كرونيك :❤زواج_تقليدي❤

"زواج تقليدي" الحلقة 32

"زواج تقليدي" الحلقة 32

وقفت هند و أشارت للعجلة لي تدور بيدها و قالتلهم لي هي تحب تطلع في اذيكا ليليا كي راتها ترعبت هي تخاف من الأماكن العالية خلي عاد باش تطلع في اذيكا جبدت هند محمد و ماشين بأتجاهها و ليليا و وائل وراهم شراو التيكيات و ركبت هند مع محمد و ليليا مع وائل غزرلها وائل لاقها داخلة بعضها قالها "كان متحبش نهبطو" عاملتلو لا براسها و قتلو بصوت خافت "لا عادي" و مسحت يديها على ساقيها لي عرقو من كثر ما هيا كابسة عليهم من التوتر كان مركز مع كل حركة تعملها و حاسها تعمل في حاجة اقوا من طاقتها هي خدمت و بدات تطلع بيهم و هي ولات ترعش و كي غزرت من الشباك زاد كملت على روحها سكرت عينيها فيسع تتنفس بالسيف كيف راها اكاكا طول وائل قام و جا حذاها جبدلها يديها لي كابستهم و قربها ليه عنقها و حطها على صرو و قالها " ما تخافش موش باش يصير شي هاني معك تنفس" كبشت فيه و من كثر الصدمة نسات ال phobie متاعها و تتنفس في راحتو حست براحة لا عمرها حستها شعور يديه لي معنقها بيهم و بدنو لي قريبلها هزوها لعالم اخر وفا الوقت و وقفتو و هيا باقي معنكشة فيه هبطو هند و محمد و قعدو يضحكو عليهم من برا و صوروهم و هما موش فايقين، فاقت ليليا بلي العجلة معاش تتحرك و هو مزال معنقها كيما قبل و متحركش