قلبي المبعثر

البارت الخامس والعشرين

هُدار

باوعتله بتخفي جان مبين اعصاب
وضايج ابتسمت بنصر وگمت من يمهم
رحت مددت بالغرفة نزلت دموعي مااگدر
اقهره وبنفس الوكت اريد اقهره مثل مسوه
مر اليوم بغرفتي اسوي روحي نايمة ومطلعت
ابدا من الغرفه ثاني يوم دوام جسار اصر
ان اصعد بسيارته واصلا جان يوم خميس
ومحد رضت تداوم

گال....هُدار خير!؟

باوعتله ولزمت گلبي بوجع.....جسار احس
شي رح يصير ممرتاحه

لزم ايدي باوعلي....لتخافين انا يمج وشيصير
بلغيني انتي مو بس بنت عمي انتي اختي
واكثر من هيج

هزبت راسي تمام ونزلت اول محاضرة
جانت لدكتور ناظم صخام بس ممتواجد
فد فرحت وبنفس الوقت حسيت بخوف
وقلق مامطمنه ثاني محاضرة وطلعت بعد مابيه
احس التوتر اكلني اكل طلعت برا الكلية فتحت

تلفوني داخابر ع جسار وحسيت بشي ضربني
ع راسي كلش قوي لزمت راسي وكل شي غوش
بعيوني بس انتبهت لوجه الضربني جان ناظم
حسيت كل شي انتهى وبعد مگدرت اشوف
وگعت حيل بالشارع وخصوصا جان محد
موجود

جنت اسمع اصواتهم يحجون بس مااگدر افتح عيوني
احس بوجع يشل الروح بس مااگدر اتحرك صار گدام
عيوني جاسر يمكن من هلگد مامشتاقتله صرت اتخيله
لزمت ايده وهمست بتعب....جاسر!

🍃🍃🍃🍃🍃🍃
جاسر

زواجي من رسل جانت اصح خطوة بحياتي
انسانه كلش حبابه وماتطلع منها العيبة ولايوم
شفت منها شي غلط واحبها وتحبني واحترام
متبادل بيناتنا رغم هذا بعدني احن لهُدار ومشتاق

حيل لشوفتها بس احس مكانها تغير
بگلبي ومو مثل قبل اني بصراوي بس
لان شغل الوالد صار ببغداد انتقلنا لهناك رغم
هذا تواصلنا ويه اهل ابوية ابدا ماانقطع فـاليوم
جنت ناوي اخذ رسل ونروح يمهم ساعة 5 الفجر
تقريبا ، الجو شوية بي برودة وصلنا لمنطقة

زراعية وبيها كم بيت متروكات شبه مهجورات
بالصدفة شفت واحد گاعد يطلع من بيت رفعت
حاجبي مستغرب شعنده وشكله اصلا مدري
شلونه ومألوف رسل گالت....جاسر هذا شعنده؟!

هزيت راسي مادري رجعت گالت.....امشي خل نشوف شكو گلبي ممرتاح خاف مسوي شي

نزلت من السيارة وهي هم دخلت لواحد من البيوت
ماكو شي فارغ وكله تراب وبيوت عناكب وغراض
مكسرة ردت اطلع اجتي رسل تلهث وترجف هزيتها
.....شكووو شبيييج؟؟؟!!

اشرت بره وهمست برجفة....هناك ه هناك ب ، بنيه
كل كلها ددم

عقدت حواجبي مستغرب...شدتحجيين؟!

رسل بخوف ورعشة....ب بنيه مغ مغتصبيها هن، هناك
كل كلها ددم وبد بدون ملابس

فتحت عيوني ع وسعهن....شدتسووووين امشي
لبسيها دنااااخذها !!