قلبي المبعثر

البارت الثامن عشر

هدار

فجأة وصوت العياط بالشارع والباب يندكَ حيل عبالك دبابة ڪَمنا نطافر وڪَفت يم باب المطبخ وعمو ركض فتح الباب اباوع بنية شعرها مفتوح وطويل طبت تركض للمطبخ تحتمي ورجال يصيح بره......طلعيييييي منااااا لااحرك عشيرتج ساااااقطه

صاحت البنية......خووووويه مرووووتك بداعت امك اريد منك الامان

اني صافنه مثل المثل اللي يڪَول اني ابن عم الخياط اللي خيط بدلة العريس حياة راحت للبنية اخذت مي بيدها وتغسل بوجها توڪَف الهبطة منها

وعمو علي يصيح......احترررررم نفسسك وييييين ڪَاعدين بسجن وهيج مركض مررررتك

صاح الرجال.....مالك دخل لاتصير شريف وانت كوااااااااد شعندك تدافعلها اكيد محصل شي منها

اني مدري شصارلي كل شي ولايجيبون سيرة عمو علي طلعت انهديت بي......انتتتتت ششايف رووووحك ادبسزززز وعندك علاقات عبالك الناس كلها مثلك لاتستقوي بمرة اللي يضري مرة لارجال ولاهم يحزنون ولي مناااااا وليييي عن دربي هطولك شبرين ومركض البنية من تصير حجي شتسوي تركض العراق كله اطلع مناااا لابارك الله بيك ولابوجهك

كلهم صافنين كومة زلم شباب المنطقة كلها طالعة على صوت الصياح وعمو علي على ساعة ويخرب ضحك عطت بيه.....متووووولي شعندك صاااااافن جييييب عمامك مثل الاوادم وتعال فهمنا عوووود شبيها واذا صدوك خاينتك جييب دلييل لاتشوفني هلڪَدوتني ومااڪَدر اردك وعبالك فقيرة لاعيني لا تره اذا اندڪَيت بيه اخليك تنعل اليووووم اللي اجيت بييييي

جريت عمو علي وطبڪَت الباب حيل وهذاك بس يصيح عمو علي اول مادخلنا للصالة راح للبنية ......شبيج خوية شسوالج

بجت وڪَامت تبوس بايدين عمو هو بساع جرها منها.....فدوة لعينك خوية والله اشتغل خدامه جوه ايدك بس لاترجعني

علي.....هسه غير افتهم شبيج حتى ماارجعج!!

مسحت دموعها وحجت البنيه.....اني اسمي اشتياق امي وابوية زوجوني اني عمري12 واختي عمرها تسع سنوات شڪَد عاندت وشڪَد رفضت ماسمعولي وتبروا مني اول ماتزوجت اتوسل بيهم يطلڪَوني بس عدهم المطلڪَه مثل الزانية اختي وره شهر من الزواج ماتت على ايد رجلها اربع مرات حبلت واسقط من الكتل والشغل اكعد من ال4:30 الصبح اطبخ وانظف واشتغل ومحد يساعدني اذا اڪَول تعبانه هاي الله كتبها عليه

باوعت على عمو وانفجرت بالبجي.....والله العظيم ابني عمره سنتين يبجي يريد خبزه ياكلها ياكل اليابس كله قبل اسبوع جانوا ڪَاعدين يتريڪَون اجه لابو يڪَوله بابا اڪَعد يمه رڪَعه بالاستكان مال الجاي خله وجهه مشوه اعالج بيه بالكلنكس والديتول ميرضون ياخذوه مستشفى ماطول 3ساعات ومات شنووووو ذنبيييي ابني يموووت بحضني علمود لڪَمه اسبوع كامل حابسيني يضربون بيه ميقبلون اطلع يڪَلولي انتي كتلتي متديرين بالج عليه