كرونيك :❤زواج_تقليدي❤

زواج_تقليدي الحلقة 62

زواج_تقليدي
الحلقة 62

ليليا ثنية كاملة و هي تكشخ على خاطرها شدتلو يديه هبط و يستنا فيها باش تهبط قعدت قاعدة مشالها و حللها باب الكرهبة و قالها "أهبط" قالتلو "ما هأه" و بوزت شفايفها كي الصغار و مدتلو يديها الزوز باش يهيزها ضحك و جبدها ليه بعد حملها الفوق و سكر باب الكرهبة بساقيه و دخل بيها للدار و هيا طول تكات راسها على كتفو تستنشق في راحتو البنينة طلعها لبيتها و دخل هبطها من يديه و قعد يغزر لحالتها "الحديث غدوة أصلا توا ماكش باش تفهمني على خاطرك شاربة" قالها و نزل على أخر كلمة و هو يقول فيها و قحرلها ليليا عملت باهي براسها و هي أصلا موش مركز مع فاش يقول قعدت تغزر لشفايفو كيفاه يتحركو دار باش يمشي ياخي جبدتو من يديه دارلها قالتلو "دبشي" ما فهمهاش شتقصد و قعد يستنا فيها باش تكمل قالتلو "دبش.. دبش منجمش نرقد مرتحا بدبش خرجت.. خرجو.. تي الخرجة.. دبش الخرجة" قالها "أي و مبعد" قالتلو و هي عينيها يلمعو "موش أنتي راجلي بدلي دبشي" قالها "ليليا برا أرقد راك ماكش في مخك و ماكش قاعدة تخمم مليح" بعدلها يديها و باش يمشي و هي زادت كبشت فيه و قالتلو "باهي باهي نحيلي الفاست كهو أمان أمان أمان الدنيا سخونة" نفخ و بدا يحل في في القفافل و كل قفالة تتحل كل ما يزيد بدنها يضهر و كل ما هو تشعل فيه النار أكثر هبط الفاست من على كتفها و طاحت في القع و هو مزال يغزرلها و يثبت فيها موش كان هو حاسس أكاكا ليليا زادا كانت دايخة فيه عينيها ذابلين قدمت جات قدامو و لسقتلو لين بدنها ولا على بدنو حطت يديها الزوز لي يرعشو على كتافو و زادت هزت ساقيها شوية من على القع باش توصولو و حطت شفايفها على شفتو اللوطنية وائل تصدم و من الصدمة متحركش و ليليا زاد متحركتش على خاطرها متعرفش شتعمل متعدتش الدقيقة و طول بعدت عليه و طبست راسها وجها أحمر باش يطرشق و قلبها يدق في الميا و قالتلو "صحيح مانيش في عقلي كيما قلت أما حتى كان مجيتش سكرانة اللحظة اذيكا ما نندمش علاها و دارت تجري ترمات على فرشها و غطات روحها و عملت روحها باش ترقد

----