كرونيك :❤زواج_تقليدي❤

زواج_تقليدي الحلقة 81

زواج_تقليدي الحلقة 81

هز وائل المنشفة و مشا باش يدوش و ليليا بدلت دبشها و هبطت تلقا هند مزالت كي قامت دخلو للكوجينة باش يحضرو فطور الصباح خرجت ليليا قدام الدار و مسحت الطاولة اللوح على خاطرهم قررو انهم يفطرو البارا مدام النهار دافي اليوم، كملو حضرو الفطور و وائل و محمد جاو عونوهم في حطان الماكلة البرا، قعدو يفطرو و يحكيو قالتلهم هند "محلاه طقس اليوم، شرايكم كان نمشيو نعديو النهار في البحر؟" ليليا عينيها لمعو قالهم محمد "انا مذبيا" تبسم وائل و قالهم "اي علاش لا" قالتلها ليليا "و انا موافقة" كملو فطرو و دخلت هند و ليليا للكوجينة باش يعملو سندويتشات بحكم انهم باش يعديو النهار كامل غادي حطوهم في الساك و معاهم دبابس عصير و ماء و ديسار في حكوك بلاستيك بعد ما كملو طلعو باش يلبسو دخلت ليليا للبيت تلقا وائل لابس شورت و متكي على الفرش تبسمت و مشات حلت الخزانة مدت المايو متاعها و الروبة لي باش تلبسها فوقها دارت تسخاب وائل خرج كي راها باش تلبس لقاتو حاطط يديه على جبينو و يغزرلها نفخت ليليا و مشاتلو وقفت بجنب الفرش و حطت يديها على حزانها عملتلو براسها للباب وائل ضحك و عمل روحو ما فيبالوش قالها "قولتلي حاجة؟" حطت ليليا دبشها على الفرش و قالتلو "لبست دبشك؟" تبسم على جنب و قالها "تنجم تقول" كتفت ليليا يديها و قالتلو "اي انا ما لبستش" و عملتلو براسها للباب ضحك و جبدها من يديها جابها فوقو كبس على حزامها بيديه و قالها "شعملنا فيها الحشمة هاذي توا" بلعت ليليا ريقها و دزتو و قامت وجهها احمر وقف وائل من الفرش و قربلها عدا يديه على شعرها و حطو تحت وذنيها تبسم كي را وجهها حمار، طبع بوسة خفيفة على جبينها و هز تريكوه من الفرش و دارلها يلقاها تبرد في وجهها بيديها غمزها و خرج سكر الباب، كملت ليليا لبست و حلت شعرها، هبطت تلقاهم يستناو فيها