قلبي المبعثر

البارت السابع عشر

هدار

وڪَفت اريد اقره وجان اسمع صوت ورايه جمدت بمكاني ودمعت عيوني

جاسر......هدار

التفتت واحس ڪَلبي دكَ دڪَة لهفة وشوق وحب وكل شي اباوع هذا جاسر اللي حبيته وجهه الف نظرة وشوق يحجون وهاي صديقة العمر ليالي مو مثل اول ضعفانه ووجها تعبان للحظة حسيت نفسي رح انهار واطلع حرڪَه ڪَلبي وابجي واحضن واشم اعزاز ڪَلبي

بس كل شي صار ڪَدامي الحادث وكلام ليالي تشمتها وغلطها عليه ومن جهة ثانية صار بوجهي النذر بس تڪَعد حياة اي واحد غلط بحقي ورجعت شفته وتغيرت تصرفاته وندمان مستحيل مااسامحه

اباوع ليالي عيونها مغورڪَه تريد تبجي تقدمت عليهم وصدوك انفجرت بالبجي حضنتها واني اضحك.....كافي ولج اسكتي فضحتينا

ليالي......كله من ورايه صار بيج هيج متشوفين بلا نظارة

ضحكت وضربتها على ظهرها بخفه....انجبي ولج ششايفتني حولة

مسحت دموعها وابتعدت باوعت بعيوني.....اسفة والله مو...

.....اشش لاتعتذرين شي راح وانتهى لتذكري اوكي

هزت راسها بأي باوعت لجاسر ابتسمت.....شلونك جاسر

ابتسم والشفايف من الاذن للاذن.....الحمدلله وانتي

.....على الله بخير يالله باي

اول ماالتفتت نزلت دمعتي مسحتها بكف ايدي ومشيت بسرعة حسيت بايد لزمت ايدي باوعت ليالي ابتسمت سألنا على الصف دلونه علي ونفس الشعبه طلعنا بالساحه سألتها.....اي شكو ماكو من احداث؟!

ليالي....حيييل خير من الله بيج حيل تسمعين

ضحكت وهزيت راسي بأي بدت تسولف......من يوم الحادث جاسر كل يوميه يمرلج للمستشفى يسأل عليج بهذاك الوكت حسيت بغلطي من طلعتي من المستشفى وجاسر مايقبل يحجي ويا مامد ايده عليه ولاضربني ولاسببلي اي اذى جسدي بس النفسي جان اقوى من اي شي بروده تجاهي اكعد بمكان يڪَوم منه حتى اهلي من حجالهم ع الموضوع شهرين بحالهم امي متحجي وياي ابوية 5اشهر بس جاسر ضل سنه وشوية وسلال موتني تموت حسرة ماافوت من يمه ويغلط جاسر بنص السنة مال الثالث يالله قبل يحجي وياي بس قبلها مڪَضيها جڪَاير وحسرات

ابتسمت.....يااااا نيالي هلڪَد تحبوني ههه

ليالي.....يمعوده شلعتي ڪَلبي شلع
وانتي شصار مصار على منو تعرفتي

طلعت ايدي وبديت احسب......امممم
ڪَضيناها طلعات اني ورنين وكرار ابن عمو سعد
اشترولي موبايل هاذ الحديث ابو اللمس من نجحت
جبت معدل 100بالثالث
تعرفت على حنين وريم وابو خزرة هه
ابو خزرة صار حباب ويحجي وياي عدل ويبتسملي
وحياة ڪَعدت من الغيبوبة
وبعد هواي شغلات