كرونيك :❤زواج_تقليدي❤

زواج_تقليدي الحلقة 61

زواج_تقليدي
الحلقة 61

وائل هززها بحكم هوا ديما يترانا و يهز فالحديد ليليا كي الريشة مبين يديه غزرت ليليا لوائل عينيها يلمعو و هي تمتم "محلا شوافرو ازح تي اطول من شوافري و اكا اللحية" وائل شادد التبسيمة بسيف غزلها و قالها "قوتلي حاجة" وجهها حمار و هبطت راسها و قاتلو "أي.. تي نقصد لا لا" وصلو للكرهبة هبطها و حاللها الباب باش تطلع ما طلعتش و قالتلو "يا خي اكاكا تسخابني باش نطلع معاك" قحرلها و قالها "أطلع" زادت صاحت عليه "لا ما نيش طالعة" و قعدت تغزر للشارع فارغ زادت عيطت "باش تخطفني موش هكا أكيد باش تخطفني كيما صار ل.." طول حط يديه على فمها باش يسكتها و هي تعيط لي يسمع يصدق قالها "باش تسكت و لا" عملتلو باهي براسها بعد يديه و قالها "أطلع نروحو" باقي تغزرلو و مستغربة و قالتلو "يا خي بمخك اذاكا نيتك باش نروح لدار راجل أش يقولو عليا الناس" عجبتو كيفاه معنتها كان جاء راجل أخر هذا يكون موقفها غيرها راي ركبت طول و روحت معاه قالها يتبسم "صحيح، اما انتي معرسة و الناس معندهم ما يقولو بين مرا و راجلها" تصدمت و قالتلو "أنا معرسة" قحرلها و قالها "أي و بيا أنا و توا أطلع للكرهبة خلي هالليلة تتعدا على خير" سكتت و طلعت للكرهبة لكن سكوتها ما دمش أول مخدم الكرهبة طول حلت الغناء و زادت فيه و طاحت تغني معاه على طول صوتها كي الصغار و بحكم هيا سكرانة كلمة تقولها صحيحة و عشرة تقولهم غالطين مد يديه و سكر الغناء نفخت و عودت مدت يديها و حالتو قحرلها و عاود ساكرو و كي هيا مدت يديها باش تعاود تحلو شدلها يديها و هي تصدمت و قلبها ولا يدق بكلو غزرتلو و عينيها ذابلين و هو يسوق موش متلفتلها كبست على يديه و هو زاد كبس عليها و بقا شددها ثنية كاملة يد يسوق بيها و يد الأخرى شددها بيها لين وصلو