كرونيك :❤زواج_تقليدي❤

زواج تقليدي" الحلقة 17

"زواج تقليدي" الحلقة 17

ليليا بجنبو في الكرهبة لبها العرق تنفخ و تحاول تمروح على روحها كرشها ولات توجع فيها مالتوتر و وائل même pas غزرلها وصلت الكرهبة للفيلا و تحل باب الحديد كمل بيهم الشوفور لين وصلو قدام الباب و حللهم بيبان الكرهبة هبط وائل و ستناها لين خرجت من الكرهبة و هي تتغصور في جرة الفوال متاع الروبة مجاش حتى عاونها قدم للباب و خلاها وراه حل الباب بالمفتاح و عاود غزرلها وين وصلت كي قربتلو كمل دخل و خلالها الباب محلول، دخلت و سكرت الباب وراها بيد وحدة و اليد لخرا شادا باها روبتها لي تتكركر، أول مرة تدخل للفيلاا متاعو الخاصة قعدت تثبت في أثاثها ياسر راقي فاقت من سرحتها كي عيط علاها بنطرة "ياخي ناويا تبقا وقفة ليلة كاملة غادي" نبرة صوتو خوفها و عينيها زغللت باش تبكي تبعتو وهوا طالع في دروج سقيها موش حاملينها طالعة بسيف وصلو الطاق الثاني وين بيوت النوم وقف على البيت الثانية على يمين و حليلها الباب دخلت و هوا قعد واقف قدام البيت متحركش دارتلو مستغربة وسألتو "ما كش داخل" قلها "لا" دخلت بعضها و قتلو تخرج في الكلام بسيف " ش .. شمعناها " على قد ماهي داخلة بعضها و مشاعرها الكل باينين على وجها هو كان عكسها بارد، جامد تقول روبوت، دز باب البيت و دخل قلها " تقريب احنا الزوز نعرفو شمعناها و انتي كي وافقت بوك عارفة على شنوة قادمة " الدمعة هبطت على خدها و جوبتو بصوت مخنوق "لكن لكن انا مرتك توا" قص عليها و هو يضحك "مرتي" "صحيح مرتي.. مرتي على الأوراق" زاد قدملها و جا قدمها عينيه النار تتنطر منهم "انتي عمرك ماك باش تولي مرتي، من قبل تعرف هذا.. ياخي تسخابها لعبة كهو عملنا عرس باش نولي نحبك و نعاملك على اساس انا رجلك بالحق" قعدت ساكتة منجمتش تنطق بحتى كلمة و صدمتها كملت كي قلها "كل واحد على روحو، يوفا العام نطلقو ونقلولهم متفهمناش" خرج و خلاها دموعها هابطين على بعضهم حست بالدوخة لعبت بها ساعتين لتالي كانت بين يديه وحتا راسها على صدرو تتنفس في راحتو شعور يديه عليها يدوخو كانت تتمايل معاه و هيا في عالم اخر نسات الناس لي بينهم و نسات كل شي كانت في مخها تفكر انو كل شي تبدل، جرَحْها و جُرْحها كان اكبر على خاطرها تحبو حتى هيا قداشها دغفة تسخاب روحها في قصة خيالية باش تعيش لي تحب عليه و تعيش في حياة وردية معه او يمكن هيا بالحق عايشة في قصة خيالية انها عرست بفارس احلامها كانلها كيف الحلم و لكن للأسف حلمها تقلب لكابوس غزرت للبيت زادت في البكاء اكثر اكيد حمتها و هند حضرتهالهم زادت تقهريت اكثر تقهريت على روحها و على صار فيها طول عمرها تحلم بنهار هذا تحلم باش تولي مرت وائل لكن موش بالطريقة هاذي.