تتمة للأحداث السابقة
الحزن ياكل الانسان من الداخل .. تماما كيما الصدء يدير مع الحديد حتى يخليه هش مرمي على جيه واحد مايقربه او يستعمله .. ولهذا ربي اوصاانا بالتفائل ولكن في حالة مروة كيفاه دير ماتحزنش والانسان الى حباته وعشقاته وصل يقول عليها هكا تقول ماعرفها ماعرفاته
الهدرة هاذيك خلاتها طيح من طولها وتفقد الوعي .. ويظطر شوقي ومسيكة يعيطو لطبيب جارهم يشوفها ويفحصها .. وهذاك الى صرى .. حملوها للشومبرا نتعها وين كانت راقدة وماشي حاسة بحتى حاجة بينما الطبيب يفحص فيها
الطبيب ( شاف في يدها .. وين كانت الضمادة بعدها عقد حواجبه ) وش بيها من يدها
شوقي ( سرط ريقه .. ماعرف وش يقول لحظات حتى خطرت على باله فكرة ) تحرقت
الطبيب ( هز راسه وبعدها نحا السماعات وناض من مكانه جبد ابرة عمرها ورجع بحذى مروة رفدلها يدها وحقنها بيها ) فهمتك
مسيكة ( مافهمت والو ) واش بيها ولدي عيسي .. غير الخير
الطبيب ( حط العدة نتاعه في الكارتابل ممبعد شاف فيهم ) انهيار عصبي حاد .. وراني عطيتها مهدئ رح يريحها شوي يعني حتى تشرولها هذا الدوا
مسيكة ( حطت يدها على قلبها .. تاثرت لحالة مروة وبعدها رجعت تسال فيه ) ومناه يجي هذا الانهيار ولدي .. عنده دوا
الطبيب ( كان يكتب في وصفة طبية .. واول ماسمع السؤال توقف ) الانهيار هذا جاها من التخمام بزاف والمشاكل .. ومخ الانسان وقت يتعب كي شغل يلاشي .. اما بالنسبة للدوا خصها الراحة النفسية .. ياريت يعني تخرجوها تحوس وتشم هوا نظيف
شوقي ( كان في صميم قلبه عارف انها سمعته .. في تلك الاثناء حكم الوصفة على الطبيب ومد يده وصافحه ) رح نحاول نخرجها من الجو هذا .. تعيش عيسي تعبتك في نص الليل
الطبيب ( ضحك ) ولو رانا جيران في اي وقت تتعب عيطلي
مسيكة ( مدلته خبزة كسرة وسط منشفة وتبسمت ) هاك ادي هاذي لعويشة وسلملي عليها
الطبيب (طلع الخبزة وشمها ) ريحتها بنينة .. هذا خبز
شوقي ( ضحك معاه ) لالا رودة .. ايه خبزة مالك راحلك الاحساس
الطبيب ( حطها فالكيس ) حتى هي راهي صايمة تفطر بيها .. ايا خليتكم بخير
شوقي ( تمشى مع الطبيب من اتجاه الباب ) اصبر نوصلك
مسيكة ( وقتها شافت مروة كي بدات تحل في عينيها .. تقدمت منها وقعدت بحذاها وبدات تمسحلها على وجها بحنية ) مالكي بنتي .. قوليلي واش واجعك
مروة ( ماحست غير بدموعها تسيل على خدها .. مكانتش قادرة تحكي وتزيد عليها ولكن كانت في حالة لايرثى لها ) قلبي ضارني اهئ اهئ .. حساته رح يحبس
أنت تقرأ
راقصة في عهدة ظابط / الكاتبة منال منولة
Roman d'amourعندما تلقيك الحياة بقوة .. فترتطم على الأرض وفي تلك اللحظة لن تجد الا الذئاب التى لن تقصر في نهش لحمك دون رحمة اما هي كانت صغيرة للغاية عندما حدث ما حدث كانت مراهقة حلمها قطرة حب كانت لا تعرف اي شء وعندما وقعت في الخطيئة خافت وركضت ولكنها أضاعت طري...
