"زواج تقليدي" الحلقة 29
دخلت راسها و غزرت من ورا شق الباب راتو خرج من ال salle و قعد يغزر موش عارف منين جا الصوت نفخ و رجع دخل و كمل يترانا و هي تنهدت حتى من النفس كانت شديتو قعدت تستنى فيه لين كمل و سكر الضو و مشا البيتو بعد مسمعت الباب متاعو كي تسكر قعدت تسنى يخرجش مرة اخرة كي مسمعت حتى حس مشات هزت الكتاب لي كانت تقرا فيه حطيتو في يد و نحات شلكتها و شدتها فاليد الأخرى باش متعملش الحس دخلت لبيتها و تكات على الباب تضحك و شادة وجهها تبرد فيه بيديها و النفس طالع هابط حست روحها كاينها كانت في مغامرة و ال adrénaline طلعلها مشات ترمات على فرشها و البسمة متنحاتش من فمها لين هزها النوم، قامت في الصباح و تبسمت قبل ما تحل عينيها و زادت كبشت في مخدتها بعد ما شبعت بالفرش قامت في فورما عملت دوش و لبست دبشها و هبطت باش تفطر قالتها عائشة لي وائل خرج عندو ساعة فدت ما عندها ما تعمل اليوم ولات كلمت هند و سألتها كان تحب يمشيو يفطرو البرا و اكاكا يكملو حديثهم وافقت هند، طلعت حضرت روحها و هزت بوشها و مفاتح الكرهبة و هبطت.
-----
أنت تقرأ
كرونيك :❤زواج_تقليدي❤
عاطفيةما نودكم كان بالممو 😍😍🔥🔥🔥🔥 هيااا عسلاتي حضرولي روااحكم 😍😍😍❤❤❤❤ كرونيك :زواج_تقليدي باللهجةالتونسية منقوولة 🔥❤ انشاءالله تعجبكم 😘😘😍😍🔥🔥❤❤
