قلبي المبعثر

البارت السادس والعشرين

هُدار

هزيت راسي اطرد هالافكار مني واقنع
روحي ماكو شي بس يا گلب شيقنعك!
نزلت جوه شفت رسل گاعده رحت يمها
كانت حيل متوترة ومرتبكه وكلها قلق

لزمت ايدها....شبيج؟!

باوعتلي وهمست....هُدار يمكن اني حامل

ابتسمت....لعد ليش ضايجة افرحي !

دمعت عيونها.....خايفة حيل هُدار

عقدت حواجبي باستغراب....من شنو
خايفة؟!

رسل.....بيبي دوم تعاتبج ليش متحملين
هيه متعرف بالحقيقة وهسه اذا تعرف
يمكن حتى تخليه يطلگج

ضحكت بقهر ودرت وجهي....اييه رح
تخلصين من ضرتج ويبقى جاسر الج لو
بدالج افرح

لزمت ايدي ودارت وجهي عليها....هُدار
اني ماغار منج شلون اغار من اختي
اني الله رزقني بأخت طيبة وحبابة بعد
سنين

هزيت راسي بأي وگمت من يمها غورگت
عيوني من تذكرت حياة الاخت مو بس
اخت هي ام واب وصديقة وكل شي حلو
بس شنو اللي بأيدي حتى اسوي وماسويته

ناظم دمرني ودمر كل شي وياه لليوم
تتذكر من جاسر راح يقدم بلاغ للشرطة
وهم ماقبلوا لان جان راشيهم لهذا السبب
صار جاسر يكره اي واحد اله ايد بالضباط

والشرطة مستعد يشوف عزرائيل
ولايشوفهم دخلت المطبخ شفت
خالة دتطبخ تقربت يمها....اساعدج؟!

باوعتلي بابتسامة....لا خالة روحي جهزي
نفسج يادوب تلحگين بالليل هم هنا

.....لا شعندي هو بس فستان والبسه ويمكن
حتى مااطلع واسلم لان مابيه حيل

سكتت وضليت اشتغل واباوع عليها من
جوه لجوه شلون نظراتها مليانه قهر و
شفقة عليه شگد اكره هالنظرات بس ما
اگدر احجي لان هم مسويلي فضل من

السماء للگاع ، بعد مابلشوا الناس يجوون
هي گوه طلعتني من يمها رحت الغرفة
سبحت وبدلت مجان الي خلك اخلي
مكياج لو ما اجتي ليالي ولحت عليه

عصرت ايدي بتوتر باوعتلها....متأكدة
يتقبلوني؟!!!

ابتسمت بمرح....لج باابا جدي جان
متزوج اثنين وعمامي اثنين متزوجين 3

ابتسمتلها بقلق وطلعت وياها رحت
للمطبخ اشرب مي بس تجمد الدم
بعروقي وانفاسي تسارعت لمن شفت
حنين والبنات صارت عيونهن عليه
انصدمن ويمكن اقوى من صدمتي

دخلت ليالي للمطبخ ابتسمت وبدت
تعرفني عليهم من گالتلهم هاي مرت
اخوك انصدموا كلش ريم گالت
....جنت اتمنى اصيرن مثلج بس من
عرفت حقيقتج كرهت اللحظة اللي
تمنيت بيها ابيع نفسي مثلج

تقدمت عليها ليالي حجت بنتر....شبيج
ريمو ووجع

نزلت دموعي بقهر گوه تحملت اكتم
شهگاتي لزمت ليالي....كافي ليالي