لا تتركيني
إنِّي لا أحِبُّ أن أُترَك في المنتصف ، أنا أمير ترعرعت في قصر ، لم أَفقِد ولم أُفقَد ، فقدت شخصا واحدا طوال حياتي ، فقدت نصفي ياسمينًا ، فعُدت خائفًا مرعوبًا من الفقدان ..
لا تتركيني يا ملاك !
إني تائه ولا أعرف سبيلا للنجاة غيرُكِ
_________
قربت أمنية للعنوان اللي كان فيه سمير وعايلتو ، تلفتت لملاك وقالت ..
- باباك راه قاعد فدار جدك القديمة ، تعرفيها وين راهي ؟
هزت ملاك راسها ايه ، وأمنية حبست الطوموبيل وقاتلها ..
- منجمش نزيد نوصلك أكثر ، راح نحكملك طاكسي هنا وروحي .
هزت ملاك راسها ايه وهبطت ، بقات أمنية تشوف فيها مستغربة اومبعد هبطت وراحت قبالتها وين كانت واقفة عطرف الطريق ..
- ملاك .. شبيك بنتي ؟ ناخذك للوبيتال ؟
طلعت ملاك عينيها فيها ، وبقات تشوف فيها دقايق طوال وهبطو دموعها .. بلعت أمنية ريقها وقالت متقلقة ..
- ملاك شبيك ؟
فقدت ملاك الوعي ، وطاحت للرض ، قربتلها أمنية بلخف حكمتلها راسها قبل ما يخبط فلرض ، ضربتها ضربات خفاف للخدود باش تفيق مي والو ..
هزتها ساندتها عليها وردتها للطوموبيل ، وركبت بلخف ، قلعت وعملت اتصال .. كي رد قالت ..
- أمير ملاك تغاشات وراح ناخذها للوبيتال .
- راني جاي .
قال بلخف وكوبا .. وصلت أمنية للوبيتال ، كي هبطت شافت أمير جاي يجري لعندها تمتمت مستغربة ..
- كيفاش وصل ؟
تجاهلت تسائلاتها وراحت للجهة اللاخرة ، جا أمير لعندها هزها وراح للداخل ، غلقت أمنية الطوموبيل ولحقاتو ..
جات الطبيبة تاع ليرجونص لعندو وقاتلو ..
- أمير ؟ طاطا ؟
- بلخف إسراء ، جيبي نقالة .
قالت أمنية ، وراحت الطبيبة تجري جابت نقالة وجات ، حطها فوقها وراحو للداخل ..
.
.
- كيفاش وصلت فهاد المدة ؟
- 200
قالت أمنية لأمير اللي كان واقف بحداها فالكولواغ يقارعو للطبيبة ترجع ، وهو جاوبها ، تلفتت فيه مستغربة كيفاش جا بسرعة 200كلم/س ، هزت راسها لا لا وهي تشوف فيه اومبعد تنهدت ..
خرجت الطبيبة بعد دقايق ، راحلها أمير وأمنية وهي قاتلهم..
- متتقلقوش ، طاحتلها لاطونصيون ، مكانش حاجة واعرة لدوكا .
- دوكا ؟
قال أمير وهو يشوف فيها وهي حكماتو من ذراعو وقاتلو ، ارواح دقيقة .. خذاتو إسراء جراتو بعيد وقاتلو تحكي بصوت خافت ..
- أمير وين تعرفها هادي ؟
- علاه راكي تسقسي ؟
- بسك نعرفها ، موالف تجي لهنا بزاف .
ضيق أمير عينيه كي قالت ، وسألها هو ..
- كيفاش ؟
- محاولات الانتحار تاعها دائما تزلزل لوبيتال .
بقى يشوف فيها ، وهي قاتلو كأنها تشرح ..
- يعني ، شخص كيما هكا من وين تعرفو أنت ؟
جبد ذراعه من يدها ، وهو يخزر فيها قالها ..
- وين راه باباك حاب نتلاقاه .
قلبت عينيها وقاتلو ..
- راه لفوق فالبيرو .
راح يمشي للفوق طلع للبيرو تاع بابات إسراء اللي هو رئيس الأطباء وفنفس الوقت هو نفسو عبد النور زوج جميلة أخت نصر الدين ، أي إسراء بنت عمة أمير ..
وصل ، دقدق عالباب ودخل ..
- سلام عمي !
- سلاام أمير ! كيراك ولدي !
- صفا عمي هانية ، وأنت كيراك ؟
- حمد لله ، على سلامتك
- الله يسلمك .
- هادي غيبة راني فشحال مشفتكش ، مكان والو غير الخير ؟ يماك لباس ! باباك !
- راهم لباس ، يما راهي هنا ، مي مكان والو جيست وحدة نعرفوها مرضت وجبناها لهنا ، وإسراء عاونتنا الله يجازيها .
أنت تقرأ
بَكـمَـآء || Dumb
Romance• ~ هناک خير في كل شـر ~ • تربى وسط عائلته كالأمير ، تلقى معاملة أمير ، نضج وأصبح رجلا يحمل ملامح مَلِک أسيبقى الأمير على عرشه ! • ~ المجروح من عائلته لا يُشفى أبدا ~ • فتاة متعجرفة ، انطوائية وابنة رجل غني .. أميرة لا يعجبها العجب أعند من الحجر أ...
