قلبي المبعثر

البارت الرابع والعشرين

جاسر

روحي طالعه واحس نفسي مخنوك گلبي ناغزني صار فترة وابد ممرتاح فتحت باكيت
الجگاير طلعتلي وحده وطلعت الجداحة خليت الجگارة بحلگي وضميت الباكيت بجيبي سمعت صوت حيدر يصيح.....يالله جاسر نصبوا السفرة

جاوبته.....لا ماريددد

اجه گعد بصفي ضرب كتفي وگال.....اي ياخوي ماناوي تنساها البنيه راحت بحال سبيلها

سحبت نفس قوي ونفخت الدخان بوجهه ضل يكح صاح.....هاي شبيك يمعوووود

ضحكت وضربته على كتفه....هي ماتنشال من گلبي احبها بس هل حب تغير من عاشك لحب اب لبنته

حيدر بضحكه.....نگدر نگول اكو من احتل الساحة

ضحكت وهزيت راسي بأي صاح علينا جعفر نتعشى كملت ورحت للمطبخ اغسل ايدي وصارت بوجهي ابتسمتلي....شلونك جاسر

ابتسمتلها....تمام حمدلله وانتي شلونج محتاجه شي؟!

هزت راسها بلا رادت تروح لزمت ايدها.....لحظة رسل !!

دمعت عيونها باوعت بعيوني لحظات وصارت تحاول تفلت ايدها....عوفني جاسر گلتلك اسفة وانتهى الموضوع الله يخليك كافي

صارت تبجي سحبتها من ايدها للاستقبال حضنتها....اسف والله مو قصدي ارزلج وارفض حبج بهاي الطريقة

باوعت عليه بعيونها الدامعه ووجها الاحمر من البجي.....رزلتني؟!! گول هنت كرامتي گول ذليتني لتگول رزلتني بس

لزمت خدودها بحنان باوعت بعيونها....واللي يعتذرلج ويرجعلج كرامتج

هدئت وباوعت بعيوني.....هااا؟!

ابتسمت.....احبج رسل اريدج تشاركيني بكل شي بحياتي اريد اصبح بوجهج كل يوم اشوف هاي العيون الحلوة والناعسه تقبلين تصيرين مرتي

فتحت حلگها هزت راسها وصارت تحجي بسرعه.....ها شنو شكو ليش ها !! شبيك جاسر مصخن

حضنتها وضحكت....لا بوية ممصخن بس احبج

🍃🍃🍃🍃🍃

ه‍ُدار

دمعتي بعيني وگاعده بنصهم دناكل اللگمه واگفه ببلعومي
صعب والله كلش صعب اللي صار رجع شريط ذكرياتي ليلة البارحه ، افتر بالغرفة.....اگوله لو لا ، اگوله لو لا ، اگوله لو لا

ريم.....گوليلا وخليها على الله بس انا متأكدا يحبج

باوعتلها وميلت راسي....خاف يفشلني

سحبتني من ايدي اخذتني للحديقة جان مهاب ديخابر....لج
وخري ليشوفني

خرتني واشرتلي احجي ودفعتني وگفت ورا التفتت ديحجي
ويه رجال بالشغل شافني ابتسم ضليت اباوعله على مايكمل
واوخر بشعري هوا شوية قوية لان شتاء وبارده مد ايده رجع
شعرب ورا اذني وگال.....يالله ابو ذياب بعدين نتفاهم
في امان الله