كرونيك :❤زواج_تقليدي❤

"زواج تقليدي" الحلقة 22

"زواج تقليدي" الحلقة 22

دخلت لبيتها باش تهدي روحها قبل ما تهبط شافت حالتها في المراية و زادت عملت شوية parfum و غمقت في الروج متاعها تمشي و تجي في البيت فماش متهدي روحها زادت عملت طلة على روحها في المراية و هبطت دخلت لبيت الفطور تلقاه قاعد و يضحك مع علياء تبسمت و قعدت مقابلتلو قتلها علياء " نشاء الله تعجبك ماكلتي و كان شاهية اي حاجة بنتي قلي نعملهالك" تبسمتلها ليليا و قتلها "باهي" قال وائل لعلياء " و هو فما شكون يقاوم ماكلتك البنينة" ضحكت علياء و قتلو "اسكت وليدي كان تسمع امك تتغشش"ضحك و طبس راسو ياكل قعدو يكلو ساكتين، تذكرت حكاية شهر العسل قتلو " حقا .. اممم .. امي هدى اكيد باش تسألني على شهر العسل كل متسألني نقلها مزلنا معملناش programme" ستناها لين كملت حديثها و جوبها "تو نقلها عندي خدمة منجموش نمشيو، تهنى خلها عليا" عملتلو باهي برسها و هيا دخلاني فدت لزمها طريقة باش تتقربلو و كمل توا شهر العرس تناحا، مسح فمو في المنديلة و قام قلها "العشية حضر روحك باش نمشيو لدارنا، عم مصطفى حذا بابا ليوم" فرحت خاطر باش ترى بوها توحشتو صحيح معضم الوقت يبدا يخدم في الشريكة لكن ديما يلقا وقت باش يعديه مع بنتو زيد توا مشات الدار باش تفرغ عليه قتلو "باهي" و طلعت لبيتها باش تحل ال pc شوية تشوف اخبار شريكة بوها عدك بها باش تشد الفروع إلي حالينهم بوها السنين الأخرة لكل يعلم فيها في كل شي باش كي الله لا يقدر يصيرلو حاجة هي تتكلف بيهم هي ماللول كانت رافضة و حبت تبني روحها بروحها لكن بحكم هي الوريثة الوحيدة باش تعب بوها ما يمشيش خسارة.