قلبي المبعثر

البارت الثاني والعشرين

قلبي المبعثر.....farah_hudar

جاسر

هاي مرت سنة على الحادث ومثل كل يوم باكيتات الجكاير توشل سهر الليالي ميبطل عليها يمكن صعب رجال يبجي بس بدونها مالي وجود تمنيتها تڪَول اي جاسر اني ماعوفك حتى لو شنو سووا

بس هيه خلص راحت بس ماانتهت من ڪَلبي اعذرها اي ومستحيل الومها لان حتى لو مو ڪَدامي صار الحجي وهددها كرار جنت رح اعذرها بكل الاحوال بس ماڪدر انساها او بالاحرى ماحاولت

اني محبيت هُدار ام عيون ملونه وشعر الذهبي والبيضه اني حبيت هذيج الطفلة النقذتها روحها براءتها طفولتها بس يشهد ربي محبيتها بسبب شكلها
وحتى لو جانت هذيج الحادثة صايرة وياها رح احبها

سلال....يالله يمعووود شوكت نلحك جاسم رح تصير زفته وانت بعدك

طفيت الجكارة بالنفاضه ولبست السترة وطلعت صار بوجهي سلال ضحك وضربني على كتفي.....طالع احلى مني ولك هسه هنه يخطبنك مو انت

باوعت اشتياق ورا عقدت حواجبي....تاخذين رجلج عني لو شلون!!

سلال....ارد اشوف ياهي تقبل بيك يالحقنة

هزيت ايدي....عود لاتنتحر انجلينا علمودي امشي يابه امشي

طلع صحت على اشتياق باوعتلي....شلونها

ابتسمت بقهر وهزت راسها بمعنى زينه وطلعنا امي وابوية صعدوا وياية وسلال اخذ مرته وراح
وصلنه واخذت نفس وزفرته بتعب تمنيت اليوم عرسي اني وياها للاسف ماعندي غير ذكريات

دخلت وضليت اسولف ويه الولد بس يشهد ربي بالي مو يمهم ولا الي خلك الهم حسيت نفسي كلش دخت صار يومين مماكل غير وجبة وحدة صحت على فراس وصيته يسويلي طريق دافوت اغسل

شوية وصاحني رحت للحمام ڪوه امشي زين موڪَعت غسلت وجهي وضليت اغسل بي عسى ولعل تروح الدوخة شوي

انفتحت الباب مال حمام واجاني صوت بنيه تغني باوعت عليها انتبهت عليه صارت تعتذر....اسفة والله اسفة مقصدي عمو

عقدت حواجبي باستغراب....عموو!! ترا اكبر منج بخمس سنين اطلع

ضحكت وڪَالت.....بس لو اعرف ليش تصغرون بروحكم اني ارتاح

هزيت ايدي ورجعت اغسل وجهي.....روحي بابا روحي ينرادلج طبيب تعالجين روحج بي

عصبت وتقربت ضربت ايدها ع المغسلة.....اني مو مخبلة

باوعتلها كلش قريبة مني همست....ليش بس المخابيل يروحون لطبيب نفسي؟! اصلا ماكو شي اسمه مخابيل فهمتي!!

عفتها وطلعت الله يالله نوب عليه المزعطه

🍃🍃🍃🍃🍃

هُدار