قلبي المبعثر

البارت الثاني عشر

هدار

آلُِيحٍبَڪ من صدِڪ مآيدِوُرٍ آلُِزْلُِآت🙈
يعٍذَرٍڪ لُِوُ تحٍطُ بَڪلُِبَه آلُِفُ عٍلُِـ͓̽ـه❤

كَعدت الصبح 7:40ضايجة والدنيا طافرة من عيني اخر دروس تقوية اليوم وبعد باجر الامتحانات ونوب رنين متداوم اليوم بدلت عالسريع واخذت مصرف حتى ريوك متريكَت كرار نايم وعبالهم رنين وياي بس كَلت لبيبي لان هيج وكت الكَاها تصلي الفجر

طلعت بره الشقة امشي والبس بالحذاء كلساع ورافعه رجلي نوب طلع ابو خزرة كَبالي هوه والبنات ثنينهن ويا باوعن لي ابتسمن وصبحن عليه رديت عليهن بدون نفس......صباح النور

نزلت عالسريع من الدرج رحت للاسواق اشتريت كيكه امشي عالسريع فحطت لحد ماوصلت نوب هذا تكَول عنده سباق حتى البنات مدري شلون هيج يمشن

دخلت لابو المكتبة اشتريت منه الملزمه مال الكيمياء البارحة كَالت اشتروها منه اخذت الي ولرنين خليت جنطتي على الكرسي داطلع الفلوس وفات نفس الولد خرب حظي متواعد وياي انطيته الفلوس بسرعة وطلعت حتى بدون مااخذ الباقي

صاح عليه ابو المكتبه.....نسيتي فلوسك

باوعتله ورجعت اخذتهن طلعت جانن البنات واكَفات غلست ورحت دخلت الحقيرة ماقبلت تفوتني بس لمن فاتن البنات ويه ابو خزرة بس حجه وياها فوتتهن

هزيت ايدي ورحت كَعدت بالمصلى جان بظهر المدرسة حيل حلو بيه رف مال مكتبه قصص الانبياء والائمة توضيت وصليت لان مالحكت بالبيت رحت كَعدت بالزاوية ومخلين راسه على رجليه اباوع للباب

لحد مادكَ الجرس رحت اركض قبل لاتجي المدرسة الثانية بدت تشرح وتنطينا مرشحات امتحنا بيهم واني اول وحدة انطيتهيا شافتهن ابتسمت وضلت تصبغ بيه وتكَول ساعدي حنين و ريم هذني خواته واني شلون اطيقه نوب طلعن كَرايب ام الكيمياء الحقيرة ماقبلت تدخلني الصبح وهسه اساعدهن تهي بهي

صار تبادل حتى ماانطونا فرصة لان بس هاي المحاضرة ويطلعونه لل11 وطلعت متت غير يفكن ياخه حتى ريكَي ناشف طلعت اشتريت بطل مي وضليت امشي لحد ماسمعت صوت بنية تصيحني انداريت نفسها حنين......ها ويايه؟

حنين.....اي عايني بس المرشحات مالج تا نقره بيهن انا وريم

استغفرت ربي بكَلبي ونزلت جنطتي على الرصيف وفتحتها اطلع منها الدفتر مال مرشحات وابو خزرة صاح.....اجيبلج مندر

وكلساع ذاب حجايه همست.....ادري منو ذابلك عظم

انطيتها الدفتر وكالت.....تجين ويانه نرد سويه

.....خاف اخوج مايقبل

حجيتها واني البس جنطتي ضل ساكت هوه واني هم وصلتني الاشارة ورحت للبيت عالسريع بس كلساع واريد اوكَع من الدوخه حتى النظارات نزعتها وخليتها بالجنطة ردت افوت للعمارة بس الدوخه لزكَت ذبيت الجنطه يم الاسواق اللي بصف العمارة ودخلت اشتري عصير اخذت باكيت وطلعت