كرونيك :❤زواج_تقليدي❤

زواج_تقليدي الحلقة 85

زواج_تقليدي الحلقة 85

ليليا عينيها وساعو كي سمعت مصدقتش انو وائل عرس قبل و هيا ما فيبالهاش خالي يكون عندو بنية "طلبت منها انو نعرسو لكن كل مرة كانت ترفض نتغشش و نجبد روحي لكن هيا ترجع و بكذبتين نصدقها على خاطرني حبيتها حبيتها أكثر من روحي لكن هيا كانت تستغفل فيا طلعت بكوارتها و طلعت تحب على صاحبي و عشيري لي حاول يفهمني لكن كل مرة نتعركو على خاطرها عملتلي فيلم و قال شنوا راهو ديما يقلق فيها.." ليليا قالبها وجعها عليه بلعت الغصة لي في حلقها و حطت يديها على يديه كبسلها على يديها و كمل يحكي"تعركنا و في نهارتها سكرت عاللخر معادش معدل على حتى شي جاتني و صار إلي صار و حبلت مني رغم كل شي سامحتها و قلت ختارتني انا اكيد تحبني حتى شوية باش سلمتلي روحها لكن لي ما كنتش نعرفو انو كانت خطة من خطاتها كنت مراهق و منفهمش و حسبتو حب بعد شهر و بعد ما بنيت احلام و عائلة في مخي كي موصلتش لي تحب عليه و صاحبي لي هددتو انها تقتلو بنت صاحبو طلب مني السماح و سافر مشات طيحت الصغير" ليليا شهقت لا عمرها تصورت فما عباد بالخبث هذا المرا وصلت طيحت صغيرها غاضها حال وائل ما تصورتش انو هذا الكل صار عليه تو عذرتو و فهمت علاش ميحبش يتعلق بيها و لا بحد اخر منغير متشعر دمعتها هبطت مسحهالها وائل و هزلها يديها باسها قالتلو "و من وقتها معادش ريتها؟" كبس على يديها و قالها "طلعت تشرب فالحرابش دخلوها لسبيطار باش تنحيهم لكن فات الفوت و بعد شهر ماتت" ليليا طول نقزت عنقتو ما هيش مصدقة انو روحها و حبيبها تعدا تليه هذا الكل تمنات لو كان جات معاه في الوقت اذاكا تخبيه عندها و متسيبوش قلبها حرقها عليه دموعها هابطين كالشلال تركيوه تنفخ شدلها وجهها بين يديها و تبسم قالها "منحبش نراك تبكي" تبسمت لكن دموعها باقي هبطين حط شفايفو على كل دمعة هابطة باسهملها و جبدها ليه أكثر لين حطها على حجرو حطت ليليا يديها على رقبتو و قعدو يعشقو في عينين بعضهم قالها وائل "هذا الكل في الماضي و انا نسيتو و ميعنينيش حبيت نحكيلك خاطر من حقك انك تعرف.. ليليا انتي السبب لي خلاني ننسا.. تعبتني تعبتني مخي تعب معاك.. ملي نحيتها الحكاية من مخي و انتي رجعتهالي و بقوة زادا.. متصورتش انو باش يجي نهار و حد يحبني بصدق " حطت ليليا جبينها على جبينو و الدموع محبوش يوقفو قالتلو "وائل"