قلبي المبعثر

البارت التاسع

هدار

اندك الباب حيل كمزت فتحته طلع كرار ابتسملي وغمز......هاي العلاكه الج انتي ورنين

رفعت حاجبي وتخوصرت......صاير كريم استاذ كرار
انت متبطل من هذا الطبع هاااا كول بنات هنا خاف يخترعن خاف يبددددلن

ضحك وكفخني على راسي.......يلا يلاا عود تريدني ازعل شو هاج خليني اروح ادرس احسن من هالكتكوت اللي يوصوص

راح واني شطت واستلمته غلط وصياح......انيييي كتكوووت يوصوص ياادبسز يانعااااال نعلعلا غيرررتك

دخلت للغرفة واني شايطه واغلط باوعتلي رنين وضحكت اشرتلي عالموبايل هزيتلها ايدي وكلتلها.....شكووو

همستلي......لك لحد هلئ ماسكرتي الخط

كمزت من مكاني.....شنووو خرب

ركضت سديت الخط وضليت الوب وافتر اهمس بصوت شوية مسموع.....عززززا ولج رنين هسه سمعني شكد فشلة عززززا

رنين بصوت خافت.....لك ماسمعت منو شي غير الضحك

بجيت من الفشلة وهي تسكت بيه ومقهورة عليه اخر  شي خليتها تروح لبيتها لان صار المغرب

حتى عشا متعشيت بالليل تقريبا ب12:00 خابرني ضليت احسب قالا بالا اخر شي فتحت خط وبقيت ساكته هو هم شوية وكسر حاجز الصمت كال.....
Why do not you speak?
Are you ashamed of what happened today?

(لماذا لا تتحدثين؟.......هل انتي خجلة مما حدث اليوم؟)

جاوبته بصوت متوسل وباكي......Don't talk like that, please, I died ashamed Forget, please
(لا تتحدث هكذا رجاءاً لقد مت خجلا ، انسى ارجوك)

ضحك وكال......Your voice was so nice when you yelled at him Then don't worry, I forgot what happened
(لقد كان صوتك لطيفا جدا عندما قمت بالصراخ عليه
ثم لا تقلقي لقد نسيت ما حصل)

ابتسمت على ظرافته وكلت......You are really amazing. By the way, I need to sleep. I have to go to school tomorrow
(أنت مدهش حقا ،بالمناسبة أنا بحاجة للنوم. يجب أن أذهب إلى المدرسة غدًا)

سديته بوجهه بدون ميجاوب ضحكت ونمت
كعدت الصبح ونفس الروتين طلعت رحت دكيت الباب وطلعت رنين سلمت عليها وضلينا نمشي وصلنا للمدرسة وشفت سيارة جاسر رنين كالتلي....لك لا تصعبيها وتراضو مع بعض انتوا رفقات

.....هو اني هيج مفكرة

رحت عالسريع واول مانزلت ليالي حضنتها وصحت بصوت شبه عالي.....اسفة اسفة اسسسسسسفه عمري مو بقصدي

دفعتني وكالت.....خلصتي

ابتسمت وهزيت راسي.....اي حياتي

هزت ايدها ودخلت للمدرسة ضليت واكفه بمكاني من تصرفها دمعت عيوني من الفشلة درت وجهي صارت عيوني بعيون جاسر ثواني ولزمت ايدي رنين كالت بصوت مسموع.....خلص لا تبكي هلئ بترضى