قلبي المبعثر

البارت الثالث عشر

هدار

استمريت اقره ساعات لحد ماطلع الفجر كَمت سبحت وتوضيت صليت واخذت كتابي وطلعت فورت مي وسلكَت البيض واني مخليه الكتاب عالميز واقره خليت الجاي ونصيت النار

كَعدت خالة ابتسمت وكَالت....شمكعدج من الصبح هدورة

......صباح العسل خالة

سهى......ههه صباح الخير حبيبتي

......دوم حبيبتي اصلاً مااجاني نوم ومكَضيه وكتي بالكتاب

سهى....مايصير هم ينراد الج وقت راحة

....تهون خالة تهون اهم شي اطلع المعدل اللي بالي صدوك رح اصعد فوك اكمل جو يخبل

ابتسمت وهزت راسها بمعنى روحي خليت الحجاب على راسي رحت فتحت الباب وعيوني لازكَتهن بالكتاب بحيث ماانتبه شنو دايصير داير مدايري سديت الباب وطلعت

رفعت راسي اعيد التعريف بيني وبين نفسي صارت عيني بعين رجال شايب صافن بوجهي هوه وزلم 4 صافنين بوجهي اشرلي الشايب تعالي استغربت وتقدمت عاقدة النونة شفت ابو خزرة فتح الباب مال الشقة

وبنفس الوكت سمعت صوت يصيح باسمي عالدرج انداريت شفت كرار يخزرني......شدتسوين هنا ولج

.....ها مو جنت اريد اصعد فوك بهل وكت الكَى رنين كاعد تقره بالسطح

كرار.....روحي صيحيها خل تنزل تتريك عوفن الشطارة من الصبح لتروحين توكَعين

عدلت شالي وڪَلت......ساعة وننزل

صك على اسنانه وصاح......هدااااار

خزرته وصعدت فعلا كاعده تقره لكَيتها صحت.....صباح العسل رنوشتي

اندارت تضحك......صباح النور ايمتى صحيتي

شلت كتبها من الڪاع واحجي وياها.....منمت اصلاً من البارحة صدوك مادريتي ولج خربت ام الطلعة وكل شي مااشتريت

باوعتلي باستغراب ڪَلت.....البارحة مو جانوا بيت ابو خزرة يمنا

رنين باستغراب.....مين ابو خزرة؟

.....لج هذولة السكنوا جديد بالعمارة مو عدهم ولد شوكت مااشوفه بس يخوزر خبلني
المهم مو جانن خواته وامه يمنا خابرت عليج حتى اطلع لان والله كل مااشوفهم اذكره واضل احجي عليه حتى حسناتي يطيرن هيج من الله ماحبيته اي فاجاني كرار ڪال لبسي لبست وطلعت صار ابة خزره ڪدامي جان حبيبج الاستاذ كرار عازمه يجي ويانا يتسوك مال رمضان فرني السوك كله وعافني بالاخير عاد ڪلتله يرجعني وكل شي ماحصلت

رنين.....شو هاد يااا يعني مابيئدر الواحد يشم هوا براحتو ازا ماطلعلك عارض وهاد ابن عمك كل مابتطلعي معو بيتركك اخر شي وبيئول ااااااه نسيتك خلص امشي

......اي والله لو ابدله بدجاجة هواي احسن
امشي نزلي نتريك وتعاليلي للشقة بغرفتي ندرس افضل اوكي