بوجود رزان وفرح شديد بعد كلهم جو رصيت العشاء واتعشينا بعد العشاء والتحلية جبت العصير والشاي والقهوة قعدنا شكل دائرة كنا بنتونس انا وشهد وفهد بس فهد عينو في رزان اما هي متلصقة في حسام ورافعة ضغطنا انا وفهد 😒اما حسام بتونس مع محمد ورزان قلت عشان اقرب فهد ورزان لازم افكر في خطة قلت ليهم............
انا : ركزو معاي رايكم شنو ننقسم لفريقين ونلعب جولة اسئلة سريعة 🙂
... كلهم وافقوني قلت ليهم.......
انا : حيكون لعبة اسئلة بس اول شي لازم نكتب اسمائنا في ورق ونقسم الورق لأثنين والاسماءهم طلعو مع بعض يبقو فريق ، بعدا حنسأل بعض والفريق البجاوب اكتر بفوز
... كتبت الورق ولخبطهم بس كنت ماسكة ورقة رزان وفهد في يدي بعدا قسمتهم ولمن فتحنا الورق طلع ''' رزان وفهد وشهد ''' و ''' انا وحسام ومحمد ''' طبعاً رزان ما عجبها التقسيم بس اتقبلت الموضوع كل فريق قعد جمب بعض وبدينا اسئلة والحماس زاد بقينا نغيظ بعض ونضحك مع بعض وكلنا استمتعنا بوقتنا وانتهت الأسئلة بالتعادل بين الفريقين كنا مبسوطين شديد بعدا محمد قال لينا.........
محمد : دي لعبة اطفال عشان كدا اتعادلنا بس رايكم شنو في لعبة اقوى
... كلنا قلنا بحماس........
: اووووو
محمد : لعبة كشف المستور صراحة وتحدي 😃
... عجبتنا الفكرة جري مشيت جبت الأيسكريم ووزعتو قعدنا في دائرة وختينا القزازة في النص محمد لفاها وقعت لشهد وحسام..........
شهد : صراحة ولا تحدي ؟
حسام : صراحة 😇
شهد : طيب كلنا بنعرف إنو زواجكم كان تقليدي بس  حبيت بيان ولا لا 😏
... حسام عاين لي وقال بابتسامة.........
حسام : بحبها اكتر من حياتي😍❣️
... رزان حمرت لي ولفت القزازة وقع لمحمد وفهد..............
محمد : صراحة ولا تحدي؟
فهد : صراحة
محمد : الحب من منظورك ؟
... فهد عاين لرزان وقال ليهو .........
فهد : الحب حسب تجربتي عبارة عن ألم وعذاب وكسر خاطر وكسر علاقات بإختصار عبارة عن وجع ما اكتر 😕💔
... محمد قال ليهو........
محمد : صح في ناس ما بتقدر الحب بس حتلقى البحبك جد 😇
... فهد عاين لرزان وقال.........
فهد : بتمنى🙂
... لفيت القزازة وقعت انا ورزان ......
انا : صراحة ولا تحدي
رزان : تحدي
انا : بتحداكي تقولي لفهد بحبك وعينك يكون في عينو😎
... قالت لي بخوف وخلعة .........
رزان : بس دا ما تحدي 😨
... قلت ليهم بحماس ........
انا : يا جماعة يعتبر تحدي ولا لا 🤷🏻‍♀️
كلهم قالو : اكيييد
.... لمن شفتها مترددة قلت ليها باستفزاز..........
انا : عادي تخسري قدامي حبيبة 😇 اعترفي بهزيمتك عشان اشوف ليكي عقاب مناسب 😎
... قالت لي بجرأ .......
رزان : انا مستحيل انهزم قدامك بيان 😤
... قامت غصبا عنها وقعدت قدام فهد عاينت في عيونو وقالت ليهو 😑...........
رزان : فهد انا بحبك 😬
... بعد قالت كدا كلنا صفقنا ليها 👏 رجعت قعدت بعد لفيناه لسوء حظي وقع رزان وانا يعني هي البتسأل..........
رزان : صراحة ولا تحدي 😏
انا : صراحة 🙂
رزان : بالجد بتحبي حسام ولا عاوزة تلعبي بحياتو زي مها ؟؟ 😏
... حسام قال ليها بغضب......
حسام : رزان😡دا ما سؤال دا يعتبر شك😠
رزان : هي قالت صراحة وانا سألتها سؤال صريح 😇
... ختيت يدي في يد حسام وقلت ليهو.......
انا : اهدأ حسام صح كلامها دا سؤال عادي🙂
... قلت لرزان......
انا : انا ما بحاول العب بحياة حسام لأنو مافي زول بحاول يلعب بحياتو وحسام حياتي 💕 😇
... طبعا اتغاظت وطوالي قامت قالت لينا...........
رزان : لازم امشي الزمن اتأخر 😠
... شهد ومحمد كمان قامو قالو ''' ما حسينا بالزمن ''' طبعاً حسام طوالي عاوز يقوم يوصل رزان لأنو محمد بعربيتو قبل ما اي زول يشوفنا جريتو من يدو وهزيت ليهو راسي بمعنى لا بعدا قلت لفهد .......
انا : فهد انا عاوزة حسام يساعدني نرفع الحاجات اذا ممكن توصل رزان 😇
فهد : اكيد مافي اي مشكلة 🙂
انا : شكراً 😇
... طبعاً رزان شمتني 😂 كنا واقفين انا ورزان جمب بعض والأولاد كانو بعيدين بتكلمو مع بعض قالت لي ......
رزان : ما تحاولي تظهري لي حبك لحسام ولا تحاولي تبعديني عنو لأنو انا مستحيل اتخلا عنو وياداب اتمسكت بيهو اكتر عارفة لي😏
... كنت بعاين ليها وما عملت اي ردة فعل قربت من اضاني وقالت لي...........
رزان : لأني بعرف إنو زواجك انتي وحسام مجرد زواج عالورق 😏
انا : 😨😨😨
... طبعاً اتصدمت بس ما ظهرت ليها اني مصدومة قلت ليها بثقة........
انا : جبتي الافكار الغبية دي من وين 😒
... عاينت لحسام وقالت لي .......
رزان : مصدر موثوق 😏
... قلت ليها بثقة........
انا : ما بعرف جايبة افكارك دي من وين ولا بهمني اعرف بس حابة اقول ليكي في فرق بين الصداقة والحب🙂 ختي في بالك إنو الحب ممكن ينتهي بس الصداقة دائمة وعمرها ما بتنتهي😇 صح فهد بحبك بس ما صح تنهي صداقتك معاهو عشان حبو ليكي 😕
... قالت لي بغيظ ......
رزان : انتي مستحيل تفهمي ظروفي ،عارفة اسوأ احساس إنو صديقك العزيز يحبك 😠يعني بتكوني واقعة بين نارين لا بتقدري تقربي منو كصديق ولا تبعدي عنو كحبيب 😑
انا : انتي اكتر واحدة لازم تفهمي فهد وتتقبلي لأنو انتي كمان معيشة حسام نفس الإحساس بس حسام عمرو ما فكر يبعد عنك 😐بالعكس واقف جنبك دائما
... قالت لي بغيظ .......
رزان : حسام بعد عني في اليوم الاتزوجك فيهو 😬انتي العلقتيهو فيكي بس اكيد حسام حيرجع لي كصديق وحبيب كمان 😏
... عاينت ليها وحركت راسي بحيرة وطوالي مشيت خليتها بالجد الكلام معاها ما بجيب نتيجة كنت بفكر كيف عرفت بموضوعنا 😕ومتأكدة إنو حسام ما كلمها عشان كدا ما في داعي اشغلو بالموضوع بعد كلهم طلعو رتبت البيت وحسام ساعدني كثير ما قصر بعد خلصنا رقدنا عشان ننوم فجاة حسام التفت علي وقال لي .......
حسام : بيان بالجد انتي قاصدة الكلام القلتيهو ولا لا
انا : اي كلام 🤔
حسام : القبيل قلتيهو لرزان 😻❣
... فهمتو قاصد شنو قلت ليهو ببراءة .......
انا : ما قلت شي لرزان 😇
... عاين لي جوة عيوني وقال لي ..........
حسام : قلتي ليها ''' انا ما بحاول العب بحياة حسام لأنو مافي زول بحاول يلعب بحياتو وحسام حياتي 💕 😇"' بالجد بتعتبريني حياتك ؟؟؟
... طبعا اتوترت وما عرفت ارد ليهو وهو ما نزل عيونو مني حاولت اتهرب منو قلت ليهو ...........
انا : لازم نتصل علي ضيوفنا ونطمن إنهم وصلو ، انا حأتصل واطمن اوكي🙂
... قمت عشان اشيل التلفون مسكني من يدي وجراني وقعت فوقو ووشي في وشو حاولت اتفكا منو بس قال لي ......
حسام : جاوبي على سؤالي بعدا اعملي العايزاه🙂❣
... بقيت اعاين اي شي عشان عيني ما تقع في عينو بس هو رفع لي راسي وعينو بقت في عيني يلا النظرات دي بتخليني اغيب عن الواقع وافقد تركيزي😵دخل يدو في شعري وبقى يقربني منو براحة قال لي ........
حسام : بحبك💞بس حتى كلمة بحبك بسيطة وما كافية تعبر عن احاسيسي تجاهك😍 لاني قطعت مرحلة الحب والعشق والهيام وقربت اصل للجنون 😍💕
...كنت في حالة ثبات يعني زي الصنم وقلبي بدق بسرعة كبيرة حاولت اتبع باقي عقلي واقاوم مشاعري وابعد من حسام بس قلبي وجسدي ما ساعدوني لأنو اسرتني نظراتو المليانة حب حسيت بأنفاسو قريبة مني ولأول مرة استسلمت لحبي ومشاعري وكدا انا وحسام دخلنا في دوامة مشاعرنا وقربنا نتخطى الحدود 💘 بس رنة تلفوني طلعتنا من الدوامة دي لما حسيت بالوضع زحيت منو سريع شلت تلفوني وطلعت من الغرفة قعدت في الصالة واخدت نفس عميق ورديت على التلفون لقيتها شهد قالت لي حبت تطمنا انهم وصلو لأنها عارفاني حأضرب ليها قلت ليها تمام قالت لي مالك حاسة صوتك ما تمام قلت ليها يمكن من التعب ما اكتر قالت لي اوكي تصبحي على خير قفلت منها ورقدت في كرسي الصالون كنت بلوم في نفسي وكرهتة نفسي لاني ما قدرت ابعدو عني واستسلمت لمشاعري معقولة بحبو للدرجة دي واذا بحبو لي ما قادرة اعترف بحبو لي ما واثقة في حبي؟؟؟💔 حسيت بنور الصالة فتح قمت لقيتو حسام جاء قعد في الكرسي وقال لي .....
حسام : بيان
... قلت ليهو.......
انا : لو سمحت ما تتكلم عن الحصل
حسام : لي بتحاولي تهربي من الواقع
انا : ما بحاول اهرب من اي شي 😬
... عاين لي في عيوني اتلفت بالجهة التانية مسك يدي وختا يدو التانية بفوقا وقال لي ...........
حسام : يمكن انتي عنيدة حتى في الحب بس الإعتراف بالمشاعر ما ضعف بالعكس شجاعة والإنسان لازم يواجه مشاعرو ويعرف اختيارو ، ما حابب زواجنا ينتهي نهاية حزينة وبعد ما نخسر بعض نندم بعد فوات الأوان 💔😕عارفة إني بحبك وما مستعد اخسرك بس انتي عاوزة شنو ؟ ما حابب اضغط عليكي بس انتي ما تهربي من واقعك ومشاعرك 🙂 تصبحي على خير ❣
... بعد قال كدا فات خلاني رقدت في مكاني كنت بفكر لحدي ما نمت 😴

🖤💫كسرة 💝

اصعب شي انك تحب شخص وتنتظر منو كلمة او إشارة صغيرة 🤔 الانتظار صعب في كل الاحوال خاصة في الحب زي ما مصطفى سيد احمد قال
💞 ""ي ربي تلطف علي بالريد حرق قلبي انكوي كيف اشفي والنيران تزول لو ما الحبيب جاد بي الدواء لكنو بخلان بي دواي كم مره شافني وانزواي🎻🎶🎻🎶🎻🎶💞

... يتبع 🍁.........