"زواج تقليدي" الحلقة 31
كملو ال petit déj و محمد جا قعد معاهم قعدو يحكيو و يفدلكو معا بعضهم تلفتت ليليا على غفلة و جمدت في بقعتها كي رات وائل داخل و مركز معها وصللهم و قعد بجنب ليليا فرحت هند كي راتو و قتلو "ياا كيفاه عرفت لي احنا هنا" جاوبها محمد يتبسم "أنا قتلو يجي نعملو خرجة لكلنا، زيد متنساش لي مرتو قدامك اكيد يعرف" ضحكت هند و عنقتو "صحيح و عجبتني فكرتك انا بيدي مزلت مشبعتش بيك" ليليا و وائل كانو يتفرجو عليهم و يتبسو قلها "أي اذاكا علاش محضرلك مفاجئة باش تعجبك ونتصور تعجب ليليا زادا" تبسم ل ليليا و وائل و قامو هند ركبت مع محمد و ليليا ركبت مع وائل بعد درجين وصلو هبطو و طول ليليا و هند غزرو لبعضهم عينيهم تلمع و الفرحة باينة عليهم نساو كل شي و خلاو محمد و وائل وراهم و هوما يزربو باش يدخلو لل manège كيف الصغار طلعو على درجيحة تدور و هوما يكشخو شايخين بالضحك شبعو باللعب و بعد مشاو باش يشريو لحية غوار ل ليليا و هند لي كي راو الصغار يكلو فاهم شتهووها. هند و محمد اليد فاليد و هوما يتمعشقو مرة يخطف بوسة من خدها و مرة هي تبوسلو لحيتو كي ترا مفما حد يغزر و ليليا و وائل تقول ما هومش هوما لي عرسو نهارين التالي يمشيو وكل وحد يديه في جنبو لا يكلمها و لا تكلمو
أنت تقرأ
كرونيك :❤زواج_تقليدي❤
Romanceما نودكم كان بالممو 😍😍🔥🔥🔥🔥 هيااا عسلاتي حضرولي روااحكم 😍😍😍❤❤❤❤ كرونيك :زواج_تقليدي باللهجةالتونسية منقوولة 🔥❤ انشاءالله تعجبكم 😘😘😍😍🔥🔥❤❤
