"زواج تقليدي" الحلقة 50
فاقت ليليا الصباح ملقاتش وائل بجنبها غزرت للبيت تلقا الفليجة متاعو محطوطة و فاليجيتها محلولة و فيها دبشها مطبق بهتت، اكاكا و تسمع في صوت في الدريسينيڨ خرجت عائشة في يدها طالون ليليا باش تحتو في الفاليجا هزت راسها تلقا ليليا فايقة و تغزرلها قالتلها "سمحني بنيتي فيقتك" تبسمتلها ليليا و قالتلها "عادي" جاوبتها عائشة "و الله بنيتي قوتلو وائل خلي لين تفيق لكن هو اصر اني نلم الدباش بالوقت و وصاني باش نقلك حضر روحك باش ترجعو الصباح" قالتلها ليليا مستغربة "الصباح؟ علاه" جاوتها عائشة "و الله بنيتي لا نعرف زيد ظاهر فيه متغشش مستانس يفدلك و يضحك اليوم درا شبيه حتى تبسيمة ما تبسمهاش" كملت عائشة لمت و سكرت الفاليجا و حطيتها بجنب فاليجة وائل، ليليا قعدت تخمم في وائل و كيفاه مقلهاش حتى لي هوما مروحيين اليوم و زيد الصباح مشات باش تحضر روحها لبست و بعد تذكرت البارح غزرت في المراية و رات التراس عدات عليهم يديها و هي مغمضة عينيها تخمم فيه حست برعشة في بدنها حلت عينيها و مشات حلت فليجتها لبست روبة بالرقبة رغملي الدنيا سخنت، رجعت سكرت الفاليجا دق الباب تلقاه العساس متاع الدار قالها "مدام جيت باش نهز الفاليجات" عملتلو باهي براسها و هبطت تلقاه يحكي مع أمو قالتلو "يا وليدي زيدو أقعدو حذانا علاش هالزربة" قالها "لي يسمع يقول مسافريين هنا في نفس البلاد في أي وقت تلقانا حذاك" قالتلو "و أنا منعرفكش كي تغطس في الخدمة و معاش تعبر حد" تلفت يلقا ليليا جيا من غادي هيا و صلت و هو قالهم "هاني فالكرهبة" و مشا قعدت ليليا باهتة كيفاه يغزرلها ببرود
---
أنت تقرأ
كرونيك :❤زواج_تقليدي❤
Romanceما نودكم كان بالممو 😍😍🔥🔥🔥🔥 هيااا عسلاتي حضرولي روااحكم 😍😍😍❤❤❤❤ كرونيك :زواج_تقليدي باللهجةالتونسية منقوولة 🔥❤ انشاءالله تعجبكم 😘😘😍😍🔥🔥❤❤
