قلبي المبعثر

البارت العشرون

هُدار

اشتياق لزمت وجهي قوي وخزرتني......لا هدار لااااا اشششش كافي باعيلي لا ماصار شي مو مثل اللي بالج جروح خارجية فهمتيي اوعي وركزي وياي على اللي راح اڪَوله

تحجي ويايه واني مااڪَدر انطق حرف بس دموعي ينزلن وشهڪَاتي كفيلة بانها تكون وصف جيد النفسي
من شافتني هيج اخذتني للجرباية تنشف بشعري واني ابد مو يمي الموضوع بس دموع يحفرن الخدود

دكَ تلفوني باوعت رنين انيطتها رفض وقفلته مالي خلكَ بشر ڪَامت اشتياق طفت الضوه واجتي تمسح على راسس وتقرأ آيات وسور دقايق ونعست كلش غفيت بدون مااحس على روحي
.
جسمي يوجعني حيل مو شلون ماكان بس مابيه اڪَوم روح مسلوبة نفس مخنوكَ دقات نبض منخفضة شقيقة الرأس صور يطرحها عقلي وينسجها من خياله خوفي من الحواليه كل شي صعب ينوصف بكلام وقلم كتابة

اسبوع انضم لقائمة اسوء اسابيع حياتي او قطرة من النهر اللي قاومت فيضانه بحياتي تركت المدرسة قطعت الاكل والشرب تخيلات اسوء من مايمكن تجيني حتى حياة اخف مني

مرات مااعرف شلون يصير واروح افتح الثلاجة اطلع طرشي واكل رغم مر وطعمه علقم بس اكو شي دايجبرني من سألت حياة اول مااجينه منيلج هذا الطرشي ڪَالت.....ام افتتاح قبل لانجي متسوڪَه للبيت ومنظفته زين ساعدتني حيل رغم كل شي صار بالماضي بعدها طيبة

اليوم احس روحي مخنوڪَه حيل مداڪَدر اتنفس شي واڪَف على صدري دايسلب روحي ع البطيء

🍃🍃🍃🍃🍃

البصرة 《ابو الخصيب》
☆الساعة 5 مساءاً☆

اعاين على البط و الوز شلون يسبحن بالشط والزرع ريحته تنعش روح الانسان نسيم الهواء حيل حلو رغم عيد ميلادي لكن انا احس روحي ساكنا بهالمكان الزرع يتحرك يمين يسار بسبب هبت الريح اللي صارت شكثر حلوة الاجواء

الشمس ساطعا بنور خفيف شهڪَت خفيف......جا شلون راح ارد للبيت انا؟!

سمعت صوت حبوبتي تصيح.....خايبه زمييييله

ڪَمت انكث بهدومي من التراب الصارلي رحتلها وانا اعدل عباتي.....حبوبا والله اسمي ازم شمالج تناديني زميله

حبوبة صبحه......خايبا ماتنطمين وتشوفيلنا وين راح هويب

فكيت عيوني.....يا بيبي نوبه هويب!!

ضربتني بعصاتها وعاينتلي بعصبية.....خايبا ماتولين من جدامي وتعاينيلنا صخل يودينا

التفتت وانا اضحك على سوالفها تونسني حيل تمشيت عاينت من بعيد جسار هو وولد عمي  خليت ايدي على جبيني احاول اضلل الشمس عن عيوني و ڪليتله ....جسار ترا حبوبا تعبت تريد ترد للبيت عاين الساعة

طلع الجهاز من الدشداشة وعاين للساعة.....خرررب خايبه جدي راح يعلكَ رجابنا بالحوش

ضحك مهران وكفخا على كتفه الايسر.....خاب ماتنطم اليوم عيد ميلاد ازومه اكيد مايسوي شي