قلبي المبعثر

النهاية

البارت السابع والعشرين

هُدار

فتحت عيوني بالمستشفى اول
شي صار گدامي وجه جاسر
وعيونه الحمر شافني فتحت
عيوني باوعلي بنظرة عتب
همس...ليش هيج هُدار؟!

.....تتوقع اگدر اتعايش ويه
هذا الذنب؟!

جاسر....بس هذا مو ذنبج؟!

لزمت ايده وهمست بدموع
....جاسر اذا فعلا تحبني
وتعتبرني صديقتك طلگني !

گام وگف دار وجهه وحجه
بصوت مخنوك....انتي طالك

ضليت اصيح باسمه بصوت
شبه مسموع بس طلع وعافني
دخلت رسل وليالي يسألن
شصار بس مگلتلهن شي لان
مالي خلك حتى لنفسي

سوينا اوراق الخروج وطلعنا
جاسر الطريق كله احسه مقهور
صارت الايام تمر وخوفي يزيد
تجاه الفديو وعلاقتي بجاسر
كلش مو زينه كل مايشوفني

احسه يتهرب من عندي بس
بيوم من الايام گاعدين ع
الغده وسألت جاسر بيبي
....انت يمتى تزوجت هالمگموعه

جان منزل راسه وگاللها....
قبل سنة ونص

جدو سأله مستغرب....ومن
هذاك اليوم ماحبلت؟!

انتبهت على مهاب صك على
الخاشوگه حيل اما جاسر باوع
لجدو وجاوبه....بس اني طلگتها
وماكو شي يربطنا حتى يجينا
طفل

كلهم باوعوله مصدومين هو گام
وعاف السفرة ورسل رأسا گامت
وراه تريد تفهم شنو القصة ،
ضليت منزله راسي خنگتني العبرة
مگدرت لااحجي ولا ابرر اول مگمت

جدو گال...حضري روحج تردين
ويانا باجر

غمضت عيوني بتعب ورحت
لغرفتي او بالاحرى الغرفة اللي
جاسر انطانياها لميت كل اغراضي
بالليل مطلعت تعشيت مالي نفس
بس رحت دگيت الباب على غرفة
رسل وجاسر فتحتها رسل ابتسمت

رسل....ها عمري محتاجة شي؟!

.....جاسر موجود؟!

هزت راسها اي وفتحت الباب
اشرتلي بمعنى ادخلي دخلت
باوعلي جاسر مستغرب راد
يطلع صاحت عليه رسل ضحك
باستهزاء....هي طلعت من مسؤوليتي
مو هاذ اللي جانت رايدته

ابتسمت بقهر....اي صحيح لهذا اجيت
اودعك !

باوعلي مستغرب گلتله...باجر رح
ارجع وياهم لان هسه متربطني
اي علاقة بيك

تقرب عليه وگال...فهمتي هسه
ليش مجنت رايد اطلگج؟!

هزيت راسي بأي ومديت ايدي
أصافحه....فرصة سعيدة تعرفت
على افضل صديق بكل حياتي

حمحمت رسل ورفعت حاجبها
ضحكت....وافضل صديقة هم

طلعت من الغرفة وهم رحت
ودعت ليالي ثاني يوم رحنا
للبصرة بس احس نفسي مخنوگه
مااعرف ليش هيج من وصلنا
جسار نزل خابروا ونزل بسرعة