قلبي المبعثر

البارت الحادي عشر

هدار

.....اي يولو اجيت هسه واذا تأخرنا دقايق انكَلبت الدنيا لو اكلنا عشاها

رنين.....اوهووو علينا رح تبلشي متل كل يوم خلص امشي وسدي بوزك بئى

دخلنا للصف وضلت تنكَنكَ ليش تأخرتوا ليش تأخرتوا اخر شي كلتلها......يبوي ست دسكتي عاد

مفهمت لان حجيت عربي وهيه كرديه اشرتلي اكعد رحت كعدت ورنين بالرحلة الكَدامي وضلت تشرح وعيوني عليها شلون تشرح متعوفنه اذا مفاهمين الدرس مبقى اسبوعين  وتبدي امتحانات اخير السنة فوكَاها شطولها هالسنة ولادتخلص وهسه تاخذنا تقوية

كملت وطلعت رحت لرنو كَاعد تنقل الكتبته.....جيبي اكتبلج

رنين......لا خلص ليكني خلصت

ضمت كتبها ورحنا للساحة نتمشى......اوووف رنوش مختنكَه

لزمت ايدي وباوعتلي......لساتك عم تشتائيلا

هزيت راسي بلا......تعاي نروح نشتري شي متت جوع

اشتريت كيك وجبوسة وكَعدت اكل سمنانه هواي وصايرة مربربة وخدود شكبرهن مكَضيتها ختلات من ورا آدم وكرار شابعه تكَرص

خلص الدوام وطلعت متلهفة باوعت مثل كل يوم منتظرني كَبال المدرسة مشيت تجاهه اني ورنين اوزع ابتسامات ضلينا نمشي سوية ونسولف لحد ما لزم ايدي باوع بعيوني سحب النظارة بهدووء ابتسم
وكال......I'm going to miss you girl, especially the glasses she wears
(سأفتقدك يا ​​فتاة ، خاصة النظارات التي ترتديها)

ابتسمت......?Why are you coming back
(لماذا هل ستعود؟)

هز راسه بأي كال.......There was only a month left for my wedding
(لم يتبقى لزفافي سوى شهر واحد)

التفت يمين يسار باوع ماكو غير رنين تقرب باسني من خدي لزمت خدي بصدمة ها اول مرة يسويها ضحك وراح باوعتلي مصدومه......لك رح يتزوج!!

......هههه اي شنو قابل يتزوجني

رنين.....وانا اللي كنت مفكرا انكن رح تتزوجوا وتخيلت حتى كيف رح يطلع طفلكن

هزيت ايدي وضحكت.....خبال دمشي امشي احسنلج

وصلنا للبيت وعمو جايب غده من بره وهمه نتغظين كعدت اكل واشرب ببسي كملت وفتحت موبايلي خابرت آدم ضلينا نسولف شويه وكلساعة وكَايلتله شوفني صورة مرتك عود للعصر خابر عمو علي على عمو سعد ضلينا نسولف بس صوته حيل فرحان مبين اكلني الفضول......عمو هاي شبيك عليك الله ليش فرحان هلكَد

ضحك ورد.....بس تنجحين بمعدل عالي وعد مني اجيبلج شي تموتين عليه

.......شنو هاي ليش تشلع كَلبي شيصبرني اني شهر مادري اسبوعين حتى العيد جاي بوكتها

علي.......هههه يولي كافي لتستعجلين على رزقج

......خوش لعد خل خل اروح من هسه اقرا على ما نمتحن