كرونيك :❤زواج_تقليدي❤

"زواج تقليدي" الحلقة 40

"زواج تقليدي" الحلقة 40

طول حط يديه على فمها يسكت فيها و يغزر للباب و قالها "يا بنتي اسكت تحب تهد علينا هدى و احنا هكا" عملتلو باهي براسها بعد ايدو و ڨحرلها و بعد ضحك على حالتهم و قالها بتفدليك باش يشيخ عليها "ياخي نرمال راقدة تبوس و تعنق و باش تنحيلي السروال، ناقص كان تغتصبني" عيناها وساعو و وجها ولا احمر باش يترشق من الحشمة موش عارفة شتقولو عينيها دمعو و باش تبكي كي راها باش تبكي تفاجئ و قالها يسكت فيهم "يا بنتي نفدلك معاك باش تبكي اصل" عندها الحق وائل و يفدلك الزوز ما يجيوش على بعضهم اول مرة يفدلك معاها و زيد يضحكلها قعدت دايخة و هو دخل يدوش تذكرت روحها شلابسا منغير ما تشعر سرفڨت روحها يعني هي الوقت هذا الكل واقفا قدامو شبه عارية زادت تشلت اكثر البارح بخلت باش تحل الفاليجا و تمد البيجاما متاعها رقدت اكاكا مشات تزرب حلت فاليجتها باش تلبس و تخرج من البيت قبل ما يخرج الحشمة باش تاكلها هي سكرت الباب منا و هو خرج من الدوش مينا لوج عليها بعينيه باش يقلها تنجم تدخل تدوش توا مدامو خرج ملقاهاش لبس دبشو و ركح روحو و هبط يلقاهم في بيت الفطور قاعدين يستناو فيه غزر ل ليليا يلقاها تتجنب في نظرتو ضحك و مشا صبح عليهم و قعد بجنبها.