ETERNITY [ 1 ]

11

Jindo-gun ဆိပ်ကမ်း။
ပင်လယ်ဘက်က တဝူးဝူးတိုက်နေတဲ့လေကြောင့်.
ကိုယ့်နဖူးရှေ့ဆံနွယ်တွေကတလွင့်လွင့်။

Jindo ကျွန်းက.လူသွားလူလာနည်းတယ်။ ပြောရရင်ခရီးသွားဧည့်သည်တွေက Jindo ကိုကျော်သွားပြီး Jeju မှာပဲလည်ပတ်ကြတာများတယ်။ ဒါကြောင့်ကမ်းခြေဘက်မှာဟိုတယ်ဆိုတာလည်းတော်တော်လေးနည်းလေတယ်။

"ဒီဟိုတယ်ရဲ့လုံခြုံရေးမှူးနဲ့တွေ့လို့ရမလား..Tae Hyung?"

ကမ်းဘက်ကပ်လေ့ရှိတဲ့ သင်္ဘောတွေက ဒီဟိုတယ်ရှေ့မှာ ကမ်းကပ်လေ့ရှိတယ်။ ဆိုတော့..ညစောင့်ပဲဖြစ်ဖြစ်၊ဒီဟိုတယ်ရဲ့လုံခြုံရေးမှူးပဲဖြစ်ဖြစ်၊ သူတို့ဆီကတစ်ခုခုတော့သိရမှာပဲမဟုတ်လား..။

"ရတော့ရမယ်ထင်တယ်.."

"အထဲ တစ်ချက်ဝင်မေးရအောင်"

ကိုယ်နဲ့ Tae Hyung ကအရှေ့ကဝင်လို့ Jimin နဲ့Sanbae ကတစ်ဖွဲ့နောက်ကလိုက်လေတယ်။ Reception ကမိန်းကလေးကတွေ့ခွင့်ပေးသည်မို့..ကိုယ်တို့ လုံခြုံရေးမှူးရဲ့လိပ်စာကိုသိခဲ့ရတယ်။

ညနေ ၄ နာရီ ၄၃ မိနစ်။

"Yejin.. နင် Seoul ကိုပြန်ရမှာမလား?မမှောင်ခင်ပြန်လိုက်ပါလား..?"

"ဟုတ်တယ်..Yejin..ကျွန်တော်နဲ့ Hyung ရှိနေတာပဲ..ပြန်လိုက်တာကောင်းလိမ့်မယ်၊ မိန်းကလေးတစ်ယောက်တည်း Highway လမ်းကအန္တရာယ်များတယ်"

Tae Hyung နဲ့ Jimin ကစိတ်ပူ၍ပြောသည်။ Jimin ဘေးရပ်နေသော Sanbae ကပါခေါင်းငြိမ့်ပြနေတယ်။

"ကျွန်မ Seoul ကိုပြန်မှာမဟုတ်ဘူး.."

Jimin ဆီမှ "ဟင်?" နှင့် Sanbae ဆီမှ "Busan လား?" ဆိုသည့်နှစ်သံက တပြိုင်တည်းထွက်လာတယ်။ လုံခြုံရေးမှူးအိမ်သို့လျှောက်နေရင်းနဲ့. Tae Hyung ကပါရပ်တန့်လိုက်ပြီးကိုယ့်ကိုလှည့်ကြည့်လာတယ်။

"လွန်ခဲ့တဲ့ သုံးရက်က..အဖေ့မွေးနေ့လေ။
အဲ့တာမပြန်ရသေးတာနဲ့..ဒီနေ့ဆက်သွားမလားလို့.Jimin ကလည်း Sanbae နဲ့ပြန်လိုက်မယ်ဆိုတော့..အတော်ဖြစ်သွားတာ"