· · • • • ✤ • • • · ·
𝗧𝗛𝗘 𝗦𝗜𝗟𝗘𝗡𝗧 𝗪𝗥𝗜𝗧𝗘𝗥
May isang dalaga
Nagngangalang Athea
Matalino at maganda
Mabait at masipag pa
Magaling sa paggagawa
Ng mga tula at istorya
Marami ang natutuwa
Sa gawa nitong akda
Hanggang isang araw
Sa katirikan ng araw
Magandang kapalaran
Ang sa kaniya ay dumaan
Isang sikat na manunulat
Humanga sa kaniyang isinulat
Pinakiusapang siya pa ay sumulat
Isasapubliko't gagawing aklat
Dumami ang kaniyang likha
Dumami pa ang natuwa
Kumita siya at guminhawa
Lubos ang kaniyang saya
Pero lahat sila ay nagtataka
Bakit ito ay hindi nagsasalita
Palagi nalamang siyang nakangiti
Pagtango madalas ang ganti
Hanggang sa may nakabasa
Sa isa sa kaniyang mga akda
Nilalaman ng isa nitong pahina
Siya ay pipi, hindi nakapagsasalita.
· · • • • ✤ • • • · ·
BINABASA MO ANG
Tagalog Poems Compilation
PoesíaHalina't buksan ang aking aklat na naglalaman ng iba't ibang uri ng tula. Ang iba dito ay tumutukoy sa iyong sarili, sa lipunan, sa kaisipan at buhay na maaaring magbukas ng iyong kaisipan at magpalawak ang iyong pananaw tungkol sa uri at kalagayan...
