~ U̶g̶l̶y̶ ~

7• බොරුකාරයා ☔︎

    වතුර බටවලින් කාන්දුවෙන වතුර බින්දුවල සද්දේ විතරයි ජිමින්ට ඇහුනේ. දෑතිනම මූන වහගෙන හිටපු ජිමින්ට වටේ කිසිම දෙයක් පෙනුනේ නෑ. එයා ඇස් ඇරලා ඔලුව උස්සලා බලන්නත් බයෙනුයි හිටියේ. සුගා ඒ මේ අත ඇවිද්දේ පිස්සෙක් වගෙයි ජිමින්ව හොයාගෙන. වොශ් රූම්ස්වල දොරවල්වලට කැඩෙන්න පයින් ගැහුවා. ඒ සද්දෙට ගැස්සිලා ගිය ජිමින්ට බයටම කෑ ගැස්සෙන්න ගියත් එයා ඉක්මන්ට අතින් කට තද කරලා වහගත්තා, එයාගෙම සද්දෙ පිට වෙන්නේ නැති වෙන්න නොදී.

     

* suga pov *

   හැමදේම මට නැතිවෙයි, කාරා කිව්වා වගේ. ඔව් ඇත්ත එයාලා කිව්ව හැමදේම ඇත්ත. මට ඉන්නේ අප්පා විතරයි. එයාව මගෙන් ඈත් කරන්නයි මේකා ඇවිත් ඉන්නේ. මට හැමදේම නැති කරලා දායි. මාව ගෙදරනුත් පන්නයි. කාරා කිව්වා අහිංසකයි වගේ රගපාලා හැමෝවම රවට්ට ගනී කියලා. ඔව් ඔව්... ඒක ඇත්ත එයාගේ රැවටීම මම දැක්කා මුල ඉදලම.    එයාගේ ඔම්මත් ඒ මායමම දාලා මගේ අප්පව දැලේ දාගත්තා. අප්පාගේ දේපල ඔක්කොම බෙදා ගනී මගේ අප්පවත් මරලා. එහෙම වෙන එක හරිම සාමන්‍යයි කියලා මගේ යාලුවෝ හැමෝම කියනවා. ඒ මායාකාරීයි එකිගේ මේ කොල්ලයි මාවත් මරලා දායි හිමීට කාටවත් සැක හිතෙන්නෙ නැති වෙන්නම. එතකොට හැමදේම ඒ දෙන්නට ලැබෙනවනේ හරිම ලේසියෙන්. අප්පට මම කී සැරයක් කිව්වද මේ දේවල් ගැන. ඒත් මාව සත පහකට මායිම් කරන්නේ නෑ. අප්පා ඒ ගැනිගේ කීම විතරයි අහන්නේ.  ඔව් ඉතින් මම එයාගෙම පුතා නෙවේනේ.. ඇයි ඉතින් මන් කියන දේ අහන්නේ.

    උබව මට අහු උනොත්නම්.. ඇත්තමයි...

  " එනවා එලියට... "

කොහෙවත් නෑ හොයාගන්න.. කොහෙහරි හැන්ගිලා මට හිනා වෙනවා ඇති. මට හොයා ගන්න බෑ කියලා වෙන්න ඇති ඒකා හිතන් ඉන්නේ. මොනා උනත් මගේ අතේ හයියට ඒකා බයයිනේ.. මෙච්චරකල් කටපියන් හිටියේ අප්පටවත් නොකියා ඒ මට බය නිසයි. ඔය අහිංසක බොරු චාටු කතා වලින් මාව අල්ල ගන්න බෑ කියලා තේරෙනවා ඇති😀 මාව අල්ලගන්න බෑ කියලා තේරෙන නිසා අප්පට තවත් ලන් වෙලා මාව ඉක්මන්ටම ගෙදරින් ඈත් කරයි. එතකොට මගෙන් කරදරයක් නෑනේ ඒ දෙන්නගේ මේ කප්ටි ප්ලෑන්වලට.