كرونيك :❤زواج_تقليدي❤

"زواج تقليدي" الحلقة 44

"زواج تقليدي" الحلقة 44

قامت ليليا على صوت هند تتمعشق في التاليفون مع محمد حلت عينيها و ضحكت على عشيرتها كيفاه قاعدة على كرشها تلعب بشعرها و تجود في في صوتها دارتلها هند تلقاها شايخة عليها بالضحك رمات عليها المخدة و ضحكت و قالتلو في التاليفوني "أيا عزيزي نخليك هاوكا بعد يا روحي" و بعد ما رماتلو بوسة ما التليفون علقت و غزرت ل ليليا تضحك قالتلها ليليا "صدقني نسمع فيك تحكي tellement معرفتش صوتك لين نسخاب روحي خطفوني" ضحكت هند و ضربتها على كتفها بتفدليك و هبطو الزوز باش يفطرو يلقاو الدار خايضة بداو بالتحضيرات من الصباح بكري بحكم انو ال fiançaille باش يعملوها فال jardin جاتهم هدى و قالتلهم "صباح الخير لأحلى زوز في حياتي" جاهم وائل من غادي يضحك و قالها "شنوا و أنا معنديش بقعة معاهم" درتلو امو و حطت يديها على ضهرو و قالتلو "أنتي و بوك عندكم بقعة خاصة" ضحكو و قعدو باش يفطرو وائل و بوه مشاو باش يتلهاو بالتحضيرات لي فالدار و ليليا و هند و هدى قعدو يحكيو لين قرب الوقت باش يمشيو للحجامة طلعت ليليا للبيت دخلت دوشت و لبست البشكير و خرجت تلقا وائل مرمي على الفرش و ساقيه على القع مغمض عينيه و حاطط يديه على وجهو كي حس بيها بعد يديه و غزرلها الماء يقطر من شعرها على كتفها البشكير مغطي كان اللازم في الازم عينيه غماقو قام و ماشي في أتجاهها و هي كبشت على البشكير و سكرت عينيها كي حست بالنفس متاعو على رقبتها و كي سمعت باب تسكر و الدوش تحل حلت عينيها و جهها أحمر طول مشات لبست و حضرت روحها باش ما توخرش على هند و هدى.