قلبي المبعثر

البارت السادس

هدار

كالت بخوف.....هدار ابو ناظم وابنه جوه يريدون يعقدولج بالليل

انتفضت بقوة وصحت.....والله ماااااااااااا اتزوووووووووجه

بهاللحظة فات ناظم كال.....شلونج مرتي

سرت رعشه بجميع اجزاء جسمي تذكرت هذاك اليوم اللي راد يغتصبني بي ختلت ورا حياة واكول بخوف ودموع.....ح..ياة الله ي..خليج بعدي عني

صاحت بيه بقوة مثل اللبوة اللي اذا احد تقرب لاطفالها تصير شرسة وتهجم بقوة لحمايتهم.....اطلللللع مناااااا عاااااار

بهاللحظة ماما وحمزة وحتى ابو طلعوا كال ابو ناظم.....للاسف عود ردنا نناسبكم بس متستاهلون

طلع وحمزة وامي يتوسلون بي عبالك مدري شنو هوه حياة حاضنتني بقوة تخاف اروح منها واني اخاف حتى من ظلي اذا يرافقني متمسكه بيها وكأني رح افقدها اجه حمزة شايط لزم حياة ودك كتل اني اريد افكها ميقبل دفعني برا وقفل الباب اباوع من الشباك خلص عليها روحي فرفحت عليها اريد افكها منهم لزمتها ماما بالجفجير وحمزة المواعين كسرهن على راسها كوه فكت روحها وطلعت تركض تريد توصل للشارع

صحت.....حيااااااااااة الله يخلييييج لااا

كالت.....سامحيني

ماسمعت كلامي وركضت سريع بدون ماتنتبه وكعت على التنور اللي بالكاع واشتعل كل جسمها من حلاة روحها ضلت تفتر تحاول تطفي النار تقربت منها وجسمي يرجف صرخت......لاتجيييين تحتركيين

باوعتلها وضليت اكمز واصيح اجتي ماما واخوية على صراخي باوعولها اخترعوا من منظرها راد يتقرب عليها صاحت.....لاتضربنييييي

مسمع كلامها ركض جاب بطانيه نكعها بالمي بساع وطفه النار اللي عليها شالها وطلع يركض وامي ضلت تلطم ملخت روحها بالكاع.......يمممممممممه بنييييتييييي

ولاجنها هستوها اللي جانت تكتل بيها بدون رحمة طلعت ورا حمزة تركض وتصيح ضليت مفرفحة على اختي اصرخ وادك والطم كأنو صريخي رح ينقذ اختي اللي اشتعلت هيه وكل جسمها بالنار تجمعوا الجيران على صوتنا بس امي مااهتمت وراحت اجتي بيبي ام علي حضنتني بس ماكالت سكتي بالعكس تبجي وتنعي تكول.....ابجي يممممه طلعي اللي بكلبج

🍃🍃🍃🍃🍃🍃
علي

اتفقت ويه ابو الشركة كال باجر نستلم البضاعة فرحت حيل واخيرا رح ارجع لحبيبتي حياة صارلي اسبوعين بعيد عنها طلعت للسوك اشتريتلها كوومة غراض والابتسامة شاكه حلكي من الطول للطول مافارقت وجهي ابد

دخلت لمحل ذهب صارت كبالي طقم ذهب كلادة نازكة حيل وحلقة وتراجي واسوارات تخيلت حب عمري لابستهن وتضحك بيوم عرسنا تقائيا ابتسمت واخذتلهيا وفساتين كل واحد اتخيله عليها شكد حلو ممكن يطلع