تتمة للأحداث السابقة
مسيكة (تبسمت وتلفت ليها ) هذا خبر شباب ولا واش قلت شوقي
شوقي ( هز راسه وتبسم هو الاخر ) انا قبل ما نجي سقسيت عليه وحوست على اصله وفصله وخرج ناس ملاح .. والكل يشكر فيه ولباس بيهم ماخصهم خصاص وقلت تفرحي
مسيكة ( استغربت من سكوت مروة ) يا طفلة مارح تقولي والو .. راكي م الصباح ساكتة سمعيني صوتك الشباب هذاك
مروة ( مسحت على وجها ) بصراحة ما صت ما نقول .. انا كيما تعرفوا ما عنديش بزاف من الى خرجت من تجربة سيئة ونظن ماغاديش يمشى الحال
مسيكة (حطت يدها على يد مروة الى كانت ترجف من صدمة الخبر هذاك ) ماتتسرعيش وعطي الوقت لروحك .. صح بلاك خرجتي من تجربة سيئة وكلشي بصح وعلاه تضيعي الفرصة هاذي .. هاو قالك انه انسان مليح والناس الكل تشكر فيهم .. جربي يا بنتي ماكي خاسرة والو
مروة ( حطت شعرها ورى وذنيها ممبعد وخرت المخدة من حضنها وناضت ) ما علاباليش عمتي .. والله حرت
مسيكة ( سرطت ريقها ) ماتقولي والو ضرك .. روحي ارقدي وريحي وغدوة نزيدو نحكو مليح وعلابالي رح تلقاي عندي الحق
شوقي (مسح على لحيته ) انا قلت نخليه يجي يخطب .. بلاك يعجبك .. وين تعرفي بلاك راح يوالمك وزيد هو من الى قعدت معاه وهو يشكر فيك .. مروة عاقلة مروة تقرى وباين بلي راكي عاجباته وداخلة لقلبه
مسيكة ( هزت راسها موافقة على كل كلمة قالها شوقي ) ايه كي يجي يخطب تما نتي شوفي كان راكي قابلة و اذا ماساعدكش صاي الشامي شامي والمغربي مغربي وتفرى
مروة ( فوتت لسانها على شفافها ) خلوني نخمم .. ونردلكم الخبر
شوقي ( فرك يديه ببعض ) كيما تحبي .. انا وقت خممت انك رح تقولي هكا ممبعد قلت واش راني خاسر نقلها وهي تحب ترفض تحب تقبل
مروة ( خذات نفس طويل وتبسمت ) خير ما عملت .. انا سمحولي رح ندخل نرقد .. تصبحوا بخير
مسيكة ( تنهدت هي الاخرى ) وانتي من اهل الخير
مروة خلاتهم فالصالون وتمشات فالكلوار الى كان مظلم .. وكان يشبه حياتها لحد ما .. الحياة الى بداتها كراقصة في بار والى نهايتها ماهيش عارفتها واش هي اذا كانت نهاية مليحة ولا نن .. بين فكرة واختها كانت وصلت لشومبرتها .. تقدمت من الفراش وخرت الاغطية ودخلت وسطهم
مروة ( تربعت في فراشها .. مزالها تخمم فالهدرة ) مانقدرش نقبل الراجل هذا .. واش ذنبه يدي وحده عطات روحها وجسمها لراجل اخر .. وزيد مانيش فيارج تاني نروح نخيط ونبدى حياتي معاه بالكذب .. لالا رح نقول لشوقي انه يرفضه وخلاص
في تلك الاثناء مروة كانت دات قرار حاسم في الامر هذا .. ألا وهو الرفض بحيث رضوان كان انسان مليح ومايستاهلش تكذب عليه وتخدعه .. بالتاكيد حبل الكذب قصير والا ما يجي نهار ويكشفها .. الدنيا هاذي صغيرة بزاف .. وربما الى صرى مع سفيان يرجع يتكرر مع الاستاذ هذا وهي شبعت وروات من كلشي
أنت تقرأ
راقصة في عهدة ظابط / الكاتبة منال منولة
Romanceعندما تلقيك الحياة بقوة .. فترتطم على الأرض وفي تلك اللحظة لن تجد الا الذئاب التى لن تقصر في نهش لحمك دون رحمة اما هي كانت صغيرة للغاية عندما حدث ما حدث كانت مراهقة حلمها قطرة حب كانت لا تعرف اي شء وعندما وقعت في الخطيئة خافت وركضت ولكنها أضاعت طري...
