كرونيك :❤زواج_تقليدي❤

زواج تقليدي الحلقة 24

"زواج تقليدي الحلقة 24

يغزرولها بتبسيمة عريضة و يستناو فيها باش تحكي و هي فهمتهم و عملت روحها مولا الدر موش هوني قتلها هند "ايه نستناو" درتلها ليليا تبلع في ريقها بسيف و قتلها "فاش" و هبطت وجها لخلخ و والا احمر باش يطرشق قتلها هند و هي شايخة عليها "فمبارح و تحديدا وقتلي روحت هههه" ڨحرت هدى لبنتها و قتلها "يعجبكش يا بنيتي سيب الطفلة وجها لخلخ" عنقت هدى ليليا و قتلها "بنيتي هنيني و قلي تهنيت؟" زادت ليليا دخلت بعضها تكره الكذب و متحبش تكذب لكنها كل مرة تلقا روحها ملزوزة قتلها و صوتها خارج بسيف "ايه" فرحت هدى و هند قامت تعنق في ليليا وشايخة ضحك عليها و هوما اكاكا يدخل بوها و حموها و معاهم وائل طول نڨزت تعنق في بوها إلي من الفرحة الدنيا موش واسعتو على خاطر راا بنتو ضحك و قلها "بنوتي الغالية توحشت بوها" قتلو و هي تتبسم في تبسيمة عريضة "عندك شك بابوني" سلمت على بو وائل و رجعو الكل قعدو يحكيو تكلم بو وائل يسأل في ولدو "وقتاه ماشين" غزرلو وائل مستغرب "لوين بابا" قلو "لشهر العسل" وجهو جمد يعرف بوه موش بالساهل باش يقنعو غزرلها يلقاها تغزرلو