قلبي المبعثر

البارت السادس عشر

هدار

مرت الايام وصار لازم نرجع البغداد اوراق نقلي كلها تمام التمام وخصوصاً اني 8سنين دراسة ببغداد بس سنة وحده درست هنا بالشمال يعني اكدر ارجع هناك اكمل الاعدادية بس العلة كرار ورنين هو كلية ميصير نقله الا يدرس مرحلة اولى يالله تتسهل اوراق نقله ورنين ابوها طلعله خوش شغله هنا سنة كاملة بالشهر مليونين الراتب اول سنة وبعدين يصير 500

فاللي صار انو رح نرجع بس اني وعمو علي وحياة بيبي ڪَالت ابقى يمهم لحد ماتكمل السنة وهيه غمض عين فتح عين خلصانه السنة

بجيت هواي وانقهرت وتعاركت وياهم حتى ماودعتهم نزلت الغراض بعصبية للسيارة وبس واحد يطخني انفجر بالبجي صعدتهم واخذت السويج وياي صعدت بخطوات متثاقله الدمعه واڪَفه بعيني انتظر واحد يسويلي بز حتى ابجي حتى ابو خزرة الجان دومه يخوزر هسه صاير كل ما يشوفني يبتسملي خواته ميمر يوم اذا ميجن

التفتت اباوع للعمارة واني واكفه عالدرج ومنطيه ظهري للطابق مالتنا نزلت دموعي حتى لو سنة وحدة بس والله اتعلقت هنا هواي هناك بس ارجع يوكفون على راسي لتسوين هيج امشي عدل ملابس عباية لو جبة اللي يشوفج لابسه بنطرون يحجون ويڪَولون هاي جاي تغري بالولد وهاي ممترباية

تذكرت اهل ڪَبل بيت على بيت مفتوح سلام تام عشنا بي وخصوصاً من جنه ننجمع احنا والجوارين ماكو هذا يحط عينه على بنت جيرانه الولد من يتزوج ميعرف بشي غير ڪَبل يوم من شخص قريب كلش عليه يعلمه و%90 يدخلون على عماهم همه اليكتشفون شنو العلاقه الزوجيه امان لاتفجيرات ولاشي اني مجنت اسمع شي عن صدام حسين

يأذي اهلي الله شاهد لو جوارينا بس اعرف انو هو اليندكَ بيه يشوفه نجوم الليل بعز الفجر جنت طفلة ماافتهم هاذ شنو من هاذ الا من شفت التحرش من ناظم ومدافعة جاسر الي بديت احبه ويدكَ ڪَلبي بأسم الحب الحياة وعتني على هواي شغلات واني بعمر صغير اللي يعيني من اكبر باوعت للسڪَف بجيت بحرڪَه.......ربي صغيرة وتيتمت من ابوية وامي اللي عايشة واخوية اللي مات ابشع موته بداعت كافل اليتامى سهلي دربي

التفتت اكمل طريقي مااحس الا ابو خزرة صار بوجهي باوعلي مصدوم من شكلي راد يحجي هزيتله راسي ومسحت دموعي.....مابيه بس رح اشتاقلك هواي

عقد النونة مستغرب ضحكت وكملت دربي شكله يخرب ضحك وهو مستغرب دخلت للشقة شفت رنين عيونها مدمعه ڪَاعده بصف خالة سهى اتحاضنا وبجينا كرار ڪَوه لازم روحه مايبجي حضني ومسح وجهه بساع انتبهتله يمسح بدموعه

مر اليوم والكل ڪَالب وجهه زعلان من اللاخ صارت ب5الفجر وطلعنا لبست بنطرون اسود وبلوز اسود فوڪَه قمصله حمره وشال احمر وحذاء اسود وموبايل حديث يصير لمس  اشتراليا عمو سعد بمناسبة نجاحي

شكلت السماعات وڪَاعده عيوني على الشباك يصبن دموع مااعرف ليش رغم سنة ورح يرجعون بس ڪَلبي مقبوض احس شي غالي ابتعدت عنه بس مداعرف شنو اسمع الاغنية سلبت كل روحي بكلماتها واني اتذكر قصتها مرة حجالياها بابا