تتمة للأحداث السابقة
ايمان ( تلفت لوسيلة الى غمزتها وطلبت منها تكمل ..تما هي خذات نفس طويل وقررت تكمل فالتمثيلية ) كيما راني نقلك ..وخالتي حالتها راهي حالة
سفيان ( كور يده وطلعها عند فم وبقى يعض فيها ) صحا بلاكي تخليها نتي .. ابقاي معايااا وانا ضرك نروح نحوسلها على راقي اخر يكون مليح
ايمان ( عينيها توسعو ) راقي اخر .. علاه زعما
وسيلة ( تقدمت منها وصارت تهمسلها ) قوليله هذاك مليح خرج عليها وزيد ثقة ومارحش يخرج سر الدار مهما صرى
ايمان ( سرطت ريقها ) غير مكلاه تجيب راقي اخر يخطلنا الحالة .. هذا مليح وخرج عليها وبلاك بالمداومة تولي مليحة
سفيان ( دوح براسه يمين وشمال .. جامي لتوقع هذا يصراله .. سحور وشكون الى راه يؤذي فيهم مروة الى حبها وعشقها وحب يديرها مرته ام ولاده ) صاي مالا .. خليها تكمل مع هذا
ايمان ( فوت لسانها على شفافها ) راهي غير تحوس عليك .. وقتاه تجي
سفيان ( شاف في الكلوار ممبعد رجع يحكي فالتلفون ) نفرى وحد القضيات ونجي .. المهم انتي بقاي مع يما
ايمان (تبسمت بخبث .. تبسمت على المعركة الى انتصرو فيها .. لحظات هي حتى عادتت تمثل من جديد ) حاضر سفيان .. سلام
سفيان ( مسح على وجهه .. يهيئ في روحه لواش رح يدير فيها ) سلام
شوقي ( قرب ليه .. وعلى ملامحه بزاف علامات تساؤل ) وش بيها خالتي .. مريضة ولا حاجة
سفيان ( كوبا وحط لفون في جيبه بعدها زير على سنانه) اليوم نوريلها وشي يعني دير سحور ليما لتحتى تخرب بيني وبينها .. اليوم انا نقضي عليها
في تلك الاثناء انطلق يجري من اتجاه الشومبرا ال كانت فيها مروة .. كان غاضب لدرجة لا توصف هو سفيان الى مشي كامل الاكاديمية على اصبع تجي وحدة لا راحت ولا جات تخونه وكثر من هكا تحوس تخربله علاقته مع الوالدة تاعه
اذا كان حاولت تنتحر وسلوكها في اخر لحظة هو رح يقضي عليها .. رح يديها بنفسه عند عزرائيل .. وصل للشومبرا الى كانت فيها وحط يده على البواني وما يلقى غير شوقي امامه ودفعه بكل قوة للوراء لانه حقيقة صار لازم واحد يوقفه
سفيان ( عيط عليه ) بعد من قدامي .. بعد انا نكسر كامل لكلينيك هاذي ونباصي عليكم .. بعد شوقي من قدامي
شوقي ( وقف قدام الباب وربع يديه ) اقتلني وبعدها ادخل لعندها ودير وش تحب .. اقتلني سفيان هاني قدامك دير وش تحب فيا
سفيان ( زير على سنانه ورفع الاصبع نتاعه في وجهه ) وخر شوقي .. انت ماك عارف حتى حاجة .. مراك عارف والو مالا بعد
أنت تقرأ
راقصة في عهدة ظابط / الكاتبة منال منولة
Romanceعندما تلقيك الحياة بقوة .. فترتطم على الأرض وفي تلك اللحظة لن تجد الا الذئاب التى لن تقصر في نهش لحمك دون رحمة اما هي كانت صغيرة للغاية عندما حدث ما حدث كانت مراهقة حلمها قطرة حب كانت لا تعرف اي شء وعندما وقعت في الخطيئة خافت وركضت ولكنها أضاعت طري...
