"زواج تقليدي" الحلقة 30
ركبت في الكرهبة و شافت الأدراس لي بعثتهولها هند تلقاها نفس البقعة لي هزها ليها وائل أول مرة، ندهت و كي وصلت غادي باركات الكرهبة و دخلت لقات هند قاعدة في بقعة كيما لي قعدت فيها قبل و قاعد معها راجل ستغربت و مشاتيلها اول ما قربت راتها هند قامتلها بستها و قالتلها "نعرفكم، ليليا هذا محمد خطيبي المستقبلي و فارس احلامي، محمد هذي ليليا عشيرة عمري و مرت خويا" ضحك محمد و مد ايدو يسلم على ليليا " نتشرفو ليليا" تبسمتلو و قاتلو " و بيك اكثر" قالهم "ايا مالا نخليكم لبنات، تقريب وقتو نرجع للخدمة.. الفطور عليا و كان معجبتكمش اي حاجة قولولي" قدمت هند شفايفها كي الصغار و عملت روحها متغششة و قتلو "لا عاد حبي ماو تفهمنا اني باش نخلص كل مرة نجي لنا" ڨحرلها و قالها "و انا مزلت ما هبلش باش نخلي مرتي و إلا مرت خويا وائل تخلصني" عينيها لمعت على كلمة مرتي و تبسمت باسها من جبينها و مشا تذكرت ليليا كيف جات مع وائل لنا و عرفت لي محمد هو نفسو لي حكاو عليه دارت هند لقات ليليا شايخة بالضحك عليها زادت ضحكت معاها و قتلها ليليا "أيا أيا احكيلي راني معاش نجم نستنا" طلبو ال petit déj و قلهم السرفور "الفطور سبيسيال خصيصا من عند سي محمد" شدت هند تاكل و هي تتبن و ليليا شايخة عليها بالضحك حكاتلها كيفاش قابلت محمد في القهوة لهنا وكيفاه نهارتها السيرفور طيح كاس ال jus عليها من غير قصد و بالزهر محمد كان غادي ملول معرفتوش لكن هو طلعها طول حكاو لين طلب منها يخرج يعشيها و هي مكانتش من الرافضين عجبها و كيف خرجو و عرفت لقبو تذكرتو و قعدو يحكيو على ايماتهم و بالوقت و ولاو ديما يخرجو لكن مفما شي بيناتهم و زيد طلع محمد صحاب مع وائل و كي دخل في مشكلة وائل وقف معاه و من وقتها هند و محمد ستعرفو بحبهم ببعضهم و في ليلة عرس ليليا و وائل قلها نحب نجي نخطبك
أنت تقرأ
كرونيك :❤زواج_تقليدي❤
عاطفيةما نودكم كان بالممو 😍😍🔥🔥🔥🔥 هيااا عسلاتي حضرولي روااحكم 😍😍😍❤❤❤❤ كرونيك :زواج_تقليدي باللهجةالتونسية منقوولة 🔥❤ انشاءالله تعجبكم 😘😘😍😍🔥🔥❤❤
