"زواج تقليدي" الحلقة 58
قالها "وينك" يسمع في الحس عرفها في بواتا العصب مكنو كابس عالتليفون قريب يتكسر في يديه ليليا تضحك على طول صوتها و قالتلو "ويني... امم ويني.. أنا في بقعة بعيدة يااااااااسر عليك" تتكلم و تضحك و زادت قالتلو و هي تصيح باش يسمعها فالحس "أسمعني يا شسمك" و غزرت للباريستا لي توا مكتف يديه و يغزرلها و يتبسم قالت للباريستا و هي تعيط في التاليفون "أششش متقولش لي انا نعرف لي هو أسمو وائل زعمة زعمة نسيتو باهي" عمللها الباريستا باهي براسو و هو يضحك عليها، وائل فالدار موش عارف روحو يضحك ولا يتغشش هالفرخة باش تهبلو قالها "وي أشسمك يسمع فيك وقالك كانك ماكش باش تقولي وينك توا راهو باش يتغشش و انتي تعرف أشسمك شيعمل كي يتغشش" ليليا تسمع فيه و تبلع في ريقها طول غزرت للباريستا و قالتلو "باش يحرش فيا أشسمك" الباريستا معادش فيه بالضحك أول مرة يعمل جو الي يجيوه لكل يحلو دار ميت بالبكاء و يروحو مدلها الباريستا يديه باش تعطيه التاليفون و هي قعدت مبهمة بعد مدتلو، وائل صبرو بش يوفا يسمع فيها تحكي معا حد أخر يعني فما شكون معاها كلمو صوت راجل خشين قالو "السلام" وائل كمل هبل و السيناريوات الكل دارو في مخو جاء باش يجاوبو يا خي تكلم الباريستا قالو "المدام متاعك متخافش عليها انا الباريستا و هاو باش نبعثلك الأدريس" طول وائل علق و هبط للكرهبة وصلو ميساج فيه الأدريس طول نده و طارلها.
----
أنت تقرأ
كرونيك :❤زواج_تقليدي❤
Lãng mạnما نودكم كان بالممو 😍😍🔥🔥🔥🔥 هيااا عسلاتي حضرولي روااحكم 😍😍😍❤❤❤❤ كرونيك :زواج_تقليدي باللهجةالتونسية منقوولة 🔥❤ انشاءالله تعجبكم 😘😘😍😍🔥🔥❤❤
