قلبي المبعثر

البارت الاول

هـدار

......ماما ماما وين بابا

سميحه.....بغرفته بنيتي

رحت لغرفة ماما وبابا فرحانه محصله درجة كاملة فتحت الباب جان هستد كاعد يكوم من السجادة حضنته بفرح....بابا باوع نجحت بالامتحان درجة كاملة حطتلي المعلمة

اخذ الورقة مني شفت اللمعة بعيونه بوس خدودي....عفية ببنيتي الشاطرة هيج اريدج دومج رافعة راسي

وكفت عالجرباية......تعال بابا

اجه وكف كبالي رفعتله راسه ضحك.....هاي شدتسوين حبيبتي

شركت حلكي بابتسامة عريضة.....شنو انت مو كلن رفعي راسي

....هـهـهـهـهـه باباتي هدورة قصدي بنجاحج وادبج وخجلج

حجيت بحماس.....بابا اصلا اني شاطرة ومؤدبة وحيل خجولة حتى اسأ عليه بالمدرسة ابتسم باس راسي.....يله حبيبتي روحي يم اختج وامج حتى تصبون الغده اريد بنيتي مرة كل شي تعرف

طلعت من الغرفة واني متحمسه على كلام بابا رحت ساعدت ماما واختي حياة بالنواعم لان يخافون احترك كعدنا ناكل وحمزة كل ساعة يخلي شغلة كبالنا اني وحياة ويكول......اكلن زين حتى ياهو يطخجن طكنه ب بوكس يوكع من مكانه

حياة.....يمه شهل حجي نصير اصحاب مشاكل حتى الناس تكوم بعد متريدنا خلينا هيج مسالمين

حضنها.....غديت فدوة للمسالمة على كولة حبوبة

برطمت وحجيت بزعل....هاي شنو واني

ضحكوا وحضني اني وحياة ماما كالت.....جا واني ربيت وتعبت ومال حضن

بابا كبل حضنها......مكانج بهذا الحضن مريتي

حمزة حمحم وكال.....هاي شنو يابه ماكو غرفة مو تفتح عيونه تؤ تؤ تؤ

رد عليه....على اساس انت نايم والشمس بظهرك

ضحك وردت على بابا حياة.....لا يابه لاتحجي عليه حمزه وردة مال الله

حمزة.....من اكول معدلة يلوموني

سميحه......ومنو يلومك انعل والديه والقرعان

جعفر(ابو هدار).....يامرة  شكبرج صرتي وتكولين والقرعان اسمه والقران

حٍمزْة....من آڪوُلُِ معٍدِلُِة يلُِوُموُني

سميحه......خاب شسوي متعوده

حمزة صغر عيونه وكال....على شنو متعوده سموحه عيني

جعفر بغضب.....كوم لك كوووم لشغلك ابرك من حجيك الماصخ

حمزة وهو يكوم......هههه خففه بمي وراس بتيته حتى تتعدل ملوحته يابه

كمنا نشيل الاكل وحمزة راح للشغل جان يشتغل بمحل عطور غسلوا المواعين ماما وحا واني رحت للغرفة بسطت كتبي باوعت للرياضيات.....عابتلك هيه هاي هم شكول شبيك هلكد صعب وثول