تتمة للأحداث السابقة
مروة ( بقات تشوف فيه وماشي مصدقة عينيها .. معقول بعد السنين هاذي كامل يتلاقوا بالطريقة هاذي ) سفيان
سفيان ( ضرب دورة عليها وتمعن فيها مليح ممبعد ضحك ) عاش من شافك
مروة ( رفعت يدها وقربت للصغيرة ) الله يسلمك .. بنتك هاذي
سفيان ( تلفت ل بنته وصار يعدللها في شعرها ويمسحلها فالدموع ) نسمة بنتي
مروة (حكمتلها يدها وباستها ممبعد بقات تشوف في ملامحها ) ربي يخليهالك ان شاء الله وتكبر في عزك وعز امها
سفيان ( فوت لسانه على شفافه ) طلقنا .. وتقدري تقولي بنتي راهي عايشة عندي
مروة ( مكانتش مصدقة عينيها .. معقول يعني سفيان يدي مسؤولية طفل صغير .. وبنت فوق هذا الشيء ) ربي يخليكم لبعض
سفيان ( بقى يهز في نسمة وفي نفس الوقت يسال في مروة ويحاول يعرف عليها اكبر حاجة ممكنة ) ونتي .. راكي مليحة مع راجلك
مروة ( سكتت شوي وشافت فالفراغ ممبعد تبسمت ) رضوان توفى
سفيان ( عينيه توسعو ) لله يرحمه ويوسع عليه .. ونتي واش راكي دايرة ضرك
مروة ( خذات نفس طويل ممبعد هزت كتافها ) راني عايشة مع ولدي يوسف .. هو فالحق ولد رضوان بصح نعتبره كيف ولدي تماما
سفيان ( كان يشوف فيها ويحاول على قد ما يقدر يملي عينيه من زينها ومن حلاوتها ) وكيفاه راكم عايشين .. قصدي راكي تخدمي ولا واش ديري
مروة ( هزت راسها ) راني نخدم واه .. رضوان كي مات خلالي رزقه وانا راني واقفة عليه حتى يكبر يوسف ويستلم دراهمه
سفيان ( مد يده وحطها على وجها ) توحشتك بزاف .. وكنت متمني يجي نهار ونشوفك بصح عمري لا توقعت بلي غادي نشوفك هكا
مروة ( ضحكت وهزت راسها حتى هي كانت تتمنى تشوفه اما عمرها لا توقعت صدفة القدر تجمعهم بهاذي الطريقة ) حتى انا .. بصح مكتوب ودنيا
سفيان ( كان يحكي حتى نسمة رجعت تبكي من جديد .. شاف فيها وبقى يساير فيها ) خلاص بابا .. مالكي هانا نحكوا
مروة ( طلعت يدها وخطفت بوسة من خدها ) تبان قلقت .. المهم الحمدلله الى راك بخير
سفيان ( كان يهدي في نسمة ويحكي ) قوليلي مازلتي تروحي عند مسيكة
مروة ( شافت يمين وشمال ممبعد كملت تحكي ) اكيد هوما اهلي الى خرجت بيهم من الدنيا هاذي
سفيان ( حط نسمة فالكرسي نتعها ورجع يحكي مع مروة ) مالا ماغاديش تكون اخر مرة نشوفك فيها .. والا ما نتلاقاو عند مسيكة
مروة ( جات راجعت للطموبيل نتعها .. بحيث ماكانتش تحب تعلق روحها ب امل او اي شخص وهي دات عهد على روحها من سنين فاتت ) تبقى على خير سفيان
أنت تقرأ
راقصة في عهدة ظابط / الكاتبة منال منولة
Romanceعندما تلقيك الحياة بقوة .. فترتطم على الأرض وفي تلك اللحظة لن تجد الا الذئاب التى لن تقصر في نهش لحمك دون رحمة اما هي كانت صغيرة للغاية عندما حدث ما حدث كانت مراهقة حلمها قطرة حب كانت لا تعرف اي شء وعندما وقعت في الخطيئة خافت وركضت ولكنها أضاعت طري...
