· · • • • ✤ • • • · ·
𝗕𝗨𝗚𝗧𝗢𝗡𝗚 :
𝗞𝗔𝗥𝗔𝗜𝗡𝗚𝗔𝗡 𝗡𝗚 𝗞𝗔𝗟𝗜𝗞𝗔𝗦𝗔𝗡
𝗕𝗨𝗡𝗗𝗢𝗞
Ako ang inyong pananggalang
Mga bagyo aking hinaharang
Subalit bakit ako'y inyong sinasaktan
Buhok ko ay inyong pinutulan
𝗞𝗔𝗥𝗔𝗚𝗔𝗧𝗔𝗡
Tuwing tag-init sakin kayo'y sumusuong
Tiyan ay nagkakalaman sa inyong pagdaong
Subalit bakit dumi ay inyong iniiwan
Pinanatili niyo ang aking karumihan
𝗛𝗔𝗡𝗚𝗜𝗡
Ako ang sa inyo ay bumubuhay
Nararamdaman lamang
ako ay walang kulay
Subalit bakit ngayon tila
kayo ay nahihirapan
Bago lumabas mukha ninyo
ay kailangan takpan
𝗔𝗣𝗢𝗬
Hindi ako mabubuo
kung walang maglalaro
Madalas aksidente
ang pinagmumulan ko
Sa aking pagkalat lahat ay magiging abo
Sa pamamagitan ko nabibigyang
init ang malamig mong puso.
· · • • • ✤ • • • · ·
BINABASA MO ANG
Tagalog Poems Compilation
PoetryHalina't buksan ang aking aklat na naglalaman ng iba't ibang uri ng tula. Ang iba dito ay tumutukoy sa iyong sarili, sa lipunan, sa kaisipan at buhay na maaaring magbukas ng iyong kaisipan at magpalawak ang iyong pananaw tungkol sa uri at kalagayan...
