غَيثْ

الفصل الثالث و العشرون

غيث
الفصل الثالت و العشرون ..
___
ظلت تأنُ من ألمها الجسديّ و هي تزحفُ على الأرضية الصلبة لتصل لكوب الماء الموضوع عن قصد بين تلك الدماء ، و قبل اغلاقها لعينيها باستسلامٍ معهود وجدت صوت خطوات أقدامه  يقطع الصمت المُسيطر على المكان بأكمله ، التقطت تلك الزجاجة الجديدة التي امتدت نحوها و قبل ارتشافها منها رفعت عينيها لتنظر له و بمجرد أن تعرّفت على ملامحه ارتجفت و تركت الزجاجة من بين يديها لتتهشم أرضاً و لتتذكر قولها له سابقاً .... 
"يعني ايه هتعرضني للمُسائلة القانونية ، هي اللي جت برجليها الاتنين وبإرادتها و ماحدش اجبرها على حاجة ، هو حضرتك هتعلمني شغلي يعني ولا ايه مش فاهمة !! يلاا اتفضل بعد اذنك انا مش فاضية"
ابتلعت لُعابها برعبٍ اكتسحها و بدأ تلهث وكأنها ركضت لمسافة بعيدة دون التحرك من المكان ...قابل هو توترها الظاهر بابتسامةٍ شامتة 
=: ايوة انا ...انا اللي جبتك هنا (اقترب من أذنها و بدأ يهمس بصوت خفيض متقطِع )غ ي ث
سيدرا : ل..ليه !
ارتفعت نبرة صوتها بحالةٍ هيستيرية بعدما قبضت بأظافرها على ذراعه و أكملت
سيدرا : انطق عملت فياا كدة ليه!!
غيث : (ازدادت ابتسامته بتشفي) شكلهم عينوكي بالمحسوبية يا سيدرا ...المفروض إن كُلك نظر و بتلقطيها من و هي طايرة ، بس ايه ...طلعتي بني آدمة فاشلة ، حقيقي أنا مش عارف الناس هتتجنن عليكي بالشكل دا كله ليه !
نظرت له بكرهٍ شديد و صاحت بنبرة مُختنقة
سيدرا : انت مريض
غيث : آه مريض ....مانا عارف ! و ليس على المريض حرج مش كدة ، بس أنا هعذُرك ...هتوقع ايه من واحدة قعدت فترة طويلة زي دي تحت ضغط و واحد حيوان اغتصبها بطريقة وحشية لا و قدام الاتنين اللي جايين معاها و ماحدش فيهم قدر يتحرك و يساعدها ! و حواليها اكتر شيئ بتترعب منه ....الدم ! ايه نسيتي تحبي أفكرك تاني ! (انتظر عدة لحظات) و السكوت علامة الرضا ...
عبث بأنامله في أزرار هاتفه المحمول  بعدها صدح صوت استغاثتها بذلك اليوم المشئوم أثناء حادثة الاعتداء دون رحمة
*-*-*-*-*-*-*-*-
بدأت دموعها في الهطول بعدما ألقى كلماته السامة بوجهها و انصرف راحلاً ليُكمل مغامرته مع الطرفين الآخرين ، استندت برأسها على الحائط و هي مغمضة العينين لتتمتم بحسرة ...
أروى : هتخسر كل اللي حواليك و قبلها هتكون خسرت نفسك يا غيث ، ليه عملت كدة حرام عليك الناس و حرام عليك اللي بتعمله في نفسك انت مش كدة ...انت الانتقام غمّى عينيك و مابقتش شايف حاجة قدامك غير الكُره ولا عارف انت بتعمل ايه ، انت الوحيد اللي هتكون دخلت الحرب كسبان و هتطلع خسران مش العكس ....ليه كدة !
《Flash Back》
غيث : انتي حتى يوم ما قررتي تقطعي اي حاجة بتربطني بيكى مادتنيش فرصة انطق كلمة واحدة  أبرر بيها موقفي اللي هو أساساً مش بايدي ،  يوميها أنا كنت راجع من عند الدكتور وجاي فرحان و ماكونتش مستحمل حتى مسافة السكة عشان توصليلي و  اقولك ان حالتى اتحسنت واني هتعافى قريب  ، بس بعد رد فعلك ونظراتك اللي استحملتها طول الفترة اللي قعدتها في المستشفى عرفت انك في يوم اكيد هتسيبيني و مش هتستحملي لو ما اتعالجتش ، خدت بالي بس بعد ما مشيتي اتأكدت إنك كنتي واخداني السنتين اللي قعدتيهم معايا مجرد شفقة وانسانية لشخص مابينك و مابينه ذكريات انتي لسة باقية عليها ...مش عشان الشخص اللي كان فاضل اسبوعين و اسمك يتربط باسمه ، والجروح اللي في وشي  كان ممكن  يكون ليها علاج حتى لو هتسيب علامة لكن الجرح اللي انتى عملتيه ...هو السبب في كل اللي حصلكوا يا أروى .... انتي اللي وصلتينا لكدة
《Now》
وضعت يديها على أُذنها بتشنجاتٍ أصابتها و هي تصرخ و تُردد بين بين شهقاتها العنيفة ...
سيدرا : بس بقى كفاية حرام عليك وقف الصوت دااا ...
وجهه نظراته الحادة نحوها ثم رفع صوت الهاتف ليصل إلى أقصى درجة ممكنة و وضعه بجوار أذنها بالإجبار
سيدرا :اقفله ابوس رجلك كفاية ... كفااية حرام عليك
غيث : العين بالعين والسن بالسن ..والبادى اظلم .. والفضيحة اللي عملتيها لعيلتي كلها على التليفزيون ..مش هتتنسي بالساهل غير لما تحصلك انتي كمان وبفضيحة اكبر
أشار بيده بحركة سينيمائية
"شاهد فضيحة الاعتداء على الاعلامية سيدرا رياض قبل الحذف"
غيث(سقف) خبر هاايل ...
سيدرا  (اهتز جسدها بعنفٍ شديد و هي تُحرك رأسها بالنفي) : لا.لا..لا انت اكيد مش هتعمل كدةة
غيث : وماعملش ليه مادام عملتيها في اختى! وفضحتيها قدام اللي يسوى واللي مايسواش (رفع نبرة صوته بشدة ) غلطانه ولا مش غلطانةة
*"مش واحد زيك اللي هيطلعني غلطانه...لو اللي بعمله غلط ماكونتش قدمت الحلقة من الاساس ولا كنت خططتلها...انا مابغلطش و ماعنديش وقت اضيعه معاك اكتر من كدة ..سبق وقولتلك برا"*
غيث(شد خصلاتها بقوة) : غلطانة ولا مش غلطااانة
سيدرا (حركت راسها بالايجاب) : غ...غلطانة ...غلطانةة..سيبني
تركها باهمال و قبل خروجة من باب الغرفة هتف بصوت جهوريّ
"و دا جزاء اللي بيغلط مع غيث "
يتبع...
#نسمة_حمدي