كرونيك :❤زواج_تقليدي❤

"زواج تقليدي" الحلقة 18

"زواج تقليدي" الحلقة 18

بكات لين عيات الدموع نشفو في عينيها قامت من القع رمات روحها على الفرش و رقدت بروبتها، فالوقت اذاكا وائل كان يشرب فالكاس ورا خوه هو عارف إلي هو جرحها و كان قاسي معها لكن في مخو أذاكا الحل الأنسب ليهم الثنين ميحبش يضلمها معه ميحبهاش و ميتصورش انو باش يحبها و إلا يحب غيرها الحب بالنسبة ليه حاجة خايبة ملول حلوة لكن بالوقت يتبدل كل شي يدخل فيه الغدر و الخيانة و الخبث و الحب النقي يتمسخ عارف انو فما حب حقيقي كيما حب بوه و امو لكن توا موش كيف قبل و هو ميتصورش انو باش يعيشو لذلك سكير قلبو بالمفاتيح و رماهم في البحر والجرح لي سكير عليه موش مستعد يحلهولو حد أخر. قامو الصباح الزوز روسهم باش تترشق ليليا من البكاء ليلة كاملة و وائل من الشرب للصباح، هزت ليليا روحها بسيف عينيها منفوخين من البكاء و مكياجها سايح على وجها نحات الروبة و دخلت للتولات باش تدوش بعد ما كملت خرجت و حاليت ال dressing باش تشوف أش باش تلبس عينيها جاو على الڨونيليات و منهم إلي هند كبشت فيها باش تشريها و هي محبتش صحيح تقتل لكن ياسر عريانة تقول موش لابسة شي تغطي كان ترف من اللازم في لازم هي اصلا تحشم باش تغزرلها و هاذي متكون كان عملت هند اكيد هي إلي شراتهلها بالسرقة و حتطها شدتها و حتيطها ورا الدبش باش ما يراها حد و كملت لبست و حضرت روحها باش تخرج شيحت شعرها عملت مكياج خفيف هزت مفتاح كرهبتها و لبست لينات باش تخبي عينيها المنفوخين