Tagalog Poems Compilation

𝗧𝗨𝗟𝗔 𝗫𝗫𝗜𝗜𝗜 - 𝗠𝗬 𝗪𝗢𝗥𝗞 𝗪𝗔𝗦 𝗣𝗟𝗔𝗚𝗜𝗔𝗥𝗜𝗭𝗘𝗗

· · • • • ✤ • • • · ·
𝗠𝗬 𝗪𝗢𝗥𝗞 𝗪𝗔𝗦 𝗣𝗟𝗔𝗚𝗜𝗔𝗥𝗜𝗭𝗘𝗗

Bungad ngayong umaga
Ang isa sa aking mga akda
Subalit nakapagtataka
Pamagat tila nag - iba

Grabe ang aking kaba
Tanong sa isip dumadami na
Akda ko ba ay ginaya
O nagkataon lang kaya

Hinanap ang iyong ngalan
Sa nagreak sa aking binahagi
Nakita ko ang iyong ngalan
Nagustuhan mo aking binahagi

Kinausap kita kahit may kaba
Tinanong ko kaninong gawa ang akda
Sinabi mong 'Akin ang ganda ba?'
Nakuyom ko ang palad,
gagawin ko ba ay tama?

Sinabi ko sayong may akda rin ako
Katulad na katulad ng sa iyo
Pamagat lamang ang nag iba
Subalit nilalaman ay pareho talaga

Iyong sinabing 'Ano nga kung iyo?
Iniba ko naman ang titulo
Dahil ang inilagay mong titulo
Hindi tumugma sa ginawa mo

Akin itong kinopya
Binahagi ko sinabing aking akda
Nagustuhan ng aking mambabasa
Hindi ka ba natutuwa

Iyong akda ay nagustuhan nila--'
Subalit hindi nila alam ako ang may akda
Lahat ng papuri sa iyo napunta
Umani ka pa nang mas maraming mambabasa

Ako ang naghirap diyan
Oo aaminin ko ito ay madalian
Subalit mali na iyong angkinin
Ang akdang hindi mo gawa, iyo ngang isipin

Sa iyong mga gawa marami ang natutuwa
Umaani ka nang magagandang papuri
mula sa kanila
Ako ay isang hamak na manunulat lamang
Na kung minsan nanlilimos atensyon lamang

Bakit mo kinuha ang akda ko
Bakit mo inangkin ang gawa ko
Alam mo ba ang nararamdaman ko
Gusto kong ireport ang account mo

Subalit hindi na ako maghihiganti
Itatago ko din ang ngalan mo
at mukha mong may ngiti
Hahayaan ko na lamang ang Ama
Na magpataw sa iyo nang matinding parusa

Gagawa pa ako nang mga akdang 'magaganda'
Upang mayroon pa kayong nakawing akda
Oo, itutulak ko kayo sa pagkakasala
Upang mas maraming patawan
ang Ama ng parusang tinatawag na Karma.
· · • • • ✤ • • • · ·