كرونيك :❤زواج_تقليدي❤

زواج تقليدي" الحلقة 23

"زواج تقليدي" الحلقة 23

تعبت سكرت ال pc و تكات مالتعب هزها النوم تعداو ساعتين و هي مزالت راقدة و وائل يستنى فيها باش يمشيو مفماش ريحتها طلع و دق مرتين على باب بيتها مردتش حل الباب بشوية و تفاجئ كي لقاها راقدة و معنقة مخدتها دخل للبيت بشوية باش ميعملش حس موش عارف فاش قاعد يعمل لكن ساقيه كانو هزينو ليها وقف قدامها يغزرلها كيفاه راقدة وجها هادي و شعر هابط على عينيها بعدهولها و قعدت إيدو على خدها بشرتها ناعمة تحت يديه يثبت في تفاصيل وجهها فاق من سرحو و بعد يديه و خرج سكر الباب و هيا فاقت من النوم قعدت تغزر للبيت كاينها تشم في رائحة برفان وائل قعدت مستغربة و بعد قالت في مخها اكيد تستخايل و دارت بش ترجع ترقد بعد تذكرت قامت جات واقفة شافت الوقت و سابيت روحها معاش بكري فيسع حضرت روحها و هبطت تلوج عليه تلقاه قاعد فالصالة قام و سألها "حاضرة؟" قتلو اي براسها و خرجو ركب في الكرهبة و هي ركبت بجنبو  وصلو و هوما مزالو كي حالو الباب جاتهم هدى من غادي تزغرط و تعيط "العرايس جاو العرايس جاو" ضحكت ليليا حاشمة و وائل تبسم لأمو هبطت هند من دروج تجري قريب تطيح و هي تضحك و ترمات على ليليا تعنق فيها و تبوس و قتلهم "أنا قلت هاذم اكيد مهومش جايين و فدنيا اخرى" ڨحرلها خوها و بعد تبسم و قلها "شنو تطرد فينا ولا كيفاه" ضحكت هند وعنقت خوها و قتلو "توا هذا كلام" و دارت ل ليليا و قتلها "عم مصطفى و بابا وصلو و جايين ستناو لين أيسو" غمزتها و زادت شاخت على وجه ليليا كيفاه زاد حمار اكثر دخلو لصالة و وائل خلاهم جاه تليفون تابع الخدمة دارو بيها الزوزو حطوها في وصتهم